សន្តិសុខសង្គម

អាជ្ញាធរក្រុងសៀមរាប បញ្ចេញធម៌ក្ដៅដាក់រថយន្តដឹកដី ដែលចាក់ដីមិនមានច្បាប់អនុញ្ញាត

បានផុស

២ years មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

សៀមរាប ៖ បន្ទាប់ពីមានការរិះគន់នៅក្នុងបណ្ដាញសង្គមហ្វេសប៊ុក ករណីរថយន្តដឹកដីធ្លាក់រប៉ាត់រប៉ាយពេញផ្លូវ ធ្វើឱ្យស្ទះដីតាមប្រព័ន្ធលូ អាជ្ញាធរមូលដ្ឋាននៃសង្កាត់ស្លកក្រាម ក្រុងសៀមរាប បានចុះហាមឃាត់និងធ្វើកិច្ចសន្យាឲ្យម្ចាស់ឡានទឹកដីបញ្ឈប់ភ្លាមៗនិងលាងសម្អាតផ្លូវបេតុងនេះឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកហាយ យ៉ុង អភិបាលរងក្រុងសៀមរាប បានមានប្រសាសន៍ឲ្យដឹងនៅរសៀលថ្ងៃទី៥ ខែតុលានេះថា បន្ទាប់ពីលោកទទួលបានសេចក្តីរាយការណ៍មកលោកបានប្រាប់ទៅអាជ្ញាធរមូលដ្ឋាននៃសង្កាត់ស្លកក្រាម ឲ្យចុះធ្វើការរឿងនេះឲ្យបានហ្មត់ចត់។

យោងតាមលិខិតដែលអាជ្ញាធរសង្កាត់ស្លក្រាម បានធ្វើកិច្ចសន្យានោះបានឲ្យដឹងថា ម្ចាស់ឡានមានឈ្មោះថោង ឡង់ឌី ភេទប្រុស អាយុ៣១ ឆ្នាំរស់នៅសង្កាត់ស្លក្រាមក្រុងសៀមរាប។ ម្ចាស់ឡានទឹកដីខាងលើបានចាក់ដីដោយមិនបានសុំច្បាប់អនុញ្ញាតពីអាជ្ញាធរមូលដ្ឋាននិងជំនាញនោះទេ។

លិខិតដដែលបន្តថា អាជ្ញាធរបានតម្រូវឲ្យម្ចាស់ឡានដឹកដីគ្របឲ្យបានត្រឹមត្រូវនៅពេលស្នើសុំច្បាប់រួចរាល់និងសម្អាតផ្លូវឲ្យបានត្រឹមត្រូវនិងបញ្ឈប់ការដឹកដីក្នុងអំឡុងពេលទឹកលិចផ្លូវរយៈពេលមួយឆ្នាំ។

មហាជនបានលើកឡើងថា បច្ចុប្បន្ននេះជារដូវវស្សាមានភ្លៀងធ្លាក់ជារៀងរាល់ថ្ងៃ ហើយគេសង្កេតឃើញថា មានរថយន្តធុនធ្ងន់មួយចំនួនដឹកទំនិញចូលក្នុងក្រុងសៀមរាប យ៉ាងគឃ្លើនដែលធ្វើឲ្យហេដ្ឋារចនាសម្ព័ន្ធមួយចំនួនរងការខូចខាត។ មហាជនស្នើឲ្យអាជ្ញាធរពាក់ព័ន្ធ គរបន្តចុះរឹតបន្តឹងចំពោះឡានដឹកទំនិញធន់ធ្ងន់ឲ្យបានញឹកញាប់ ដើម្បីធ្វើយ៉ាងណាឲ្យផ្លូវថ្នល់ក្នុងក្រុងសៀមរាប បានជាប់យូរអង្វែង៕

ដោយ ៖ កុសល