ចាញ់​បារ៉ែន ៨-០ យប់មិញ អ្នក​គាំទ្រ​ វែកញែកទម្រង់​លេង​ក្រុមកម្ពុជា មិន​អាច​តដៃ​បារ៉ែន​បាន
Connect with us
Helistar Cambodia - Helicopter Charter Services

ព័ត៌មានជាតិ

ចាញ់​បារ៉ែន ៨-០ យប់មិញ អ្នក​គាំទ្រ​ វែកញែកទម្រង់​លេង​ក្រុមកម្ពុជា មិន​អាច​តដៃ​បារ៉ែន​បាន

បានផុស

នៅ

ក្រោយ​ជួប​ក្រុមខ្លាំងបារ៉ែនក្នុងវគ្គ​ជម្រុះ World Cup នៅ​យប់មិញ កម្ពុជា​របូត​គ្រាប់​បាល់​ដល់​ទៅ ៨ គ្រាប់។ មតិអ្នក​គាំទ្រ​ ដែល​តាមដាន​ការ​ប្រកួត​នេះ បាន​វែកញែក​ពី​ទម្រង់​លេង​របស់ក្រុម​ជម្រើស​ជាតិ ក្រោយ​ការ​ប្រកួត​បាន​បញ្ចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រ​ម្នាក់​ឈ្មោះ Lim Heang May មើលឃើញ តង់ទី ១ ក្រុមកម្ពុជា​បង្ហាញភាពខ្លាំងហ៊ានបុកគេ មានឆន្ទះ ប៉ុន្ដែ អ្វីដែលមើលឃើញក្រុមបារ៉ែន បត់បែនលឿន ហើយរហ័សរហួន ចលនាប៉ះបាល់លឿន។

អ្នក​គាំទ្រ​ដដែល​នេះ​គិត​ថា ​ចំណុចល្អនេះហើយដែល​ក្រុមប្រទេស​ជិត​ខាង​មាន​ក្រុមថៃ វៀតណាម តែងតែប្រកួត​ជាមួយក្រុមខ្លាំងៗ ដោយ​ឲ្យ​កីឡាករគេ មានបច្ចេកទេស រហ័សរហួន និង ល្បឿន។

បុរស​រូប​នេះ​លើកទឹកចិត្ត​ថា ការ​ចាញ់​ក្រុម​ឈុតធំ បារ៉ែន មិនជាបញ្ហា បើធៀបក្នុងអាស៊ានចាត់ចូលជាក្រុមអភិវឌ្ឍន៍ហើយ។ ក្រុមក្នុងអាស៊ានលែងហ៊ាននិយាយថា ក្រុមកូនក្មេង និងជាក្រុមមិនមានក្នុងកែវភ្នែកគេទៀតដែរ។ សុីហ្គេម ដឹងគ្នា ហើយ ។

អ្នក​គាំទ្រ​ម្នាក់ទៀតឈ្មោះ Ratana Yan ក៏​ចូលរួម​យោបល់​ដែរ​ថា បាល់ទាត់​ចាញ់មិនមែនជារឿងសំខាន់នោះទេ អ្វីដែលសំខាន់ទោះដឹងថាចាញ់ ក៍ដោយ​ឲ្យ​តែហ៊ានលេង​ បន្តហ្វឹកហាត់នឹងលេង​ឲ្យ​ល្អជាងមុន!។

ចំណែក​អ្នក​គាំទ្រ​ឈ្មោះ Chea Sok ក៏​លើក​ឡើង​ពី​កំហុស​អ្នក​ចាំ​ទី ដែលនាំ​ឲ្យ​លទ្ធផល​របូត​គ្រាប់​បាល់​ច្រើន​គ្រាប់​​បែប​នេះ។ បុរស​រូប​នេះ​យល់ឃើញថា យល់ល្អអ្នកចាំទីគួរដាក់ គីមហ៊ុយទៅ ព្រោះសិលាមាឌធំពេក ពិបាកហក់ ឆ្វេងស្តាំណាស់ ​បានត្រឹមតែឈរមើលបាល់គេស៊ុត ឲ្យ​តែគេសុតឆ្វេងស្តាំចប់ហើយ គាត់ចាប់បានតែបាល់ស៊ុត​មកត្រូវគាត់ទេ និយាយរួមគាត់ពិបាកហក់ និង គ្មានបានប្តូរ។ មួយវិញទៀតគាត់លេងដូចជាមើលស្រាលគូប្រកួតណាស់ លេងប៉ះតែក្នុងប្រអប់របស់ខ្លួនមុខទីរហូត។ កែចេញទៅត្រង់ចំណុចមួយហ្នឹង។

