សន្តិសុខសង្គម

ពលរដ្ឋនៅខេត្តក្រចេះ ស្នើឲ្យអាជ្ញាធរស៊ើបអង្កេតជនពាក់ព័ន្ធការបាញ់បោះអនាធិបតេយ្យទៅផ្ដន្ទាទោសតាមច្បាប់

បានផុស

៩ ខែ មុន

នៅ

ថ្ងៃសុក្រ ១២ កញ្ញា ២០២៥

ដោយ

ពលរដ្ឋនៅខេត្តក្រចេះបានស្នើសុំឲ្យអាជ្ញាធរខេត្តក្រចេះ ក៏ដូចជាប្រមុខថ្នាក់ដឹកនាំស៊ើបអង្កេតនិងចាត់វិធានការលើជនស៊ីវិលមួយក្រុម ដែលបានធ្វើសកម្មភាពបាញ់បោះអនាធិបតេយ្យ នាំទៅផ្ដន្ទាទោសតាមច្បាប់ និងរកឲ្យឃើញអ្នកបញ្ជាពីក្រោយខ្នងក្រុមជនស៊ីវិលនោះ។

ការស្នើសុំឲ្យអាជ្ញាធរខេត្តក្រចេះជួយអន្តរាគមន៍នេះ ធ្វើឡើងក្រោយពីជនស៊ីវិលមួយក្រុម កាលពីយប់វេលាម៉ោង ១១ យប់ថ្ងៃទី១០ ខែកញ្ញា ឆ្នាំ២០២៥ បានផ្ទុះអាវុធជាច្រើនគ្រាប់ ដោយឃាត់គោយន្តប្រជាពលរដ្ឋដឹកឈើគ្រឿងផ្ទះ ២៧កន្ទុយ បង្កការភ្ញាក់ផ្អើលទាំងយប់ស្ថិតនៅភូមិចម្រើន ឃុំថ្មី ស្រុកចិត្របុរី ខេត្តក្រចេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា ពលរដ្ឋក្នុងហេតុការណ៍នោះមានចំនួនពីរនាក់។ ម្នាក់ត្រូវបានក្រុមជនស៊ីវិលចាប់វ៉ៃខ្នោះ ចំណែកម្នាក់ទៀតរត់គេចខ្លួនក្នុងពេលកើតហេតុ។

ជួបសម្ភាសន៍ជាមួយជនរងគ្រោះ ក្រោយការដោះលែងបានរៀបរាប់ថា ពួកគេបានដឹកឈើជាង ២០ កន្ទុយពីចំណុចទីតាំងខាងលើដើម្បីយកទៅធ្វើផ្ទះ ប៉ុន្តែមកដល់ចំណុចទីតាំងកើតហេតុជួបប្រទះនឹងក្រុមជនស៊ីវិលមួយក្រុមជិះរថយន្ត ២គ្រឿងដេញតាមគោយន្តរបស់ខ្លួនក៏បានដកកាំភ្លើងខ្លីមួយដើម និងកាំភ្លើងវែងមួយដើមទៀតបាញ់មកលើគោយន្តកំពុងតែធ្វើដំណើរនោះ និងស្រែកបញ្ជាឲ្យឈប់។ ប៉ុន្តែដោយសារមានការភិតភ័យក៏ខំប្រឹងបើកគោយន្តកន្ត្រៃរត់ទៅមុខក៏ត្រូវបានក្រុមជនទាំងនោះបើករថយន្តមកកាក់ពីមុខ ភ្លាមនោះកាច់ចង្កូតគេចពីរថយន្តក៏ក្រឡាប់គោយន្តនៅកន្លែងតែម្តង។ ភ្លាមនោះ រត់គេចម្នាក់និងត្រូវចាប់ខ្លួនម្នាក់។

ប្រភពដដែលបន្តថា ក្នុងពេលកើតហេតុនោះ គេបានឃើញជនស្លៀកពាក់ស៊ីវិលមិនមែនជាឯកសណ្ឋានសមត្ថកិច្ចចំនួន៤ ទៅ ៥ នាក់ ដៃកាន់កាំភ្លើងវែងខ្លីធ្វើដំណើរដោយរថយន្តឡិចស៊ីស ៤៧០ និងរថយន្តឡិចស៊ីស ៣០០។

យោងតាមប្រភពព័ត៌មានពីកន្លែងកើតហេតុ នៅវេលាយប់ចន្លោះម៉ោងខាងលើ គេបានឮសំឡេងផ្ទុះអាវុធជាច្រើនគ្រាប់ និងបានឃាត់ខ្លួនមនុស្សម្នាក់ផងដែរ។ ភ្លាមៗនោះ គេពុំទាន់ដឹងថា មានរឿងអ្វីកើតឡើងនោះទេ តែក្រោយបន្តិចទើបដឹងថា ការផ្ទុះអាវុធនោះជាការបាញ់ដើម្បីឃាត់គោយន្តកន្ត្រៃមួយគ្រឿងដែលប្រជាពលរដ្ឋបានដឹកឈើគ្រឿងផ្ទះចំនួន ២៧ កន្ទុយចេញមកពីទឹកដីខេត្តមណ្ឌលគិរីឆ្លងកាត់ចូលខេត្តក្រចេះ។

ក្រោយពេលកើតហេតុ រយៈពេលប៉ុន្មានម៉ោងនៅព្រឹកថ្ងៃទី ១១ ខែកញ្ញា ឆ្នាំ២០២៥ កម្លាំងសមត្ថកិច្ចនៃអធិការដ្ឋាននគរបាលស្រុកចិត្របុរីក៏បានចុះទៅពិនិត្យ និងស្រាវជ្រាវដល់កន្លែងកើតហេតុក៏បានប្រទះឃេីញសំបកគ្រាប់ ដែលជនបង្កបានបន្សល់ទុកនៅនឹងកន្លែងកើតហេតុផងដែរ៕

អត្ថបទ ប្រុញ វិធិន

Related Topics:ខេត្តក្រចេះ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា