កីឡា
ក្លឹបបញ្ជាការដ្ឋានអង្គរក្ស បើឈ្នះជើងឯកតេជោលីគ លើកទី៣ នឹងយកពាននេះដាច់ចូលក្លឹបតែម្ដង
នេះបើតាមការបញ្ជាក់ពីសហព័ន្ធកីឡាបាល់ទះកម្ពុជា ថាប្រសិនក្លឹបបាល់ទះបញ្ជាការដ្ឋានអង្គរក្សឈ្នះជើងឯកតេជោលីគ លើកទី៣ ឆ្នាំ២០២៦ នឹងទទួលបានពានរង្វាន់នេះដាច់ដាក់ចូលក្លឹបតែម្ដង។ ប៉ុន្តែបើក្រុមមិនអាចឈ្នះជាលើកទី៣ នេះនោះទេត្រូវរាប់ឡើងវិញ។
ពានរង្វាន់តេជោលីគ
អគ្គលេខាធិការសហព័ន្ធកីឡាបាល់ទះកម្ពុជា លោក អាំង សិរីពិសិដ្ឋ បានឲ្យដឹងថា នេះបើតាមលក្ខខណ្ឌរបស់សហព័ន្ធគឺបានបញ្ជាក់ហើយថាក្រុមដែលឈ្នះជើងឯកជាប់គ្នា ៣រដូវកាលនោះនឹងទទួលបានពានតេជោលីគនេះដាច់យកទៅដាក់ក្លឹបតែម្ដង។
ដូច្នេះនៅរដូវកាលទី៣ នេះប្រសិនបើក្លឹបបាល់ទះបញ្ជាការដ្ឋានអង្គរក្សឈ្នះជើងឯកទៀតនោះនឹងទទួលបានពានរង្វាន់នេះដាច់ហើយ។ សហព័ន្ធនឹងរៀបចំធ្វើពានថ្មីដើម្បីប្រើប្រាស់ក្នុងការប្រកួតប្រជែងបន្តបន្ទាប់ទៀតនៅរដូវកាលក្រោយៗ។ ប៉ុន្តែប្រសិនបើ អង្គរក្ស របូតជើងឯកនៅឆ្នាំទី៣ នេះគឺក្រុមត្រូវរាប់ការឈ្នះសារឡើងវិញ។
លោក អាំង សិរីពិសិដ្ឋ
លោកជឿជាក់ថ្នាក់ការប្រកួតនៅឆ្នាំនេះនឹងទទួលបានការគាំទ្រកាន់តែខ្លាំងពីសំណាក់មហាជនដែលស្រឡាញ់ចូលចិត្តវិស័យកីឡាបាល់ទះនៅកម្ពុជា។ ក្លឹបជើងឯកច្បាស់ណាស់មិនបណ្ដោយនោះទេនៅឆ្នាំនេះ ខណៈក្រុមផ្សេងៗក៏មានមហិច្ឆតាចង់ឈ្នះពាននេះដូចគ្នា។ មួយវិញទៀតការរៀបចំឆ្នាំនេះក៏រឹតតែប្លែក និងមានសោភ័ណ្ឌភាពកាន់តែល្អស្អាត និងទាក់ទាញ។
ក្រុមបញ្ជាការដ្ឋានអង្គរក្ស លើកពានរដូវកាលមុន
បញ្ជាក់ដែរថា ការប្រកួតកីឡាបាល់ទះតេជោលីគ លើកទី៣ ឆ្នាំ២០២៦ នេះនឹងចាប់ផ្ដើមពីថ្ងៃទី១៦ ខែឧសភា ដល់ថ្ងៃទី៥ ខែកញ្ញា ឆ្នាំ២០២៦ នៅវិមាន នៃពហុកីឡដ្ឋានជាតិ។ ក្លឹបបាល់ទះបញ្ជាការដ្ឋានអង្គរក្ស បានឈ្នះពានតេជោលីគនេះចំនួនពីររដូវលមកហើយគឺរដូវកាលទី១ ឆ្នាំ២០២៤ រដូវកាលទី២ ឆ្នាំ២០២៥។ រង់ចាំមើលរដូកាលទី៣ ឆ្នាំ២០២៦ នេះក្រុមខ្លាំងបញ្ជាការដ្ឋានអង្គរក្ស ឈ្នះជើងឯក និងយកពាននេះបានដាច់ដែរ ឬទេ៕
ក្រុមបញ្ជាការដ្ឋានអង្គរក្ស
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