កីឡា

មកដឹងពីប្រវត្តិរហ័ស្សនាម «ទឹកត្រី» របស់កីឡាករបាល់ទះល្បីនៅព្រែកឯងជំនាន់ ២០០៨

បានផុស

៣ ថ្ងៃ មុន

នៅ

ថ្ងៃអង្គារ ១១ វិច្ឆិកា ២០២៥

ដោយ

កីឡាករល្អប្រចាំភូមិចុងព្រែក ឃុំព្រែកឯង ស្រុកកៀនស្វាយ ខេត្តកណ្ដាល កាលពីឆ្នាំ២០០៨-២០០៩ លោក គុណ ប៊ុនសាន រំលឹកអតីតកាលគេដាក់រហ័ស្សនាម «ទឹកត្រី» ព្រោះកាលនោះជួយលក់នំគ្រក់ម្ដាយទើបគេហៅជាប់ឈ្មោះរហូតដល់សព្វថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គុណ ប៊ុនសាន

លោក គុណ ប៊ុនសាន បានឲ្យដឹងថា រហ័ស្សនាម ឬឈ្មោះ «ទឹកត្រី» នេះគឺប្អូនប្រុសម្នាក់ហៅខ្លួនតាំងពីជំនាន់លេងបាល់ទះអំឡុងឆ្នាំ២០០៨-២០០៩ មកម្ល៉េះនៅឯភូមិចុងព្រែក តែឥលូវប្ដូរមកជាសង្កាត់ចុងព្រែក ខណ្ឌច្បារអំពៅ រាជធានីភ្នំពេញហើយ។ កាលដោយនោះដោយសារតែខ្លួនដែរហៅប្អូនប្រុស ភ័ត្រា មុនថា «អាជ្រក់» ដូច្នេះទើបគេរករហ័ស្សនាមដាក់ឲ្យវិញ។

លោក គុណ ប៊ុនសាន និងមិត្តភក្តិ

អតីតលីប្រូរបស់ វិសាខា ខាងលើបន្តទៀតថា កាលអំឡុងឆ្នាំ២០០៨ នោះក្រោយពេលទំនេរពីការរៀនសូត្រខ្លួនតែងតែជួយច្រកទឹកត្រីនំគ្រក់ឲ្យម្ដាយជារៀងរាល់ពេលទើបគេដាក់ឈ្មោះ «ទឹកត្រី» រហូតមកដល់ពេលនេះ។ កាលជំនាន់ល្បីឈ្មោះលេងល្អនោះគឺក្នុងភូមិក្រុមរបស់លោកចាប់គូមិនបាននោះទេ។ ក្រៅពីនេះមានក្រុមដទៃមកជួបប្រកួតជាបន្តបន្ទាប់រហូតលោកធ្លាប់ឈ្នះស្មាត់ល្បីឈ្មោះ ទូច អង្គរក្ស ទៀតផង។

លោក គុណ ប៊ុនសាន

អំឡុងពេលនោះគឺលោកអាចលេងបានទាំងផ្នែកប៉ះសេ ស្មាត់ និងជួយចាប់សេវាដល់មិត្តរួមក្រុម ពោលអាចលេងបានគ្រប់តួនាទីប្រសិនបើផ្នែកណាខ្វះ។ សមត្ថភាពចេះតែកើនឡើងរហូតលោកអភិវឌ្ឍន៍ខ្លួនចូលហ្វឹកហាត់ជាមួយក្លឹប ស.ស.យ.ក ខេត្តព្រៃវែង ឬ វិសាខានា ពេលបច្ចុប្បន្ននេះ។

រំលឹកដែរថា ឥលូវនេះលោក គុណ ប៊ុនសាន បានចូលនិវត្តន៍ពីបាល់ទះអាជីពតាំងពីអំឡុងឆ្នាំ ២០២១ មកម្ល៉េះ និងកំពុងបង្ហាត់ក្រុមស្នងការរាជធានីភ្នំពេញ ផ្នែកនារី និងបង្ហាត់សិស្សបែបសុខភាព៕