Connect with us

សន្តិសុខសង្គម

ផ្ទុះរឿងដណ្ដើមមរតករវាងកូន និងសាច់ញាតិខាងឪពុក

បានផុស

នៅ


ផ្ទុះព័ត៌មានតាមហ្វេសបុក ករណីក្មេងស្រី២នាក់បងប្អូនអះអាងថា អាជ្ញាធរភូមិ ឃុំ និងម្តាយមីងសាច់ឈាមខាងឪពុក យកទ្រព្យសម្បត្តិចែកគ្នា ដោយគ្មានទុកឲ្យកូនៗ សោះ តើកូនៗ បានអ្វីជាទីពឹង។ ហេតុការណ៍នេះកើតឡើងនៅភូមិព្រះធាតុកណ្តាល ឃុំព្រះធាតុ ស្រុកអូររាំងឪ ខេត្តត្បូងឃ្មុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅល្ងាចថ្ងៃទី៤ ខែមិថុនា ឆ្នាំ២០២៤ នេះ មានការផ្សព្វផ្សាយតាមបណ្តាញសង្គមហ្វេសបុក ដោយកូនស្រីសពឈ្មោះ ឃីម ប៊ុនធឿន ដែលបានស្លាប់តាំងពីថ្ងៃទី២ ខែកក្កដា ឆ្នាំ២០២៣ម្លេះ បានអះអាងថា អាជ្ញាធរភូមិ ឃុំ ឃុបឃិតជាមួយម្តាយមីង និងបងប្អូនខាងឪពុកដណ្តើមគ្នាយកទ្រព្យសម្បត្តិទាំងអស់ធ្វើឲ្យកូនៗ បាត់សិទ្ធិជាទាយាទក្នុងការទទួលអំណោយ និងកេរ្តិ៍មរតក តើឲ្យកូនៗ រស់ដោយរបៀបណា។

ទាក់ទិនរឿងនេះដែរ លោក ឃីម ស៊្រា ត្រូវជាប្អូនសាកសព បានបញ្ជាក់ថា បងប្រុសរបស់ខ្លួនបានលែងលះគ្នាតាំងពីថ្ងៃទី២ ខែមករា ឆ្នាំ២០២៣ម្លេះ ហើយក៏បានធ្វើការបែងចែកទ្រព្យសម្បត្តិរួចរាល់អស់ហើយ មានទាំងអាជ្ញាធរចូលរួមដឹងឮ ព្រមទាំងមានការទទួលស្គាល់គ្រប់ភាគី។ លុះបងប្រុសធ្លាក់ខ្លួនឈឺ គ្រួសារខាងប្រពន្ធ និងកូនៗទាំងអស់ មិនអើពើមើល ថែទាំ និងព្យាបាលជំងឺនោះទេ ទុករហូតដល់គាត់ស្លាប់ ទើបឆោឡោ ប្រទាញប្រទង់ដណ្តើមសពយកទៅធ្វើបុណ្យទៅវិញ។ ក្នុងអន្តរកាលដ៏លំបាក ការមើលថែមានតែម្តាយមីង បងប្អូនបង្កើត ជាក់ស្តែងបែបនេះទើបបងប្រុសសម្រេចប្រគល់ផលលាភទាំងនោះឲ្យទៅប្អូនស្រីពៅបង្កើត ព្រោះជាអ្នកមើលថែជំងឺគាត់រហូតដល់ស្លាប់។ ប្អូនប្រុសសាកសពបានបញ្ជាក់ទៀតថា ពេលលែងលះ កូនចំនួន៦នាក់ ស្រី៣នាក់ បានរស់នៅខាងម្តាយទាំងអស់ ហើយទ្រព្យសម្បត្តិបានចែកទៅខាងប្រពន្ធ៩០ភាគរយហើយ។

លោក ទ្រី ពៅ ជាមេឃុំព្រះធាតុក៏បានបញ្ជាក់ដែរថា ការផ្សព្វផ្សាយពីក្មួយស្រីតាមហ្វេសបុកជារឿងមិនពិតទេ រឿងនេះខាងឃុំបានសម្របសម្រួលហើយ តែមិនត្រូវគ្នាទេ ទើបឃុំបញ្ជូនទៅស្រុកដោះស្រាយបន្ត តែលទ្ធផលមិនដឹងយ៉ាងណាទេ ព្រោះផុតដៃឃុំហើយ។ ម្យ៉ាងទៀតនៅពេលឪពុកឈឺ កូនៗ ទាំងនោះមិនព្រមជួយមើលថែទាំជំងឺឪពុកសោះ ដល់ស្លាប់មកដណ្តើមសាកសពយកទៅធ្វើបុណ្យទៅវិញ។ តែប្អូនប្រុសជាអ្នកថែ មិនព្រមប្រគល់សពបងប្រុសឲ្យកូនៗ ទាំងនោះទេ គាត់ឯនេះក៏ធ្វើបុណ្យដែរ ពិសេសទៀត បងប្រុសបានស្លាប់នៅលើដៃគាត់ ដូច្នេះនាទីចុងក្រោយគាត់ត្រូវតែបំពេញទៅតាមលក្ខណៈប្រពៃណីខ្មែរយើង៕

អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៧ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម