មើលរឿងអាសអាភាស ពូថ្លៃបែកគំនិតរំលោភក្មួយស្រីអាយុ៦ឆ្នាំ

ជនសង្ស័យម្នាក់បានចាប់រំលោភសេពសន្ថវៈលេីក្មួយស្រីថ្លៃទេីបអាយុ៦ឆ្នាំត្រូវបានកម្លាំងអធិការដ្ឋាននគរបាលខណ្ឌពោធិ៍សែនជ័យ ឃាត់ខ្លួនយកទៅសួរនាំ និងចាក់ការតាមច្បាប់។

ករណីចាប់រំលោភនេះបានកេីតឡេីងកាលពីវេលាម៉ោង៨និង០នាទីយប់ ថ្ងៃទី១១ ខែមករា ឆ្នាំ២០២៤ ស្ថិតនៅភូមិ ត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ។

ជនសង្ស័យឈ្មោះ កយ គ័ង ភេទប្រុសអាយុ៣១ឆ្នាំ មុខរបរដឹកជញ្ជូន ស្នាក់នៅបន្ទប់ជួលលេខD6 ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជយ។ ចំណែកជនរងគ្រោះម្នាក់អាយុ៦ឆ្នាំ ត្រូវជាក្មួយសាច់ថ្លៃ។

តាមប្រភពព័ត៌មានបានឱ្យដឹងថា មុនពេលកេីតហេតុជនជនសង្ស័យកំពុងនៅក្នុងបន្ទប់មេីលរឿងអាសអាភាសតាមទូរស័ព្ទដៃ បន្ទាប់មកជនរងគ្រោះបានចូលមកអង្គុយលេងក្នុងបន្ទប់ជាមួយ ដោយឃេីញឱកាសល្អ ជនសង្ស័យក៏បិទទ្វារចាក់កន្លឹះខាងក្នុងរូចធ្វេីសកម្មភាពតែមិនបានសម្រេច ភ្លាមនោះបងស្រីជនរងគ្រោះក៏បានមកគោះទ្វារបន្ទប់ និងបាននាំប្អូនស្រីចេញទៅវិញ។

ប្រភពដដែលបានបន្តថា រហូតម្តាយចេញពីធ្វេីការវិញជនរងគ្រោះក៏បាននិយាយដំណេីររឿងប្រាប់ម្តាយ ពេលលឺដូចនេះម្តាយជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី១ដេីម្បីសុំការអន្តរាគមន៍។ ក្រោយពីទទួលពាក្យបណ្តឹង កម្លាំងសមត្ថកិច្ចក៏បានចុះទៅឃាត់ខ្លួនជនសង្ស័យដើម្បីធ្វើការសួរនាំ។ នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានប្រព្រឹត្តបែបនេះពិតប្រកដមែន។

ជនសង្ស័យកំពុងឃាត់ខ្លួនជាបណ្ដោះអាសន្ន ដេីម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី៕

អត្ថបទ៖ សុខា