Connect with us

សន្តិសុខសង្គម

គម្រោងអភិវឌ្ឍន៍ប្រឡាយបឹងត្របែក នឹងចាប់ផ្តើមការពង្រីកបន្ថែមឆាប់ៗខាងមុខនេះ ដើម្បី​ជៀសវាងការជន់លិចបន្តទៀត

បានផុស

នៅ

មន្ទីរសាធារណៈការរាជធានីភ្នំពេញ បាននិងកំពុងសិក្សាលម្អិតអំពីគម្រោងអភិវឌ្ឍន៍ពង្រីកប្រឡាយលូបឹងត្របែក ដែលអាចជួយដោះស្រាយបញ្ហាលិចទឹកជូនប្រជាពលរដ្ឋរស់នៅតំបន់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាំ ពិសិដ្ឋ ប្រធានមន្ទីរសារធារណៈការណ៍ និងដឹកជញ្ជូនរាជធានីភ្នំពេញបានអោយដឹងថា គិតចាប់ពីកំណាត់ផ្លូវលេខ១០៥ កែងផ្លូវលេខ ២៨៨ រហូតទៅដល់កំណាត់ផ្លូវលេខ ១០៥កែងផ្លូវលេខ ៤៤៦ ប្រឡាយបឹងត្របែក គឺទើបតែស្តារកាយយកនូវកាកសំណល់ចេញរួចរាល់នោះទេ ហើយនឹងមានគម្រោងអភិវឌ្ឍន៍ផ្លាស់ប្តូរលូប្រអប់ខ្នាតធំឆាប់ៗនេះផងដែរ។

លោកបានបញ្ជាក់បន្តទៀតថា ចំពោះប្រឡាយលូបឹងត្របែកខាងលើនេះ នឹងមានការពង្រីកបន្ថែមក្នុងការផ្លាស់ប្តូរទំហំលូមានសភាពតូច ប្តូរទៅជាលូប្រអប់មានទទឹង៦ម៉ែត្រធំជាងមុន ដែលជម្រៅគឺនឹងមានការប្រែប្រួលទៅតាមស្ថានភាពជាក់ស្តែង។ គោលបំណង ក្នុងការផ្លាស់ប្តូរ គឺដើម្បីអោយប្រព័ន្ធលំហូរទឹកហូរទាន់ បើមិនដូច្នោះទេនឹងបង្កអោយមានការជន់លិចតំបន់នោះ ធ្វើអោយប្រជាពលរដ្ឋពិបាកទាំងការរស់នៅ និងធ្វើដំណើរផងដែរ។

ប្រជាពលរដ្ឋលើកឡើងថា ជារៀងរាល់ឆ្នាំប្រឡាយលូបឹងត្របែកនេះ អោយតែមានភ្លៀងធ្លាក់ខ្លាំង គឺតែងមានការជន់លិច ដែលមិនអាចបើកបរ ឬធ្វើអាជីវកម្មបានឡើយ។ ប្រជាពលរដ្ឋបានបន្តទៀតថា ពួកគាត់មានអារម្មណ៍ត្រេកអរ នៅពេលបានឮដំណឹងថា មន្ទីរសាធារណៈការរាជធានីភ្នំពេញ មានគម្រោងអភិវឌ្ឍន៍ផ្លាស់ប្តូរប្រព័ន្ធប្រឡាយលូបែបនេះ ហើយពួកគាត់បានបញ្ជាក់ថា បើគិតត្រឹមរយៈពេល ៦ខែចុងក្រោយនេះ បន្ទាប់ពីមានការស្តារប្រឡាយលូរួចគឺ មិនទាន់មានការលិចលង់ទៀតនោះឡើយ ។

ជាមួយគ្នានេះដែរ លោក សាំ ពិសិដ្ឋ ក្នុងនាមជាប្រធានមន្ទីរសាធារណៈការរាជធានីភ្នំពេញ សង្ឃឹម និងជឿជាក់យ៉ាងមុតមាំ ក្រោយពីស្តារប្រឡាយលូបឹងត្របែករួច ប្រសិនជាផ្លាស់ប្តូរលូប្រអប់ខ្នាតធំរួចរាល់ទៀត ប្រាកដណាស់ឆ្នាំក្រោយនឹងដោះស្រាយបញ្ហាលិចទឹកបានជាក់ជាពុំខាន៕

អត្ថបទ និងរូបភាព៖ រដ្ឋា និង ម៉េង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៥ វិនាទី មុន

គម្រោងអភិវឌ្ឍន៍ប្រឡាយបឹងត្របែក នឹងចាប់ផ្តើមការពង្រីកបន្ថែមឆាប់ៗខាងមុខនេះ ដើម្បី​ជៀសវាងការជន់លិចបន្តទៀត

ព័ត៌មានអន្ដរជាតិ៨ នាទី មុន

ស្លាប់​១១​នាក់ និង​​បាត់​ខ្លួន​១៩​នាក់ ព្រោះ​បាក់​ដី​នៅ​អណ្ដូង​រ៉ែ​មាស​ខុស​ច្បាប់​នៅ​ឥណ្ឌូណេស៊ី

សន្តិសុខសង្គម១៧ នាទី មុន

ឆេះឃ្លាំងដាក់សម្ភារៈកសិកម្ម ស្នងការខេត្តត្បូងឃ្មុំប្រើប្រាស់ទឹក១៧ឡានទើបគ្រប់គ្រងបាន

ព័ត៌មានអន្ដរជាតិ២៩ នាទី មុន

ដំរីផ្អើល ជាន់មនុស្សក្នុងពិធីបុណ្យសាសនានៅ ស្រីលង្កា

សន្តិសុខសង្គម៣៥ នាទី មុន

សមត្ថកិច្ចប្រើពេលជាង២ម៉ោង ក្នុងការជួយ​សង្គ្រោះ​​ស្ត្រីជនជាតិឡាវម្នាក់ព្យាយាមរត់ចេញពីបន្ទប់អគារជាន់ទី៧តាមបង្អួច

Sokha Hotels

ព័ត៌មានពេញនិយម