សន្តិសុខសង្គម
នគរបាលស្រុកគីរីវង់ម្នាក់វាយប្រជាពលរដ្ឋ៣ដំបង គ្រាន់តែរឿងចុចស៊ីផ្លេសុំឲ្យអែបខាង
កើតមានករណីលោកនាយការិយាល័យសណ្តាប់ធ្នាប់បម្រើការងារនៅអធិការដ្ឋាននគរបាលស្រុកគីរីវង់ម្នាក់ បានប្រើអំពើហិង្សាវាយប្រជាពលរដ្ឋបណ្តាលឲ្យរងរបួសធ្ងន់កាលយប់ថ្ងៃទី២៦ ខែឧសភា ឆ្នាំ២០២៣ វេលាម៉ោង១៩និង៣៧នាទី ចំណុចខាងលិចស្ពានមេម៉ាយ ភូមិទួលស្វាយ ឃុំអង្គប្រាសាទ ស្រុកគីរីវង់ ខេត្តតាកែវ។
ជនរងគ្រោះឈ្មោះ ជន រស្មី ភេទប្រុស អាយុ៤១ឆ្នាំ រស់នៅភូមិពោធិ៍រោង ឃុំព្រះបាទជាន់ជុំ ស្រុកគីរីវង់ ត្រូវបានជនសង្ស័យឈ្មោះ អ៊ួន ឆាន រស់នៅភូមិឃុំជាមួយគ្នា វាយនឹងដំបង់ដោយគ្រាន់តែរឿងចុចស៊ីផ្លេឲ្យយកឡានចេញបន្តិចព្រោះផ្លូវចង្អៀត។
តាមការបញ្ជាក់ពីជនរងគ្រោះថា ខ្លួនបានជិះរថយន្តដល់ចំណុចកើតហេតុខាងលើ ក៏បានស៊ីផ្លេនៅលើផ្លូវចង្អៀត២លើកឲ្យរថយន្តខាងមុខអែបគៀន បន្ទាប់មកមាននារីម្នាក់ដែលត្រូវជាសង្សាររបស់ឈ្មោះ អ៊ួន ឆាន បានជេប្រមាថមកលើខ្លួន ហើយឈ្មោះ អ៊ួន ឆាន់ ដែលជាជនដៃដល់ក៏បានជេប្រមាថមកលើខ្លួនដែរ។ ក្រោយមកក៏បានយកដំបងវាយមកលើខ្លួនចំនួន៣ដំបងបណ្តាលឲ្យរងរបួសក្បាលយ៉ាងដំណំ រួចក៏រត់គេចទៅជាមួយសង្សារបាត់។
ករណីនេះដែរតាមការបញ្ជាក់ពីលោក យុគ សារ៉ាត់ អធិការនគរបាលស្រុកគីរីវង់បានឲ្យដឹងថា លោកទទួលមើលការ និងទទួលខុសត្រូវកូនចៅតែក្នុងម៉ោងការងារប៉ុណ្ណោះ រឿងនេះទុកឲ្យច្បាប់ជាអ្នកដោះស្រាយទៅ។
បច្ចុប្បន្នជនសង្ស័យឈ្មោះ អ៊ួន ឆាន ត្រូវបានកម្លាំងជំនាញនៃស្នងការដ្ឋាននគរបាលខេត្តតាកែវ ឃាត់ខ្លួនមកស្នងការដ្ឋាននគរបាលខេត្តដើម្បីសួរនាំ ហើយចំពោះចំណាត់ការផ្លូវច្បាប់យ៉ាងណានោះ មកដល់ថ្ងៃទី៣០ ខែឧសភានេះ នៅមិនទាន់ដឹងនៅឡើយ៕
អត្ថបទ៖ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង