សន្តិសុខសង្គម

ឃាត់ខ្លួនជនសង្ស័យ ២ នាក់ លួចយកទូរស័ព្ទជនរងគ្រោះដេកក្នុងរថយន្ត

បានផុស

៨ ខែ មុន

នៅ

ថ្ងៃអង្គារ ៣០ កញ្ញា ២០២៥

ដោយ

ជនសង្ស័យ ២ នាក់ ត្រូវបានកម្លាំងសមត្ថកិច្ចខណ្ឌដូនពេញធ្វើការឃាត់ខ្លួនប្រគល់ឲ្យសមត្ថកិច្ចខណ្ឌចំការមន យកទៅសួរនាំបន្ត បន្ទាប់ពីជនសង្ស័យទាំងនោះបានធ្វើសកម្មភាពលួចយកទូរស័ព្ទ របស់ជនរងគ្រោះកំពុងដេកលក់ក្នុងរថយន្តបានហើយព្យាយាមរត់គេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ៣ និង ៥០ នាទីរំលងអធ្រាត្រ ឈានចូលថ្ងៃទី ៣០ ខែកញ្ញា ឆ្នាំ ២០២៥ ទល់មុខរដ្ឋសភាជាតិ ផ្លូវរដ្ឋសភា សង្កាត់ទន្លេបាសាក់ ខណ្ឌចំការមន ហើយឃាត់បានជនសង្ស័យនៅចំណុចផ្លូវ ៦៣ កែងផ្លូវព្រះសីហនុ ខណ្ឌដូនពេញ។

តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុកម្លាំងសមត្ថកិច្ច នៃអធិការខណ្ឌដូនពេញ បានធ្វើការល្បាតទប់ស្កាត់បទល្មើសក្នុងមូលដ្ឋាន។ លុះមកដល់ចំណុចកើតហេតុ ស្រាប់តែមានប្រជាពលរដ្ឋ និងជនរងគ្រោះ បានដេញតាមជនសង្ស័យ ២ នាក់ ជិះម៉ូតូ ម៉ាកឆាលី ១ គ្រឿង ថាបានធ្វើសកម្មភាពលួចយកទូរស័ព្ទរបស់ជនរងគ្រោះម៉ាក oppo ដែលដេកលក់ក្នុងរថយន្ត នៅម្តុំមុខរដ្ឋសភា។ ឮដូចនេះ កម្លាំងសមត្ថកិច្ច ក៏បានជួយដេញតាមចាប់ជនសង្ស័យទាំង ២ នាក់ នោះបាន ហើយសួរនាំ តែជនសង្ស័យបានប្រកែកថាមិនបានលួចនោះទេ។

ករណីនេះដែរ ទោះបីជាខំប្រកែកយ៉ាងណាក៏ដោយ ហើយដោយមានជនរងគ្រោះបានដេញតាមមកជាមួយដែរនោះ ទើបសមត្ថកិច្ចខណ្ឌដូនពេញ សហការជាមួយកម្លាំងសមត្ថកិច្ចខណ្ឌចំការមន ដែលជាម្ចាស់ករណីឲ្យមកទទួលយកជនសង្ស័យ និងជនរងគ្រោះយកទៅសួរនាំ និងដាក់ពាក្យបណ្ដឹង ដើម្បីឲ្យសមត្ថកិច្ចចាត់ការតាមនីតិវិធី៕

អត្ថបទ ៖ សុខា

Related Topics:ខណ្ឌដូនពេញ ខណ្ឌចំការមន លួច

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា