យុវជនម្នាក់ត្រូវខ្សែភ្លើងឆក់ និងស្លាប់ពេលបញ្ជូនដល់មន្ទីរពេទ្យ

យុវជនម្នាក់ដែលជាកម្មករកាប់ជ្រូកក្នុងសត្តឃាតដ្ឋានជ្រូកមួយកន្លែង បានបាត់បង់់ជីវិតក្រោយត្រូវឆក់ខ្សែភ្លើងនៅកន្លែងធ្វើការ និងបានស្លាប់ពេលបញ្ជូនដល់មន្ទីរពេទ្យ។

ករណីនេះបានកើតឡើងកាលពីវេលាម៉ោង១០ព្រឹក ថ្ងៃទី៦ ខែឧសភា ឆ្នាំ២០២៥ នៅចំណុចទីតាំងសត្វឃាតដ្ឋានជ្រូក ដែលស្ថិតនៅតាមបណ្តោយផ្លូវបេតុង ក្នុងភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ។ ជនរងគ្រោះមានអាយុ ២១ឆ្នាំ ភេទប្រុស ជាកម្មរធ្វើការនៅទីតាំងសត្វឃាតដ្ឋានខាងលើនេះ។

ប្រភពព័ត៌មានពីអ្នកឃើញហេតុការណ៍បានអោយដឹងថា មុនពេលកើតហេតុជនរងគ្រោះបានមកធ្វើការដូចសព្វមួយដង ខណៈមានការនឿយហត់ក្រោយពីធ្វើជ្រូករួច ជនរងគ្រោះបានមកឈរផ្អែកជាមួយជញ្ជាំងក៏ត្រូវបានភ្លើងឆក់តែម្ដង។ ភ្លាមៗ អ្នកធ្វើការជាមួយគ្នាបានដឹកជនរងគ្រោះបញ្ជូនទៅមន្ទីរពេទ្យ តែជាអកុសលជនរងគ្រោះបានស្លាប់បាត់បង់ជីវិតបាត់ទៅហើយ។ សពត្រូវបានសមត្ថកិច្ចប្រគល់ជូនក្រុមគ្រួសារយកធ្វើបុណ្យតាមប្រពៃណី។

អត្ថបទ៖ រដ្ឋា