សន្តិសុខសង្គម

ក្រុមឧក្រិដ្ឋជនដឹកគ្រឿងញៀនឆ្លងដែនជាង២០០គីឡូ ត្រូវសមត្ថកិច្ចមន្ទីរប្រឆាំងមន្ទីរប្រឆាំងគ្រឿងញៀនបង្ក្រាប

បានផុស

២ years មុន

នៅ

ថ្ងៃអង្គារ ២៣ កក្កដា ២០២៤

ដោយ

ភ្នំពេញ ៖ ឧក្រិដ្ឋជនដឹកគ្រឿងញៀនឆ្លងដែនកាត់ប្រទេសកម្ពុជា ចំនួន២០០គីឡូ ត្រូវបានកម្លាំងសមត្ថកិច្ចប្រឆាំងគ្រឿងញៀនបង្ក្រាបបាន ឃាត់ខ្លួនមនុស្ស២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុវត្តតាមបញ្ជារបស់ លោក នាយឧត្ដមសេនីយ៍ ស ថេត អគ្គស្នងការនគរបាលជាតិ លោក ឧត្ដមសេនីយ៍ឯក ប៊ុនប៉ា ម៉ារីលុច អគ្គស្នងការរងទទួលដឹកនាំការងារជំនាញមន្ទីរប្រឆាំងគ្រឿងញៀន និងលោក ឧត្ដមសេនីយ៍ឯក ព្រុំ សន្ធរ អគ្គស្នងការរង ទទួលសហការដឹកនាំការងារប្រឆាំងគ្រឿងញៀន ក្រោមការបញ្ជាដឹកនាំផ្ទាល់របស់លោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន បានបង្ក្រាបជនសង្ស័យ ចំនួន២នាក់ និងថ្នាំញៀនជាង២០០គីឡូ លោតឆ័ត្រឆ្លងដែនចូលមកកម្ពុជា ប្រុងនាំចេញទៅក្រៅប្រទេស ត្រូវសមត្ថកិច្ចមន្ទីរប្រឆាំងគ្រឿងញៀន ដឹកនាំដោយលោកឧត្តមសេនីយ៍ ឃឹង សារ៉ាត់ នាយកមន្ទីរ ស្រាវជ្រាវបង្ក្រាបបាន២ទីតាំងផ្សេងគ្នា នាពេលកន្លងមក។

ជាក់ស្តែងនៅរសៀលថ្ងៃទី ២៣ ខែ កក្កដា ឆ្នាំ២០២៤ នៅមន្ទីរប្រឆាំងបទល្មើសគ្រឿងបានធ្វើសន្និសីទសារព័ត៌មានបង្ហាញមុខជនសង្ស័យជាជនជាតិចិន ចំនួន២នាក់ រួមនឹងថ្នាំញៀនជាង២០០គីឡូក្រាម។

សន្និសីទនេះ ក្រោមវត្តមានលោកឧត្តមសេនីយ៍ឯក ឃឹង សារ៉ាត់ ដោយមានការចូលរួមនិងសម្របសម្រួលពីលោក ខា ដែនណា ព្រះរាជអាជ្ញារងអមសាលាដំបូងខេត្តកណ្តាល លោកនាយករងមន្ទីរ និងមន្ត្រីជំនាញមកពី អាជ្ញាធរជាតិប្រយុទ្ធប្រឆាំងគ្រឿងញៀន។

លោកឧត្តមសេនីយ៍ឯក បានដឹងទៀតថា ជនសង្ស័យ២នាក់នេះ ជនជាតិចិន ហើយថ្នាំញៀនសមត្ថកិច្ចយើងដកហូតបានចំនួនជាង២០០គីឡូ ជាប្រភេទ កេតតាម៊ីន ហើយជនសង្ស័យទាំង២នាក់នេះ កម្លាំងបានប្រើនីតិវិធី តាមប្រមាញ់ឃាត់ចំនួន២ទីតាំងផ្សេងគ្នា មួយនៅម្តុំស្ពានកោះនរា និងទី២ នៅម្តុំស្តុបបូកគោ។

លោកឧត្តមសេនីយ៍ឯក ក៏បានបន្ថែមពីបញ្ហាគ្រឿងញៀននេះដែរ ក៏ជាការងារអាទិភាពចម្បងទី០៤ ដែលរាជរដ្ឋាភិបាលអាណត្តិទី៧ បានគិតគួរយកចិត្តទុកដាក់ ក្នុងការបង្ការទប់ស្កាត់ និងបង្ក្រាបឱ្យមានប្រសិទ្ធភាពខ្ពស់បំផុត ដើម្បីកាត់បន្ថយ និងឈានទៅរកការលុបបំបាត់គ្រឿងញៀនចេញពីប្រទេសជាតិ។