សន្តិសុខសង្គម

បុរសម្នាក់ ត្រូវជនមិនស្គាល់អត្តសញ្ញាណយកពូថៅកាប់ រងរបួសធ្ងន់

បានផុស

២ years មុន

នៅ

ថ្ងៃព្រហស្បតិ៍ ៧ វិច្ឆិកា ២០២៤

ដោយ

បុរសម្នាក់ ជិះម៉ូតូទៅឈប់ក្បែររថយន្តមួយគ្រឿង ហើយបានគោះកញ្ចក់រថយន្ត ភ្លាមៗ ត្រូវជនមិនស្គាល់អត្តសញ្ញាណជិះម៉ូតូមកកាប់នឹងពូថៅ បណ្ដាលឲ្យរងរបួសឈាមជោកជាំ ដោយដឹងមូលហេតុ ហើយជនដៃដល់បានគេចបាត់ និងបោះវត្ថុតាងនៅក្បែរកន្លែងកើតហេតុ។

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៥ និង ៣០ នាទីល្ងាច ថ្ងៃទី ៦ ខែវិច្ឆិកា ឆ្នាំ ២០២៤ ទល់មុខសាលាសុវណ្ណភូមិ ផ្លូវទួលពង្រ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។ ជនរងគ្រោះ មិនត្រូវបានគេស្គាល់អត្តសញ្ញាណនៅឡើយទេ គ្រាន់តែដឹងថា វ័យប្រហែលជាង ៤០ ឆ្នាំ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសរងគ្រោះ ជិះម៉ូតូម៉ាកស្កុបពី ពណ៌ស ពាក់ស្លាកលេខ ភ្នំពេញ 1KL 7494 មួយគ្រឿង បើកមកឈប់នៅទីតាំងកើតហេតុ ហើយចុះពីលើម៉ូតូទៅគោះទ្វាររថយន្តមួយគ្រឿង ដែលបើកដោយស្ត្រីម្នាក់។ ពេលនោះ ខណៈគោះទ្វាររថយន្តបានពីរដង ក៏ស្រាប់តែមានបុរសម្នាក់ បិទម៉ាស មិនដឹងថា គុំកួន ហើយមកចាំតាំងពីពេលណានោះទេ គឺបានយកពូថៅកាប់លើជនរងគ្រោះ ៤ ទៅ ៥ ពូថៅ បណ្ដាលឲ្យត្រូវបុរសរងគ្រោះរងរបួសត្រង់ក្បាល ហូរឈាមស្រោចខ្លួន រងរបួសធ្ងន់ ហើយត្រូវបានប្រជាពលរដ្ឋដឹកតាមម៉ូតូកង់បីយកទៅសង្គ្រោះនៅឯមន្ទីរពេទ្យ។

ក្នុងករណីខាងលើនេះ សមត្ថកិច្ចមូលដ្ឋាន និងជំនាញខណ្ឌ បានចុះទៅចំណុចកើតហេតុ ប្រមូលវត្ថុតាង រកឃើញពូថៅ ១ ដើម (វត្ថុតាង) និងម៉ូតូ ស្កុបពីមួយគ្រឿងរបស់ជនរងគ្រោះ ព្រមទាំងសួរនាំពិនិត្យជុំវិញទីតាំងកើតហេតុ ដើម្បីកំណត់អត្តសញ្ញាណជនដៃដល់ផងដែរ៕

អត្ថបទ ៖ សំណាង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:ខណ្ឌដង្កោ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា