សន្តិសុខសង្គម
រថយន្តកុងតឺន័រ ០២ គ្រឿង ពន្លះគ្នា ខ្ទាតទៅបុករបងផ្ទះប្រជាពលរដ្ឋ រងការខូចខាត
រថយន្តកុងតឺន័រមួយគ្រឿង បើកបំពានគន្លងផ្លូវ ជ្រុលទៅបុករថយន្តកុងតឺន័រដូចគ្នា បណ្ដាលឲ្យធ្លាក់ទូចុះមកក្រោម រប៉ាត់រប៉ាយ និងបន្តបុកចូលរបងផ្ទះប្រជាពលរដ្ឋថែមទៀត។

គ្រោះថ្នាក់ចរាចរណ៍ខាងលើនេះដែរបានកើតឡើងកាលពីវេលាម៉ោង ០៩ និង ២០ នាទី ថ្ងៃទី ១៥ ខែកក្កដា ឆ្នាំ ២០២៤ នៅតាមបណ្ដោយផ្លូវជាតិលេខ ០១ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
បើតាមប្រភពពីអ្នកលក់ដូរក្បែរកន្លែងកើតហេតុ បានឲ្យដឹងថា ពួកគាត់បានឃើញរថយន្តកុងតឺន័រមួយគ្រឿង ពណ៌ក្រហម ពាក់ស្លាកលេខ ភ្នំពេញ 4A-1733 បើកបរក្នុងល្បឿនលឿន ទិសដៅពីកើតទៅលិច ថែមទាំងបើកបំពានចូលគន្លងបញ្ច្រាសទៀត។ ស្របពេលនោះដែរ ក៏មានរថយន្តកុងតឺន័រមួយគ្រឿងទៀត ពណ៌បៃតង ពាក់ស្លាកលេខ ភ្នំពេញ 3E-1953 ធ្វើដំណើរបញ្ច្រាសទិសគ្នាជាមួយរថយន្តបង្ក បានបុកគ្នាពីចំហៀងពេញទំហឹង បណ្ដាលឲ្យរថយន្តកុងតឺន័រមួយគ្រឿង បត់ករថយន្តត្រឡប់ក្រោយ និងរថយន្តមួយគ្រឿងទៀត ធ្លាក់ទូខាងក្រោយចុះមកក្រោម។ ចំណែកក្បាលរថយន្តបានទៅបុករបងផ្ទះប្រជាពលរដ្ឋ ដួល បង្កការខូចខាត តែមិនបង្ករបួសស្នាមដល់មនុស្សណាម្នាក់ឡើយ។

ក្រោយកើតហេតុ សមត្ថកិច្ចប៉ុស្តិ៍វាលស្បូវ បានមកដល់ទីតាំងខាងលើ រួចទំនាក់ទំនងទៅកាន់សមត្ថកិច្ចជំនាញចរាចរណ៍ផ្លូវគោក ដើម្បីវាស់វែងយករថយន្តទាំង ០២ គ្រឿង រក្សាទុក រង់ចាំដោះស្រាយពេលក្រោយ៕
អត្ថបទ ៖ រដ្ឋា







-
ព័ត៌មានជាតិ៤ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម១ សប្តាហ៍ ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៧ ថ្ងៃ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ២ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ២ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
ព័ត៌មានជាតិ៤ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៥ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៦ ថ្ងៃ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី