Connect with us

សន្តិសុខសង្គម

ស្នងការរាជធានីបង្ហាញមុខក្រុមប្លន់ និងក្រុមឆបោក១៨នាក់ រួមទាំងវត្ថុតាងមួយចំនួន

បានផុស

នៅ

ក្រុមជនសង្ស័យជាមុខសញ្ញាប្លន់ម៉ូតូ និងឆបោក (ទំលាក់យោងធ្វើជាជ្រុះមាសក្លែង)ចំនួន១៨នាក់ ត្រូវបានកម្លាំង នគរបាលការិយាល័យព្រហ្មទណ្ឌកំរិតធ្ងន់ និងកំរិតស្រាល នៃស្នងការដ្ឋាននគរបាលរាជធានីភ្នំពេញសហការជាមួយ បណ្តាលខណ្ឌនានា ធ្វើការស្រាវជ្រាវឃាត់ខ្លួនបានជាបន្តបន្ទាប់ ដោយដកហូតបានអាវុធចំនួន២ដើម រួមទាំងវត្ថុតាងមួយចំនួនទៀត និងធ្វើសន្និសីទសារព័ត៌មានបង្ហាញមុខជាសាធារណៈកាលពីព្រឹកថ្ងៃទី០៨ ខែកក្កដា ឆ្នាំ២០២៤នេះ នៅស្នងការដ្ឋាននគរបាលរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាលរាជធានីភ្នំពេញ បានអោយដឹងថា ដោយមានការអនុញ្ញាតពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនៃស្នងការដ្ឋាននគរបាលរាជធានីភ្នំពេញ លោកបានធ្វើសន្និសីទសារព័ត៌មាន បង្ហាញមុខក្រុមជនសង្ស័យសរុប១៨នាក់ជាមុខសញ្ញា​ក្រុមប្លន់(ប្រើប្រាសើអាវុធ ភ្ជង់គំរាមកំហែងយកម៉ូតូ និងសម្ភារៈ) និងលួចមានស្ថានទម្ងន់ទោស និងក្រុមឆបោក (ធ្វើជាជ្រុះមាសក្លែងក្លាយឆបោកទ្រព្យសម្បត្តិ)ហៅថា ទម្លាក់យោង។

លោកវរសេនីយ៍ឯក អេង សោភា បានបញ្ជាក់អោយដឹងទៀតថា កាលពីថ្ងៃទី២០ ខែកក្កដា ឆ្នាំ២០២៤ នៅវេលាម៉ោងប្រមាណ៣និង២០នាទី ទៀបភ្លឺ នៅចំណុច ហាងខ្យល់ទន្លេ ស្ថិតនៅភូមិកោះនរា សង្កាត់និរោធ ខណ្ឌច្បារអំពៅ មានករណីប្លន់ប្រដាប់អាវុធដោយជនសង្ស័យមានគ្នាចំនួន៥នាក់ ជិះម៉ូតូ២គ្រឿង បានធ្វើសកម្មភាពភ្ជង់ប្លន់យកម៉ូតូម៉ាកស្តុបពី ១គ្រឿង ពីជនរងគ្រោះប្រុសស្រី២នាក់ ដែលជិះម៉ូតូធ្វើដំណើរមកពីដើរលេងកម្សាន្ត។ ក្នុងនោះដែរជនសង្ស័យបាន ប្លន់យកម៉ូតូម៉ាកស្កុបពី ពណ៌ស មួយគ្រឿង ពាក់ស្លាកលេខ ភ្នំពេញ 1KB-7528 បានសម្រេច និងយកទូរស័ព្ទ​២គ្រឿងថែមទៀតផងដែរ។

ដោយមានការចង្អុលបង្ហាញ និងបញ្ជាផ្ទាល់ពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងមានការសម្របសម្រួលពីលោកព្រះរាជ្ញារង សេង ហៀង នៃអយ្យការសាលាដំបូងរាជធានីភ្នំពេញ កម្លាំងការិយាល័យព្រហ្មទណ្ឌកំរិតធ្ងន់ បានសហការជាមួយនគរបាលខណ្ឌសែនសុខ ខណ្ឌទួលគោក ខណ្ឌដូនពេញ និងខណ្ឌច្បារអំពៅ បើកការស្រាវជ្រាវឈានទៅបង្ក្រាបបានជនសង្ស័យជាបន្តបន្ទាប់ចំនួន១៣នាក់។ ក្នុងនោះមានស្រី៣នាក់ កាលពីរសៀលថ្ងៃទី៤ ខែកក្កដា ឆ្នាំ២០២៤ និងដកហូតបានម៉ូតូចំនួន១គ្រឿង និងទូរស័ព្ទចំនួន២គ្រឿង ដែលជារបស់ជនរងគ្រោះ រួមជាមួយអាវុធខ្លី១ដើមម៉ាក ZORAKIមួយដើម និងអាវុធវែង១ដើម ប្រើហ្គាស។

នាយការិយាល័យកម្រិតធ្ងន់ បានបន្តទៀតថា លុះដល់ថ្ងៃទី៦ ខែកក្កដា សមត្ថកិច្ច ជំនាញបន្តស្រាវជ្រាវឃាត់ខ្លួនជនសង្ស័យ២នាក់ទៀតដែលសរុប ទាំងអស់១៥នាក់ ក្នុងនោះស្រី៣នាក់ ដែលពាក់ព័ន្ធករណី ភ្ជង់គំរាមកំហែងយកម៉ូតូ និងសម្ភារៈនៅថ្ងៃទី០២ ខែកក្កដាឆ្នាំ២០២៤ និងអំពើលួចមានស្ថានទម្ងន់ទោស(លួចកាច់បំបែកសោក ម៉ូតូ)ចំនួន២ករណី នៅក្នុងភូមិសាស្រ្តសង្កាត់ទន្លេបាសាក់ ខណ្ឌចំការមន កាលពីថ្ងៃទី៣០ ខែមិថុនា ឆ្នាំ២០២៤។ ជនសង្ស័យទាំង១៥នាក់ ពាក់ព័ន្ធករណីប្លន់ចំនួន១១នាក់ បានកសាងសំណុំរឿងបញ្ជូន ទៅកាន់សាលាដំបូងរាជធានីភ្នំពេញចាត់ការតាមច្បាប់។ចំណែក០៤នាក់ទៀតពុំពាក់ព័ន្ធ ត្រូវបានបញ្ជូនទៅកាន់មណ្ឌលបន្សាបគ្រឿងញៀន ។

លោកវរៈសេនីយ៍ឯក អេង សោភា បានអោយដឹងទៀតថា ដោយឡែកជនសង្ស័យ ៣នាក់ទៀត ត្រូវបានកម្លាំងនគរបាលព្រហ្មទណ្ឌកំរិតស្រាលស្រាវជ្រាវបង្ក្រាបបានចំនួន៣នាក់ ជាករណីឆបោក ហៅថា ទម្លាក់យោង។

ករណីនេះ ភាគច្រើនជាមុខសញ្ញាចាស់ ដែលក្រុមនេះតែងធ្វើសកម្មភាពតាមទីផ្សារ ឬទីប្រជុំជន ហើយជនសង្ស័យធ្វើជាជ្រុះមាសក្លែងក្លាយនៅមុខជនរងគ្រោះ ហើយលួងលោមជនរងគ្រោះឲ្យទៅកន្លែងស្ងាត់ ដើម្បីដោះយកគ្រឿងអលង្កាពីជនរងគ្រោះ។ បន្ថែមពីនេះ លោកនាយការិយាល័យ ក៏បានផ្តាំផ្ញើរដល់ប្រជាពលរដ្ឋ ជាពិសេសកម្មករកម្មាការីនី សូមមានការប្រយ័ត្ន ដែលនេះជាករណីដដែលៗទេ៕

អត្ថបទ៖ ម៉េង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សុខភាព១១ ម៉ោង មុន

ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ

ព័ត៌មានជាតិ២២ ម៉ោង មុន

អាជ្ញាធរ ផ្អាកសកម្មភាពសំណង់ខុសច្បាប់រំលោភដងព្រែក របស់លោកអធិការរងនគរបាលស្រុកបូទុមសាគរ ជាលើកទី៣

ព័ត៌មានជាតិ២៤ ម៉ោង មុន

អាជ្ញាធរស្ដារប្រឡាយបឹងទំពន់ កាយយកសំរាមចេញ ដើម្បីបញ្ចៀសទឹកលិច និងស្ដារសោភ័ណភាព

ព័ត៌មានអន្ដរជាតិ១២ ម៉ោង មុន

អាស៊ីខាងត្បូង រងទុក្ខវេទនាខ្លាំងដោយសារគ្រោះទឹកជំនន់, ស្លាប់មនុស្សរាប់រយនាក់

ព័ត៌មានជាតិ៧ ម៉ោង មុន

ណែនាំ​ឲ្យ​ស្គាល់​តំបន់​សេដ្ឋកិច្ច​ពិសេស​ ២៦ កន្លែង​​ដំណើរ​ការ​នៅ​កម្ពុជា វិនិយោគអស់រាប់ពាន់លាន​ដុល្លារ

Sokha Hotels

ព័ត៌មានពេញនិយម