អាជ្ញាធរសង្កាត់ចោមចៅទី១ ស្ថាបនាផ្លូវបេតុង​​មួយខ្សែប្រវែង១០០០ម៉ែត្រ

អាជ្ញាធរសង្កាត់ចោមចៅទី១ បានសហការជាមួយសាលារៀនប៊ែលធី ដាក់គ្រឿងចក្រឈូសឆាយផ្លូវលំមួយខ្សែនៅភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ និងស្ថាបនាប្រែក្លាយជាផ្លូវបេតុងឆ្អឹងដែក ដេីម្បីសម្រួលក្នុងការធ្វេីដំណេីរ និងប្រកបរបរផ្សេងៗ របស់ប្រជាពលរដ្ឋ។

លោក​ កង​ វង​ ចៅសង្កាត់ចោមចៅទី១​ បានឲ្យដឹងថា​ ការជួសជុលស្ថាបនាផ្លូវនេះ គឺដេីម្បីសម្រួលដល់ការធ្វេីដំណេីរក៏ដូចជាប្រកបរបរផ្សេងៗ​ និងងាយស្រួលដល់សិស្សសានុសិស្ស​ ជាពិសេសបញ្ចៀសនូវការកកស្ទះចរាចរណ៍បានមួយផ្នែកទៀត​។ លោកចៅសង្កាត់បន្ថែមថា ការស្ថាបនាផ្លូវបេតុងឆ្អឹងដែកខាងលេីមានប្រវែងទទឹង១០​ ម៉ែត្រ​ និងប្រវែងបណ្តោយ១០០០ម៉ែត្រ​ ដោយមានការឧបត្ថម្ភពីលោកអគ្គនាយកសាលារៀនប៊ែលធី​អន្តរជាតិ។

ក្នុងនាមអាជ្ញាធរ លោកចៅសង្កាត់សូមឲ្យប្រជាពលរដ្ឋជួយថែរក្សាផ្លូវខាងលេីដេីម្បីប្រេីប្រាស់បានយូអង្វែង​ និងជួយថែរក្សាអនាម័យ​ បរិស្ថានឲ្យបានស្អាតស្អាតល្អជៀសវាងហេីរចូលប្រព័ន្ធលូស្ទះចរន្តទឹក៕

អត្ថបទ៖ សុខា