សន្តិសុខសង្គម
ទឹកជំនន់លិចភូមិនៅតាមវាលទំនាបចំនួន ១៥ ភូមិក្នុងស្រុកសេសាន
ទោះជាមិនទាន់ដល់កម្រិតប្រកាសអាសន្ននៅឡើយ តែនៅតាមវាលទំនាបមួយចំនួនក្នុងស្រុកសេសាន ខេត្តស្ទឹងត្រែងមានភូមិចំនួន ១៥ រងផលប៉ះពាល់ដោយសារទឹកជំនន់ទន្លេសេសាន បញ្ហាប្រឈមនេះអាជ្ញាធរស្រុកសេសានខេត្តស្ទឹងត្រែងបានណែនាំប្រជាពលរដ្ឋបង្កើនការប្រុងប្រយ័ត្ន។
លោក សុវណ្ណ ពិសេដ្ឋ អភិបាលស្រុកសេសានបានបញ្ជាក់ថា៖ ស្ថានភាពទឹកទន្លេសេសាននៅព្រឹកថ្ងៃទី ០៤ ខែសីហាឆ្នាំ ២០២៣នេះ ទឹកមានកម្ពស់ជិត ៩ ម៉ែត្រ ជិតដល់កម្រិតប្រកាសឱ្យប្រុងប្រយ័ត្ន។
លោកអភិបាលស្រុកប្រាប់ថា ទឹកទន្លេសេសាននៅបន្តឡើងបន្ថែមទៀត ព្រោះក្រសួងធនធានទឹក និងឧតុនិយមបានជូនដំណឹងចាប់ពីថ្ងៃទី០២ ដល់ថ្ងៃទី ០៨ ខែសីហា នឹងមានភ្លៀងធ្លាក់ច្រើនបង្កឱ្យទឹកកាន់តែឡើងថែមទៀត និងបង្កផលប៉ះពាល់ដល់ការរស់នៅរបស់បងប្អូននៅតាមជួរដងទន្លេ។
លោកបន្តថា៖ បញ្ហាប្រឈមនេះបងប្អូនប្រជាពលរដ្ឋទាំងអស់ដែលកំពុងរស់នៅប្រកបរបរតាមបណ្ដោយដងទន្លេ និងបងប្អូនដែលមាន មូលដ្ឋានងាយរងគ្រោះផ្សេងទៀត សូមមេត្តា ត្រៀមបង្ការ និងប្រុងប្រយ័ត្នខ្ពស់ ហើយនាំគ្នាប្រមូលផលដំណាំទៅតាមដែលអាចធ្វើទៅបានហើយបើខ្វះកម្លាំងត្រូវជូនដំណឺងតាមរយៈមេភូមិ។
លោកឃុតតែវ កសិកររស់នៅភូមិឃុំភ្លុកបានបញ្ជាក់ថា៖គ្រោះមហន្តរាយទឹកជំនន់នេះហក់ឡើងលឿន តែក្នុងរយពេល៣ថ្ងៃសោះ បង្កឱ្យលិចផលដំណាំដូចជាដំឡូងមី ពោត និងស្រូវមួយចំនួនក៍ត្រូវលិចផងដែរ។
នៅព្រឹកថ្ងៃទី០៤សីហា នេះស្ថានភាពទឹកនៅតាមដងទន្លេទាំងបីក្នុងខេត្តស្ទឹងត្រែងមានទន្លេមេគង្គទឹកមានកម្ពស់ ៨,៨៧ ម៉ែត្រ ទន្លេសេកុង កម្ពស់ ៩,៧០ ម៉ែត្រ ទន្លេសេសាន កម្ពស់ ៨,៩៦ ម៉ែត្រ។
កម្រិតកម្ពស់ទឹកនេះបង្កផលប៉ះពាល់ ភូមិប្រជាពលរដ្ឋកំពុងរស់នៅចំនួន១៥នៅក្នុងស្រុកសេសាន ដែលមានប្រជាពលរដ្ឋប្រមាណជិត៣០០គ្រួសារ និងផលដំណាំផ្សេងៗជាច្រើនហិកតារងការគំរាមកំហែងផងដែរ៕
អត្ថបទ៖ ងិនលីម
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល