អាជ្ញាធរខណ្ឌកំបូលដាក់គ្រឿងចក្រឈូសឆាយផ្លូវមួយខ្សែដើម្បីសម្រួលការធ្វើដំណើររបស់ពលរដ្ឋ

ដោយមើលឃេីញ​ផ្លូវមួយខ្សែជាប់របងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ ចាប់ពីភូមិស្ងួនពេជ្រ​ រហូតដល់ភូមិត្រពាំងឈូក ស្ថិតក្នុងភូមិស្ងួនពេជ្រ និងភូមិត្រពាំងឈូក សង្កាត់កន្ទោក ខណ្ឌកំបូល បានរងការខូចខាតជង្ហុក​សំបុកមាន់ពិបាកដល់ប្រជាពលរដ្ឋធ្វេីដំណេីរក៏ដូចជាប្រកបរបរផ្សេងៗ​ កាលពីថ្ងៃសៅរ៍ ទី២៣ ខែវិច្ឆិកា ឆ្នាំ២០២៤ លោក ទ្រី ណារ៉េត អភិបាលរងនៃគណ:អភិបាលខណ្ឌកំបូល បានដឹកនាំមន្រ្តីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: និងអាជ្ញាធរសង្កាត់-ភូមិ បានធ្វើការឈូសឆាយកៀរសម្រួល និងកិនបង្ហាប់ដើម្បីងាយស្រួលដល់ប្រជាពលរដ្ឋក្នុងការធ្វើដំណើរ។

អាជ្ញាធរបានឱ្យដឹងថា​ ផ្លូវខាងលេីនេះរងការខូចខាតដោយសារជំនន់ទឹកភ្លៀងនារដូវវស្សា​ធ្វើឲ្យពិបាកក្នុងការធ្វេីដំណេីររបស់ប្រជាលរដ្ឋទេីបអាជ្ញាធរដាក់គ្រឿងចក្រឈូសឆាយកៀរ​ កិនបង្ហាប់ និងដាក់ឱ្យធ្វេីដំណេីរមួយគ្រាសិន​៕

អត្ថបទ៖ សុខា