កីឡា

កីឡាករ ODAWARA ឆ្លើយទាំងទំនុកចិត្តគ្មានអ្វីត្រូវខ្លាច Johor ទោះមានកីឡាករធ្លាប់លេងនៅអ៊ឺរ៉ុបក៏ដោយ

បានផុស

៦ ខែ មុន

នៅ

ថ្ងៃព្រហស្បតិ៍ ៤ ធ្នូ ២០២៥

ដោយ

ខ្សែការពាររបស់ក្លឹបបាល់ទាត់ព្រះខ័នរាជ្យស្វាយរៀង កីឡាករ ODAWARA ថាគ្មានអ្វីត្រូវខ្លាចចំពោះក្រុម Johor នោះទេបើទោះជាក្រុមមួយនេះមានកីឡាករមានបទពិសោធច្រើន និងធ្លាប់លេងនៅអ៊ឺរ៉ុបក៏ដោយក្នុងការប្រកួតពានរង្វាន់ Shopee Cup លើទឹកដីកម្ពុជាយប់នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ODAWARA

ថ្លែងក្នុងសន្និសីទសារព័ត៌មានកាលពីម្សិលមិញនេះកីឡាករ ODAWARA បានលើកឡើងថា តាមដែលរូបគេបានទស្សនាការប្រកួតថ្មីៗរបស់ក្រុមម៉ាឡេស៊ី Johor គឺគ្មានអ្វីត្រូវខ្លាច ឬគិតថាចាញ់ទៅលើក្រុមភ្ញៀវមួយនេះទេ។

កីឡាករសញ្ជាតិជប៉ុនរូបនេះបន្តទៀតថា លោកទទួលស្គាល់ថាក្រុម Johor សំបូរកីឡាករមានបទពិសោធច្រើនទាំងនៅក្នុងស្រុក និងនៅអ៊ឺរ៉ុប។ ប៉ុន្តែរូបលោករួមទាំងកីឡាកររបស់ព្រះខ័នរាជ្យស្វាយរៀងផ្សេងៗទៀតគឺប្រមូលស្មារតីបានល្អ និងមានទំនុកចិត្តខ្ពស់ចំពោះការប្រកួតជាមួយក្រុម Johor នៅយប់នេះ។

ទិដ្ឋភាពសន្និសីទសារព័ត៌មាន

ចំណែកលោក MCCONKEY ដែលជាគ្រូបង្វឹកព្រះខ័នរាជ្យស្វាយរៀងវិញ ចង់ឲ្យអ្នកគាំទ្រមកចូលរួមទស្សនា និងលើកទឹកចិត្តឲ្យបានច្រើនដូចទៅហ្នឹងលើកមុនៗដែលធ្លាប់បានធ្វើកន្លងមក។ ក្រុមព្រះខ័នរាជ្យស្វាយរៀង នៅរង់ចាំអ្នកគាំទ្រមកលើកទឹកចិត្តនៅឯពហុកីឡដ្ឋានមរតកតេជោ។ លោកសង្ឃឹមថាក្រោយបញ្ចប់ការប្រកួតអ្នកគាំទ្រនឹងមានមោទកភាពចំពោះក្រុមតំណាងកម្ពុជាមួយនេះ។

សកម្មភាពហ្វឹកហាត់

បញ្ជាក់ដែរថា ការប្រកួតវគ្គសន្សំពិន្ទុក្នុងពូល B នៃពានរង្វាន់ ASEAN Club Championship (Shopee Cup) រវាងព្រះខ័នរាជ្យស្វាយរៀង និង Johor Darul Ta’zim នេះនឹងធ្វើឡើងនៅយប់ថ្ងៃទី៤ ខែធ្នូ ឆ្នាំ២០២៥ នៅពហុកីឡដ្ឋានមរតកតេជោ វេលាម៉ោង ៧តទៅ។ Johor Darul Ta’zim ជាក្រុមខ្លាំងមួយនៅតំបន់អាស៊ាន និងកំពុងឈរលេខ១ ក្នុងពូល B មាន ៦ពិន្ទូនៃពានរង្វាន់ Shopee Cup នេះទៀតផងក្រោយ ២ប្រកួតឈ្នះទាំង ២ប្រកួត និងស៊ុតបញ្ចូលទីដៃគូបានរហូត ៧គ្រាប់ និងរបូតវិញតែ ១គ្រាប់ប៉ុណ្ណោះ៕

ទិដ្ឋភាពអ្នកគាំទ្រកន្លងទៅ

អត្ថបទដោយ៖ នួន ស៊ីណា

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា