Connect with us

ព័ត៌មានជាតិ

ក្រុមអាជីវករស្នើឱ្យអភិបាល​ខេត្តកំពង់ចាម​ ពិនិត្យឡើងវិញនូវភាពមិនប្រក្រតី​ នៃការប្រមូលពន្ធសត្តឃាត

បានផុស

នៅ

ក្រុមអាជីវករសត្តឃាតដ្ឋានមួយចំនួននៅស្រុកស្រីសន្ធរ ​ខេត្តកំពង់ចាម បានតវ៉ាស្នើឱ្យអភិបាលខេត្ត ​អន្តរាគមន៍ចុះពិនិត្យមើលនូវតម្លៃការបង់ពន្ធអាករអនាម័យសត្វដែលពេទ្យសត្វបានប្រមូលយកតម្លៃ នៅឆ្នាំនេះលើសច្រើនខុសពីឆ្នាំមុនៗឆ្ងាយ។

​ក្រុមអាជីវករបានលើកឡើងថា បន្ទុកដ៏លំបាក និងលើសពីសមត្ថភាពបណ្តាល​ឲ្យប៉ះពាល់ដល់​សេដ្ឋ​កិច្ចគ្រួសារ ដែលស្ថិតក្នុងគ្រាដ៏លំបាកនេះ ការដំឡើងពន្ធគ្មានការជូនដំណឹងពីខេត្ត និងក្រសួង​បែបនេះ វាបានធ្វើឲ្យប៉ះពាល់ដល់លទ្ធភាពក្នុងការរកចំណូលបង់​ជូនរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្រុមអាជីវករបានលើកឡើងថា ​ស្ថិតក្នុងបរិបទសេដ្ឋកិច្ចកំពុងលំបាកពលរដ្ឋរកចំណូលមិនបាន ការលក់សាច់ជ្រូក គោ ក្របី មិនសូវដាច់ បែរ ជាពេទ្យសត្វខេត្តរឹតបន្តឹង​ដំឡើងថ្លៃទៅលើពន្ធអាករ​អនាម័យសត្វ លើសពីសមត្ថភាព​ បើមិនបង់ឲ្យប្រឈមនឹងបាត់បង់នូវមុខរបរសម្រាប់​ចិញ្ចឹមគ្រួសារ​នេះ។

ក្នុងឯកសារទទួលបានប្រាក់ប្រមូលពន្ធលើសេវាត្រួតពិនិត្យអនាម័យសត្វ និងផលិតផលសត្វដែល​មន្ត្រីពេទ្យសត្វស្រុកស្រីសន្ឋរ ប្រមូលដើម ឆ្នាំ២០២៤សម្រាប់ការពិឃាតសត្វឆ្នាំ២០២៤ ដែលស្រុកស្រីសន្ឋរតូចជាងស្រុកដទៃដែលមានអ្នកពិឃាតសត្វតិច ប្រាក់ប្រមូលបាន សរុប ៦៤.៤២០.០០០រៀល។

ប្រាក់ពន្ឋអាករ ៩ ស្រុកផ្សេងទៀតដែលមានវិសាលភាពធំជាងមានអ្នកពិឃាតសត្វច្រើនជាងស្រុកស្រីសន្ធរ មិនដឹង ប្រមូលប្រាក់ចំណូលរាប់រយលានរៀលនោះទេដែលលោក នង ម៉េងហ៊ាង ប្រធានករិយាល័យបសុព្យាបាល និងផលិត​កម្មខេត្តប្រមូលបានពីអាជីវករពិឃាតជ្រូកគោក្របី។

​មិនតែប៉ុណ្ណោះលោក នង ម៉េង ហ៊ាង ប្រធានការិយាល័យបសុព្យាបាល និងផលិតកម្មខេត្តកំពង់​ចាមប្រមូលប្រាក់ ពីម្ចាស់សត្តឃាតក្នុង១ស្រុក ២ ០០០ដុល្លារ។

​តាមប្រភពបានប្រាប់ថា ការិយាល័យពេទ្យសត្វខេត្ត បានធ្វើរបាយការណ៍កុហកទៅក្រសួងកសិកម្ម រុក្ខាប្រមាញ់ និងនេសាទ នូវទឹកប្រាក់តិចបំផុត តើទឹកប្រាក់រាប់រយលានរៀលទៀតនោះបាត់ទៅណា?

​ពាក់ព័ន្ធនឹងបញ្ហានេះ ក្រុមការងារកម្ពុជាថ្មីបានសុំការបំភ្លឺតាមទូរស័ព្ទទៅលោក នង ម៉េងហ៊ាង ប្រធានការិយាល័យបសុពេទ្យ និងផលិតកម្មខេត្តដែរតែមិនអាចទំនាក់ទំនងបាន៕

អត្ថបទ៖ សាន វីឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម