នាយ ពាង និងនារី២នាក់ ប៉ះសម្តីគ្នាផ្អើលទាំងយប់ ក្រោយស្នើសុំកុំឱ្យជជែកគ្នាឮៗរំខានដំណេក (មានវីដេអូ)

មហាជននិងអ្នកគាំទ្រមានការភ្ញាក់ផ្អើល បន្ទាប់ឃើញមានការចែករំលែកវីដេអូនៃជម្លោះ រវាងតារាកំប្លែងជើងចាស់ នាយ ពាង ជាមួយនារីពីរនាក់ដែលជួលបន្ទប់ជាប់គ្នា បង្កការរំខានដល់អ្នករស់នៅក្បែរខាង។

តាមរយ:ការចែករំលែកនៅលើបណ្តាញទំនាក់ទំនងសង្គម បានរៀបរាប់ដូច្នេះថា នាយ ពាង សមាជិកក្រុមកំប្លែងមួយរូបជាមួយនាយ ស្មាច់ បានទាស់ទែងជាមួយនារី២នាក់ ដែលជួលបន្ទប់ជាប់គ្នា ដោយសារខឹងនារីទាំង២នាក់ និយាយគ្នារំខានការដេកពួន។

យោងតាមវីដេអូជិត ៧នាទី បង្ហាញថា នារីទាំង២នាក់ បានបង្កការរំខានដល់ការសម្រាករបស់អ្នកជិតខាង រួមមានទាំងតារាកំប្លែងរូបនេះ ដែលរស់នៅបន្ទប់ជួលក្បែរគ្នាអំឡុងពេលម៉ោងប្រមាណជា ៣ទៀបភ្លឺ ខណ: នាយ ពាង បានចេញមកស្នើឲ្យបញ្ឈប់ការរំខានដែរ តែនារីទាំង២ បានជជែកគ្នារហូតក្លាយជាជម្លោះតែម្តង។

ទោះបីជាយ៉ាងណា ជម្លោះនោះដែរ មិនបានឈានដល់ការប្រើអំពើហិង្សានោះទេ ពោលគឺគ្រាន់មានការជជែកវែកញែកជាពាក្យសម្តីរវាងនាយ ពាង និង នារីទាំង ២នាក់ បង្កការភ្ញាក់ផ្អើលដល់អ្នកជិតខាងប៉ុណ្ណោះ។ តួយ៉ាងក៏មានការលើកឡើងថា “ទោះបីទើបនឹងចេញពីធ្វើការក៏ដោយ ក៏ត្រូវតែយល់គេកំពុងសម្រាកដែរ មិនមែនចេះតែឡូឡាទេ នេះជាសុជីវធម៌មនុស្សក្នុងការរស់នៅ ខ្ញុំក៏ខឹងដែរ។ ម៉ោង ៣:០០ ជាម៉ោងដែលគេត្រូវការសម្រាកស្រួល។ យើងធ្វើការយប់មកជជែកគ្នាឡូ ឡាគ្មានសុជីវធម៌។បើខ្ញុំវិញស្រែកខ្លាំងជាងគាត់ទៀត។ ការអត់ធ្មត់មានដែនកំណត់។ធ្លាប់ជួបហើយ“៕ អត្ថបទ៖ ចាន់រ៉ា