សន្តិសុខសង្គម
ឃាត់ខ្លួនក្រុមសង្ឃក្លែងក្លាយ ១២នាក់ រកឃើញថ្នាំញៀនមួយចំនួន
កម្លាំងសមត្ថកិច្ចធ្វេីការឃាត់ព្រះសង្ឃក្លែងក្លាយចំនួន ១២នាក់ យកទៅចាត់ការតាមនីតិវិធី ក្រោយយកស្បង់ចីពររបស់ ព្រះសង្ឃមកស្លៀកពាក់ ក្លែងជាព្រះសង្ឃដើរបិណ្ឌបាត “ប្រាក់” ពីប្រជាពលរដ្ឋតាមទីសាធារណៈ និងរក្សាទុកដោយខុស ច្បាប់នូវសារធាតុញៀន។ ការឃាត់ខ្លួនព្រះសង្ឃខាងលេីនេះ បានធ្វេីឡេីងកាលពីវេលាម៉ោង ២១ និង ៤០ នាទីយប់ ថ្ងៃទី១៩ ខែឧសភា ឆ្នាំ២០២៤ នៅចំណុចផ្លូវបេតុង ភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
![](https://www.kampucheathmey.com/wp-content/uploads/2024/05/photo_2024-05-20_11-56-27-1024x768.jpg)
ជនសង្ស័យទាំង ១២នាក់ រួមមាន៖ ១. ឈ្មោះ សេង តុលា ភេទប្រុស អាយុ ២១ឆ្នាំ ជនជាតិខ្មែរ មុខរបរ មិនពិតប្រាកដ មាន បានទីលំនៅ ភូមិចាក់ជ្រុំ ឃុំដំបូកខ្ពស់ ស្រុកអង្គរជ័យ ខេត្តកំពត “ក្លែងជាសង្ឃ” (មានសារធាតុញៀន)។ ២. ឈ្មោះ អឿន សុភា ភេទប្រុស អាយុ ៣២ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិស្រែជាខាងជើង ឃុំស្រែជាខាងជើង ស្រុកដងទង់ ខេត្តកំពត “ក្លែងជាសង្ឃ” (គ្មានសារធាតុញៀន)។ ៣. ឈ្មោះ ជាង ប៊ុនធាន ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដមានទីលំនៅ ភូមិកូនសត្វ ឃុំកូនសត្វ ស្រុកឈូក ខេត្តកំពត “ក្លែងជាសង្ឃ” (គ្មានសារធាតុញៀន)។ ៤. ឈ្មោះ សាំង សៀងហៃ ភេទប្រុស អាយុ ១៧ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិជ័រជុំ ឃុំក្រាំងត្បូង ស្រុកឈូក ខេត្តកំពត “ក្លែងជាសង្ឃ” (គ្មានសារធាតុញៀន)។ ៥. ឈ្មោះ ហ៊ុន យ៉ាង ភេទប្រុស អាយុ ៣៤ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិប្រហាល ឃុំតាលោសែនជ័យ ស្រុកពោធិ៍សាត់ ខេត្តពោធិ៍សាត់ “ក្លែងជាសង្ឃ” (គ្មានសារធាតុញៀន)។ ៦. ឈ្មោះ ធឿន បូ ភេទប្រុស អាយុ ២០ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិព្រៃ២ ឃុំស្រែកជាខាងជើង ស្រុកឈូក ខេត្តកំពត “ក្លែងជាសង្ឃ” (គ្មានសារធាតុញៀន)។
