ព័ត៌មានជាតិ
លោកបណ្ឌិត ម៉ី កល្យាណ បកស្រាយពីមូលហេតុដែលជម្លោះនៅអឺរ៉ុប កើតមានច្រើនជាងនៅអាស៊ី
លោកបណ្ឌិត ម៉ី កល្យាណ ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិតាមរយៈវេទិកាជជែកពិភាក្សាពិសេសរបស់«កម្ពុជាថ្មី»កាលពីថ្ងៃអង្គារ បានបកស្រាយអំពីបញ្ហាជម្លោះ និងសង្គ្រាម ដែលភាគច្រើននៅតំបន់អឺរ៉ុប តែងតែកើតមានច្រើនជាងតំបន់អាស៊ី។
ការបកស្រាយរបស់លោកបណ្ឌិតបែបនេះ ស្របពេលដែលបច្ចុប្បន្ននេះ ជម្លោះរវាងរុស្ស៊ី និងអ៊ុយក្រែន នៅតែបន្តអូសបន្លាយរយៈពេល១ឆ្នាំមកហើយ ប៉ុន្តែ មិនទាន់មានដំណោះស្រាយណាមួយដែលអាចបញ្ចប់ជម្លោះមួយនេះបានឡើយ។ ចំណែក នៅក្នុងតំបន់អាស៊ីវិញ មានសន្តិភាពពេញលេញ គ្មានបុព្វហេតុណាមួយបង្កឱ្យមានសង្គ្រាមកើតឡើងដូចនៅក្នុងតំបន់អឺរ៉ុបនោះទេ។
លោកបណ្ឌិត ម៉ី កល្យាណ បានលើកឡើងថា ក្នុងបទពិសោធដែលលោករស់នៅក្នុងប្រទេសអ៉ីតាលី២០ឆ្នាំ លោកឃើញថា ជនជាតិអឺរ៉ុបភាគច្រើនរស់នៅជាលក្ខណៈបុគ្គលច្រើនជាងភ្ជាប់ខ្លួនជាមួយសង្គម។ មួយវិញទៀត អឺរ៉ុបមានទិន្នាការ និងការគិតខុសពីប្រទេសនៅក្នុងតំបន់អាស៊ី។ រីឯ តំបន់អាស៊ីវិញ ចូលចិត្តរស់នៅក្នុងសង្គមច្រើន ភ្ជាប់ខ្លួន និងមានទំនាក់ទំនងក្នុងសង្គមជាប់ជានិច្ច ព្រមទាំងបង្កើតមិត្តភាពជាមួយគ្នា និងបរទេសបានច្រើនផងដែរ។
បើក្រឡេកមកមើលសម្ព័ន្ធមិត្តរវាងកម្ពុជា និងចិនវិញ គឺកើតមានជាយូរណាស់មកហើយ ចិនក៏បានជួយវិនិយោគ និងអភិវឌ្ឍន៍ទៅលើវិស័យនានានៅក្នុងកម្ពុជាឱ្យមានភាពរីកចម្រើន និងកំពុងបំពេញបន្ថែមនូវតម្រូវការដែលប្រទេសកំពុងអភិវឌ្ឍជួបប្រទះ។ នេះបើតាមការលើកឡើងរបស់លោកបណ្ឌិត ម៉ី កល្យាណ។
លោកបណ្ឌិត ម៉ី កល្យាណ បានសង្កត់ធ្ងន់ថា ទោះបីជាកម្ពុជាមានសម្ព័ន្ធភាពស្អិតរមួតជាមួយប្រទេសចិនយ៉ាងណាក្តី ក៏កម្ពុជា នៅតែប្រកាន់ជំហររបស់ខ្លួនជាប់ជានិច្ចក្នុងការរក្សា និងបង្កើតទំនាក់ទំនងជាមួយប្រទេសដទៃទៀតលើសកលលោក ដោយប្រកាន់យក “ចម្រើន ប្រយោជន៍ និងសេចក្តីសុខ” ដើម្បីកសាងប្រទេសឱ្យមានភាពរីកចម្រើន៕
ដោយ៖ អុន ស្រីមាន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង