ចូលឆ្នាំចិន២០២៦ មុនចាកចេញពីផ្ទះ កុំភ្លេចធ្វើរឿង ៣ នេះសិន

នៅក្នុងឱកាសបុណ្យចូលឆ្នាំចិន២០២៦ ប្រជាជនខ្មែរដែលមាន​ដើម​កំណើត​ចិន ប្រាកដជាធ្វើដំណើរទៅលេងស្រុកកំណើតជួបជុំបងប្អូនសាច់ញាតិទៅតាមទីតាំងរៀងៗខ្លួន។ ប៉ុន្តែមុននឹងលោកអ្នកចាកចេញពីលំនៅឋាន​ សូមកុំភ្លេចធ្វើរឿង ៣ យ៉ាងនេះសិន។ ជាពិសេស ដើម្បីកុំឲ្យជួបប្រទះនូវរឿងសោកស្ដាយ ដែលមិននឹកស្មានដល់ក្នុងថ្ងៃចូលឆ្នាំថ្មីដ៏សំបូរសប្បាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាង​ណា​ក៏​ដោយ ក្នុងពេលដែលលោកអ្នកកំពុងស្វាគមន៍ពិធីបុណ្យចូលឆ្នាំថ្មីប្រពៃណីជាតិ សូមរម្លឹកនូវរឿង ៣ ប្រការដែលត្រូវប្រុងប្រយ័ត្ន ដើម្បីការពារកុំឲ្យកើតមានរឿងមិននឹកស្មានដល់ក្នុងថ្ងៃដ៏មហាសំណាង។ ជាពិសេស​នោះគឺទាក់ទងនឹង អគ្គិភ័យក្នុងឱកាសបុណ្យចូលឆ្នាំចិននេះផ្ទាល់តែម្ដង។

ទី១ សូមពន្លត់ធូប និងទៀន បន្ទាប់ពីធ្វើពីធីសែនសុំសេចក្ដីសុខរួចរាល់

ទី២ បិទចង្ក្រានហ្គាស ក្រោយពេលលោកអ្នកចម្អិនម្ហូបអាហារ

ទី៣ បិទកុងតាក់ – ដកឌុយនូវឧបករណ៍ផ្សេងៗដែលទាក់ទិននឹងភ្លើង មុនពេលចាកចេញពីផ្ទះ។

យ៉ាងណាមិញ ពិធីបុណ្យចូលឆ្នាំប្រពៃណីចិនគឺជាពិធីមួយដ៏យូរលង់ដែលជាវប្បធម៌ដ៏យូរលង់របស់ជនជាតិចិនតែងតែប្រារព្វធ្វើរៀងរាល់ឆ្នាំ ដោយផ្អែកតាមប្រតិទិនចិន ជាថ្ងៃដំបូងនៃនិទាឃរដូវ។​ ថ្ងៃដ៏ពិសេសមួយនេះគឺជាថ្ងៃជួបជុំក្រុមគ្រួសារមកពីទីជិតឆ្ងាយដែលម្នាក់ៗបានបែកគ្នាទៅកាន់កន្លែងផ្សេងៗគ្នា។ ថ្វីបើជាការជួបជុំទទួលទានអាហារជុំគ្រួសារ ប៉ុន្តែមុនពេលយើងចាកចេញពីផ្ទះទៅកាន់ទីណាក៏ដោយ ក្នុងអំឡុងពេលនេះសូមការពារគ្រោះថ្នាក់ដែលមិននឹកស្មានដល់ ​ហើយវាអាចកើតឡើងដោយសារការធ្វេសប្រហែសរបស់យើងគ្រប់គ្នា៕

អត្ថបទ៖ សាង ស្រីល័ក្ខ