នគរបាលខណ្ឌពោធិ៍សែនជ័យចាត់កម្លាំងប៉ុស្តិ៍ចុះណែនាំអាជីវករ និងហាមលក់គ្រឿងផ្ទុះគ្រប់ប្រ​ភេទ​​ក្នុងឱកាសបុណ្យចូលឆ្នាំចិន

អធិការដ្ឋាននគរបាលខណ្ឌពោធិ៍សែនជ័យ នៅព្រឹកថ្ងៃទី២៧ ខែមករា ឆ្នាំ២០២៥ បានចាត់កម្លាំងតាមបណ្តាលប៉ុស្តិ៍រដ្ឋបាលនីមួយៗ ចុះអប់រំផ្សព្វផ្សាយដល់អាជីវករ កុំឲ្យមានការលក់ផាវ និងគ្រឿងផ្ទុះផ្សេងៗក្នុងពិធីបុណ្យចូលឆ្នាំចិន- វៀតណាម នាពេលខាងមុខ។

ការចុះផ្សព្វផ្សាយអប់រំពាក់ព័ន្ធការលក់គ្រឿងផ្ទុះនេះ គឺដេីម្បីរក្សាសណ្ដាប់ធ្នាប់សាធារណៈ សុវត្ថិភាពជូនប្រជាពលរដ្ឋក្នុងមូលដ្ឋាន​ បង្ការទប់ស្តាត់គ្រោះមហន្តរា​យ គ្រោះអគ្គិភ័យផ្សេងៗ​នៅក្នុងឱកាសបុណ្យចូលឆ្នាំប្រពៃណី ចិន វៀតណាម ខាងមុខនេះ។

ក្នុងការចុះអនុវត្តផ្សព្វផ្សាយនេះ កម្លាំងនគរបាលក៏បានណែនាំដល់អាជីវករលក់ដូរតាមផ្ទះ និងតូបលក់អីវ៉ាន់ចាប់ហួយ ឲ្យមានការប្រុងប្រយ័ត្ននៅពេលអុចទាន​ ធូប​ សែនដូបតា​ ចៀសវាងមានការឆាបឆេះបង្កជាអគ្គិភ័យត្រង់ប្រការណាមួយ ជាពិសេសនៅពេលដែលចាកចេញពីផ្ទះសូមពន្លត់​ រឺបិទចរន្តភ្លេីងឲ្យបានត្រឹមត្រូវ៕

អត្ថបទ៖ សុខា