៧. ឈ្មោះ សាំង វិចិត្រ ភេទប្រុស អាយុ ២០ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិជ័រដុំ ឃុំក្រាំងត្បូង ស្រុកឈូក ខេត្តកំពត “ក្លែងជាសង្ឃ” (មានសារធាតុញៀន)។ ៨. ឈ្មោះ បាំង នី ភេទប្រុស អាយុ ២៩ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិអង្គខ្លី ឃុំក្រាំងស្បូវ ស្រុកឈូក ខេត្តកំពត “ក្លែងជាសង្ឃ” (មានសារធាតុញៀន)។ ៩. ឈ្មោះ សៅ ឡា ភេទប្រុស អាយុ ៤៥ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ
ភូមិជ័រដុំ ឃុំក្រាំង ក្រាំងស្បូវ ស្រុកឈូក ខេត្តកំពត “ក្លែងជាសង្ឃ” (មានសារធាតុញៀន)។ ១០. ឈ្មោះថា លីនណា ភេទប្រុស អាយុ ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិដំបូកខ្ពស់ ឃុំ ស់ ឃុំដំបូកខ្ពស់ ស្រុកអង្គរជ័យ ខេត្តកំពត “ក្លែងជាសង្ឃ” (គ្មានសារធាតុញៀន)។ ១១. ឈ្មោះ ណន ចាន់នី ភេទប្រុស អាយុ ៣២ឆ្នាំ ជនជាតិខ្មែរ មុខរបរ មិនពិតប្រាកដមានទីលំនៅ ភូមិជ័រជុំ ឃុំក្រាំងស្បូវ ស្រុកឈូក ខេត្តកំពត ខេត្តកំ “ក្លែងជាសង្ឃ” (គ្មានសារធាតុញៀន)។ ១២. ឈ្មោះ ហង្ស វាស្នា ភេទប្រុស អាយុ ៤០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ ភូមិជន្លង ឃុំដា ស្រុកកំពង់លែង ខេត្តកំពង់ឆ្នាំង “ជាអ្នកបើករថយន្ត” (គ្មានសារធាតុញៀន)។
![](https://www.kampucheathmey.com/wp-content/uploads/2024/05/photo_2024-05-20_11-56-26-1024x768.jpg)
វត្ថុតាងចាប់យកជាក់ស្តែង រួមមាន ១. បាត្រសម្រាប់ស្តាយដើរបិណ្ឌបាត្រយកប្រាក់ពីប្រជាពលរដ្ឋ ចំនួន ៤ ២. ថង់យាម ចំនួន ៦ ៣. ស្បង់ជីពរ ចំនួន ៣ ៤. រថយន្ត ១ គ្រឿង ម៉ាកតូយ៉ូតាហាយលែនឌ័រ (TOYOTA HIGHLANDER) ពណ៌សំបកឪឡឹក ពាក់ស្លាកលេខ ភ្នំពេញ2BC-6480 ៥. ក្រាមពណ៌ស ថ្លា សង្ស័យជាគ្រឿងញៀនចំនួនមួយបំពង់ទុយោ (ច្រកបំពង់ទុយោពណ៌ក្រហម ជារបស់ជនសង្ស័យ ឈ្មោះ បាំង នី) ៦. ឧបករណ៍សម្រាប់ជក់គ្រឿងញៀនមួយចំនួន ជារបស់ជនសង្ស័យឈ្មោះ សេង តុលា។
សមត្ថកិច្ចបានឱ្យដឹងថា មុនពេលកើតហេតុ បានទទួលពត៌មានពីប្រជាពលរដ្ឋប្រាប់ថា មានជនសង្ស័យមួយក្រុម ដែលតែងតែចេញធ្វើសកម្មភាពយកស្បង់ចីពររបស់ព្រះសង្ឃមកស្លៀកពាក់ ក្លែងជាព្រះសង្ឃដើរបិណ្ឌបាត “យកប្រាក់” ពីប្រជាពលរដ្ឋតាមទីសាធារណៈ កំពុងនាំគ្នាជិះរថយន្តមួយគ្រឿង ម៉ាកតូយ៉ូតាហាយលែនឌ័រ (TOYOTA HIGHLANDER) ពណ៌សំបកឪឡឹក ពាក់ស្លាកលេខ ភ្នំពេញ2BC-6480 ដើម្បីចេញទៅដើរសកម្មភាព តាមខេត្តផ្សេងៗ។ បន្ទាប់ពីទទួលបានដំណឹងនេះភ្លាម កម្លាំងសមត្ថកិច្ចនគរបាលបានជិះម៉ូតូដេញតាម និងឃាត់ខ្លួនជនសង្ស័យចំនួន ១២នាក់ នៅចំណុចផ្លូវបេតុង ភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ រួមនឹងវត្ថុតាងចាប់យកជាក់ស្តែងខាងលើ នាំយកមកធ្វើការសាកសួរនៅ ផ្នែកនគរបាលយុត្តិធម៌ នៃអធិការដ្ឋាននគរបាលខណ្ឌពោធិ៍សែនជ័យ តែម្តង។
ក្រោយការសាកសួរ ក្រុមជនសង្ស័យ បានឆ្លើយសារភាព ពួកខ្លួនពិតជាបានធ្វើសកម្មភាពយកស្បង់ចីពររបស់ព្រះសង្ឃមកស្លៀកពាក់ក្លែងជាព្រះសង្ឃដើរបិណ្ឌបាត “យកប្រាក់” ពីប្រជាពលរដ្ឋតាមទីសាធារណៈប្រាកដមែន ដោយឈ្មោះ ហង្ស វាស្នា ជាអ្នកបើករថយន្ត ដឹកទៅដាក់តាមគោលដៅត្រូវដើរបិណ្ឌបាត្របោកប្រាស់យកប្រាក់ពីប្រជាពលរដ្ឋ តាមទីសាធារណៈនៅម្តុំ លូប្រាំ ខណ្ឌមានជ័យ រាជធានីភ្នំពេញ និងសង្កាត់អូរបែកក្អម ខណ្ឌសែនសុខ រាជធានីភ្នំពេញ ដោយ ប្រមូលបានប្រាក់ ចំនួន ៦០ ០០០៛ (ប្រាំមួយម៉ឺនរៀល) ទៅ ៧០ ០០០៛ (ប្រាំពីរម៉ឺនរៀល) ក្នុង ១នាក់ ហើយឈ្មោះ ហង្ស វាស្នា ភេទប្រុស ជាអ្នកបើករថយន្ត យកប្រាក់ថ្លៃដឹកជញ្ជូន ក្នុង ១នាក់ ចំនួន ១៥ ០០០៛ (មួយម៉ឺនប្រាំពាន់រៀល) ទៅចំនួន ២០ ០០០៛ (ពីរម៉ឺនរៀល)។ លុះនៅម៉ោងកើតហេតុ ខាងលើ គឺពួកខ្លួន (អ្នកធ្លាប់ដើរបិណ្ឌបាត្រ កន្លងមក និងអ្នកទើបមករៀនសូត្រធម៌ដើម្បីដើរចេញបិណ្ឌបាត្រ បាននាំគ្នាជិះរថយន្តបំណងទៅដើរធ្វើសកម្មភាព នៅខេត្តបន្ទាយមានជ័យ និងខេត្តផ្សេងៗទៀត ស្រាប់តែមានកម្លាំងសមត្ថកិច្ចនគរបាលចុះមកបង្ក្រាបជាក់ស្តែង។
បច្ចុប្បន្នជនសង្ស័យត្រូវបានបញ្ជូនទៅផ្នែកព្រហ្មទណ្ឌដេីម្បីចាត់ការតាមនីតិវិធី៕
អត្ថបទ៖ សុខា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានជាតិ៥ ថ្ងៃ ago
អាជ្ញាធរខេត្តបាត់ដំបងប្រកាស ត្រៀមរៀបចំទីទួលសុវត្ថិភាពជូនពលរដ្ឋ ខណៈកម្ពស់ទឹកបន្តកើនឡើងជិតដល់កម្រិតឱ្យប្រុងប្រយ័ត្ន