អាជ្ញាធរខណ្ឌកំបូលដាក់គ្រឿងចក្រឈូសឆាយផ្លូវមួយខ្សែក្រោយខូចខាតខ្លាំង

ដោយមើលឃើញពីការខូចទ្រុឌទ្រោមលើផ្លូវមួយខ្សែដែលធ្វើឲ្យប៉ះពាល់ដល់ការធ្វើដំណើររបស់ប្រជាពលរដ្ឋ នៅថ្ងៃទី៤​ ខែកញ្ញា ឆ្នាំ២០២៤នេះ អាជ្ញាធរខណ្ឌកំបូលបានដាក់គ្រឿងចក្រឈូសឆាយដើម្បីសម្រួលដល់ការធ្វេីដំណេីរក៏ដូចជាប្រកបរបរផ្សេងៗ។

ផ្លូវមួយខ្សែបានរងការទ្រុឌទ្រោមយ៉ាងខ្លាំងបង្កផលប៉ះពាល់ដល់ការធ្វេីដំណេីរក៏ដូចជាប្រកបរបរផ្សេងៗទេីបអាជ្ញាធរខណ្ឌកំបូលចុះពិនិត្យនិងដាក់គ្រឿងចក្រឈូសឆាយកៀរដីសម្រួលដេីម្បីងាយស្រួលដល់បងប្អូនប្រជាពលរដ្ឋក្នុងមូលដ្ឋានធ្វេីដំណេីរ។

លោក ទ្រី ណារ៉េត អភិបាលរងខណ្ឌកំបូល បា​នឱ្យដឹងថា​ ផ្លូវដែលត្រូវបានជួសជុលនេះមានប្រវែង១.៥០០ម៉ែត្រ​ ឆ្លងកាត់សង្កាត់​ចំនួ​ន២ និង៣​ភូមិ​ ចាប់ពីផ្លូវជាតិលេខ៤ រហូតដល់ផ្លូវបេតុងភូមិកប់អំបិល ភូមិគល់ សង្កាត់កន្ទោក និងភូមិតានួន សង្កាត់កំបូល ខណ្ឌកំបូល រាជធានីភ្នំពេញ៕

អត្ថបទ៖ សុខា