អ្នកគាំទ្រ​រូប​នេះ​បន្ត​ទៀត​ថា កីឡាករវិញបើសិនបងសិលាបោះបាល់​ឲ្យ​ក្នុងប្រអប់ចាំទីហើយ ត្រូវប៉ះគ្នីគ្នា​ឲ្យ​បានលឿនកុំទប់ចាំប្រលែងជាមួយគេ។ រឿងមួយទៀតគឺកញ្ចែរអាជ្ញាកណ្តាល បើគេដួលហើយអត់ទាន់លឺកញ្ចែរទេ លេងទៀតទៅលេងកាន់តែលឿនកាន់តែល្អ កុំនៅចាំមើលអាជ្ញាកណ្តាល បើគាត់ពិន័យមែនគាត់ប្រាប់ម្តងទៀតហើយ។

អ្នកគាំទ្រ​រូ​ប​នេះ ក៏​លើក​ពី​សម្តីលោកគ្រូ felix ថា ទង់ជាតិខ្មែរមានតម្លៃជាង idol របស់អ្នក ក្នុងន័យនេះ​ជាមតិរិះគន់ដើម្បីស្ថាបនា​ប៉ុណ្ណោះ ដោយសារ​ចង់ឃើញកម្ពុជាជោគជ័យលើឆាកអន្តរជាតិ ស៊ូស៊ូ កម្ពជា។

យ៉ាងណ​ាមិញ ក៏​មាន​អ្នកគាំទ្រ​​បានបន្ទោស​គ្រូ​បង្វឹក​លោក​ហុងដា ដែលស្នើ​ឲ្យ​ដក​គ្រូ​បង្វឹក​សញ្ជាតិ​ជប៉ុន​នេះចេញ ក្រោយ​ទទួល​លទ្ធផល​មិន​គាប់ប្រសើរ​នេះ។

គួរ​បញ្ជាក់​ថា ក្រុមបាល់ទាត់​ជម្រើស​ជាតិ​កម្ពុជា​នៅ​សល់ពីរ​ប្រកួត​​ទៀត​ក្នុង​វគ្គ​ជម្រុះ​ World Cup ដោយ​ត្រូវ​ប៉ះ អ៊ីរ៉ាក់ នៅ​ថ្ងៃ​ទី ៧ មិថុនា មុន ​ជួប ​ក្រុម​ខ្លាំង​អ៊ីរ៉ង់ នៅ​ថ្ងៃ​ទី ១១ មិថុនា៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានខ្លីៗ២ នាទី មុន

លោក ឃួង ស្រេង៖ បើមិនចូលរួម ភូមិសាស្ត្រភ្នំពេញនឹងប្រែជាតំបន់លឿង លឿងទុំ និង ក្រហម​ជាថ្មី

ព័ត៌មានជាតិ៨ នាទី មុន

សម្លាប់​ប្រពន្ធ​ដាក់​ក្នុង​វ៉ាលីស៍​យក​ទៅ​ផ្លុង​ចោល​នៅ​ខេត្ត​ត្បូងឃ្មុំ នគរបាល​តាម​ចាប់​ខ្លួន​ដល់​ខេត្ត​បាត់​ដំបង

ព័ត៌មានជាតិ៣១ នាទី មុន

ភូមិសាស្ត្រមួយចំនួននៅភ្នំពេញ អាចនឹងប្រែក្លាយជាតំបន់លឿង តំបន់លឿងទុំ និង តំបន់ក្រហម​ជាថ្មីទៀត​

ព័ត៌មានអន្ដរជាតិ២ ម៉ោង មុន

WHO ប្រកាសបញ្ចប់ជំងឺដ៏កាចសាហាវមួយនេះនៅប្រទេសហ្វីលីពីន

ព័ត៌មានខ្លីៗ២ ម៉ោង មុន

មកទល់ថ្ងៃនេះ ក្រុមគ្រូពេទ្យកម្ពុជា ព្យាបាលអ្នកជំងឺកូវីដជាសះស្បើយបានជាង៣ម៉ឺននាក់ហើយ​

Sokha Hotels

ព័ត៌មានពេញនិយម

Helistar Cambodia - Helicopter Charter Services