Connect with us

សន្តិសុខសង្គម

ករណីហិង្សារវាងនាយប៉ុស្ដិ៍ចំបក់ និងពលរដ្ឋ កើតឡើងដោយសារការណែនាំរឿងចាក់ធុងបាស់រំពងសំឡេងរំខានអ្នកជិតខាង

បានផុស

នៅ

កាលពីយប់ថ្ងៃទី២១ ខែកក្កដា ឆ្នាំ២០២៥ មានការចែករំលែកនៅលើបណ្ដាញសង្គមពីសកម្មភាពហិង្សាដាក់គ្នាទៅវិញទៅមករវាងលោក មាន វុត្ថា នាយប៉ុស្ដិ៍នគរបាលរដ្ឋបាលឃុំចំបក់ ស្រុកបាទី ខេត្តតាកែវ និងពលរដ្ឋម្នាក់នៅក្នុងមូលដ្ឋានរបស់ខ្លួន។ ក្នុងសកម្មភាពហិង្សានេះ មានមតិមួយចំនួនលើកឡើងថា ហេតុអ្វីលោកនាយប៉ុស្ដិ៍នគរបាលដែលជាមន្ត្រីនគរបាលយុត្តិធម៌ប្រើអំពើហិង្សាលើពលរដ្ឋបែបនេះ ម្ដេចមិនហៅទៅអប់រំណែនាំ?។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញករណីនេះ លោក មាន វុត្ថា នាយប៉ុស្ដិ៍នគរបាលរដ្ឋបាលឃុំចំបក់ បានប្រាប់ កម្ពុជាថ្មី នៅព្រឹកថ្ងៃទី២២កក្កដា​ នេះថា ករណីនេះពិតជាកើតមានពិតមែន គឺកើតឡើងនៅវេលាម៉ោង០៩និង៤៩នាទីយប់ ថ្ងៃទី២១កក្កដា នៅក្នុងភូមិសីហា ឃុំចំបក់ ស្រុកបាទី។ លោកនាយប៉ុស្ដិ៍បញ្ជាក់ថា មុនឈានដល់ការប្រើហិង្សាលើគ្នានេះ គឺដោយសារលោកបានទៅហាម និងណែនាំពលរដ្ឋម្នាក់ ដែលជាភាគីម្ខាងទៀតដែលកំពុងចាស់ធុងបាស់រំពងសំឡេងរំខានដល់ពលរដ្ឋជិតខាងដែលជាម៉ោងពលរដ្ឋចូលសម្រាក ហើយផ្ទះភាគីដែលចាក់ធុងបាស់ក៏នៅជិតប៉ុស្ដិ៍នគរបាលរបស់លោក និងនៅទល់មុខមណ្ឌលសុភាពដែលមានអ្នកជំងឺសម្រាក ហើយក៏នៅជិតវត្តផងដែរ។ បើតាមលោកនាយប៉ុស្ដិ៍ ភាគីដែលផ្ទុះហិង្សាជាមួយលោកនេះ គឺកន្លងមកកម្លាំងប៉ុស្ដិ៍របស់លោកបានហៅមកអប់រំណែនាំជាច្រើនលើកច្រើនសារមកហើយពាក់ព័ន្ធករណីចាក់ធុងបាស់រំខានអ្នកជិតខាង មានតាំងពីណែនាំផ្ទាល់មាត់ និងធ្វើកិច្ចសន្យាជាលាយល័ក្ខអក្សរទៀតផង តែជននេះមិនព្រមស្ដាប់តាមការណែនាំរបស់សមត្ថកិច្ចនៅតែបន្តសកម្មភាពដដែលៗ។

លោក មាន វុត្ថា បន្ថែមថា ក្នុងករណីនេះ នៅពេលលោកកំពុងសួរនាំ និងណែនាំភាគីម្ខាងទៀតបានស្ទុះវាយលោកចំក្បាលចំនួន២ដៃ ទើបលោកយកជើងទាត់វិញតែមិនត្រូវនោះទេ។ ទោះបីយ៉ាងណារហូតមកដល់ព្រឹកថ្ងៃទី២២កក្កដា​ នេះ​ភាគីម្ខាងទៀតនៅមិនទាន់មានប្រតិកម្ម ឬដាក់ពាក្យបណ្ដឹងអ្វីនោះទេ ខណៈលោកក៏កំពុងជាប់រវល់ប្រជុំផងដែរ។

យោងតាមលិខិតធ្វើកិច្ចសន្យាកាលពីថ្ងៃទី២៦ ខែកុម្ភៈ ឆ្នាំ២០២៥កន្លងទៅ ជនដែលតែងបង្កសំឡេងរំខាងដល់អ្នកជិតខាងមានឈ្មោះ ម៉េង ម៉ានិត ហៅ ម៉េ មានអាយុ៣៤ឆ្នាំ រស់នៅភូមិសីហា ឃុំចំបក់ ស្រុកបាទី ខេត្តតាកែវ។ ក្នុងលិខិតកិច្ចសន្យា​ ជននេះក៏បានផ្ដិតមេដៃដើម្បីទទួលស្គាល់កំហុសរបស់ខ្លួនពីការចាក់ធុងបាស់រំពងសំឡេងរំខានដល់មណ្ឌលសុខភាព និបឲងប្រជាពលរដ្ឋរស់នៅជិតខាងដែរ។

លោកវរសេនីយ៍ឯក ឆាយ កែវមុន្នី អធិការនៃអធិការដ្ឋាននគរបាលស្រុកបាទី នៅមិនទាន់បញ្ជាក់លំអិតនៅឡើយទេជុំវិញករណីនេះ ដោយលោកសុំពេលសួរនាំភាគីទាំងសងខាងសិន៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group
សន្តិសុខសង្គម១៣ នាទីutes មុន

ករណីហិង្សារវាងនាយប៉ុស្ដិ៍ចំបក់ និងពលរដ្ឋ កើតឡើងដោយសារការណែនាំរឿងចាក់ធុងបាស់រំពងសំឡេងរំខានអ្នកជិតខាង

សេដ្ឋកិច្ច១៤ នាទីutes មុន

ក្រុមហ៊ុនអភិវឌ្ឍលំនៅឋាន ៥៧៧ ក្រុមហ៊ុន មានអាជ្ញាបណ្ណអាជីវកម្ម

ព័ត៌មានអន្ដរជាតិ១៨ នាទីutes មុន

ជនលួចវាយទាហាន​ខ្មែរហើយរត់ ជាប់គុក​តែ១៥ថ្ងៃ និង​ពិន័យ​​ប្រាក់តិចតួចប៉ុណ្ណោះ​

ព័ត៌មានអន្ដរជាតិ៣៤ នាទីutes មុន

​​បក្ស​កុម្មុយនីស្តវៀតណាម​បោសសម្អាតផ្ទៃក្នុង​ដោយ​​​បណ្តេញ​សមាជិក​បក្ស​ជាន់ខ្ពស់ច្រើនរូប​ រួម​មាន​​​អតីត​ប្រធានាធិបតី២រូប និង​ប្រធានសភា​ផង​

ព័ត៌មានជាតិ៤០ នាទីutes មុន

អ្នកនាំពាក្យអប់រំ ក្រើនរំលឹកបេក្ខជនប្រឡងបាក់ឌុប ខិតខំមើលមេរៀន និងថែរក្សាសុខភាពឱ្យបានល្អ

ព័ត៌មានជាតិ១៦ ម៉ោង មុន

អាជ្ញាធរ​​ស្នើ​​អ្នក​បត់​ជើង​តូច​នៅ​​ជិតច្រកចេញ​មុខ​ប្រលាន​យន្តហោះ ចូល​ខ្លួន​សុំ​ទោស​ជា​សាធារណៈ

ព័ត៌មានអន្ដរជាតិ៥ ម៉ោង មុន

រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស

ព័ត៌មានអន្ដរជាតិ២២ ម៉ោង មុន

ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ

ព័ត៌មានអន្ដរជាតិ១៩ ម៉ោង មុន

ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?

ព័ត៌មានអន្ដរជាតិ២០ ម៉ោង មុន

ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ

Sokha Hotels

ព័ត៌មានពេញនិយម