កីឡា

កម្ពុជាត្រៀមទទួលការគ្រប់គ្រងពហុកីឡដ្ឋានជាតិមរតកតេជោ ពីភាគីចិននៅខែសីហាខាងមុខនេះ

បានផុស

៥ years មុន

នៅ

ថ្ងៃសុក្រ ៩ កក្កដា ២០២១

ដោយ

កម្ពុជាត្រៀមទទួលការគ្រប់គ្រងពហុកីឡដ្ឋានជាតិមរតកតេជោពី ភាគីចិននៅខែសីហាខាងមុខនេះ ដើម្បីឆ្ពោះទៅទទួលរៀបចំធ្វើជាម្ចាស់ផ្ទះកីឡាអាស៊ីអាគ្នេយ៍លើកទី៣២(Sea Game) – អាស៊ានប៉ារ៉ាហ្គេម (Asean Para-Games) ឆ្នាំ ២០២៣ លើកដំបូងជាប្រវត្តិសាស្ត្ររបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន អគ្គលេខាធិការគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ឆ្នាំ២០២៣ (CAM SOC) បានមានប្រសាសន៍ឲ្យដឹងថា ពហុកីឡដ្ឋានជាតិថ្មីដ៏ធំមិនធ្លាប់មានរបស់កម្ពុជាមួយនេះ បានសាងសង់រួចរាល់អស់ហើយ នៅខែសីហាខាងមុខនេះ ភាគីចិននឹងប្រគល់ជាចំណងដៃដ៏ពិសិដ្ឋជូនចំពោះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ស្របពេលដែលកម្ពុជាមានតម្រូវការហេដ្ឋារចនាសម្ព័ន្ធកីឡាដ៏ទំនើបនិងធំទូលាយ សម្រាប់ធ្វើជាម្ចាស់ផ្ទះរៀបចំការប្រកួតកីឡាអាស៊ីអាគ្នេយ៍ លើកទី៣២ នាឆ្នាំ២០២៣ខាងមុខនេះ។ លោកអគ្គលេខាCAMSOCបានបញ្ជាក់ថា ភាគីចិននឹងផ្តល់មន្ត្រីជំនាញបច្ចេកទេស ដើម្បីជួយបង្ហាញបង្រៀនដល់កម្ពុជា ពីរបៀបកាត់និងថែទាំស្មៅ របៀបថែទាំកន្លែងអង្គុយ និងមើលការប៉ះទង្គិចខ្យល់ ប្រព័ន្ធទឹក-ប្រព័ន្ធភ្លើងផងដែរ។

សូមបញ្ជាក់ថា គម្រោងពហុកីឡដ្ឋានជាតិមរតកតេជោ ដែលមានទីតាំងស្ថិតនៅសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ មានទំហំផ្ទៃដីជាង ៨៥ហិកតានេះ ជាជំនួយឥតសំណងរបស់រដ្ឋាភិបាលចិន ប្រមាណ១៦០លានដុល្លារ គឺដើម្បីត្រៀមសម្រាប់រៀបចំការប្រកួតកីឡាអាស៊ីអាគ្នេយ៍ (SEA Games) លើកទី៣២ នៅឆ្នាំ២០២៣ខាងមុខ ដែលកម្ពុជានឹងធ្វើជាម្ចាស់ផ្ទះ។ កីឡដ្ឋានលំដាប់អន្តរជាតិនេះ អាចផ្ទុកអ្នកទស្សនាបានប្រមាណ៦ម៉ឺននាក់ និងអាចជម្លៀសទស្សនិកជនត្រឹមរយៈពេល៧នាទី ក្នុងករណីមានហេតុការណ៍មិនប្រក្រតីកើតឡើង។

សូមរំលឹកថា សំណង់ពហុកីឡដ្ឋានជាតិមរតកតេជោនេះ បានបើកការដ្ឋានសាង សង់នៅថ្ងៃទី៤ មេសា ឆ្នាំ២០១៧ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងអំឡុងពេលសម្ពោធដាក់ឲ្យប្រើប្រាស់សមិទ្ធផលដំណាក់កាលទី១ មានដូចជាមជ្ឈមណ្ឌលអាងហែលទឹក មជ្ឈមណ្ឌលកីឡាក្នុងសាល, ទីលានបាល់បោះ, និងអគារស្នាក់នៅរបស់អត្តពលិក៕

អត្ថបទ៖ វិសិទ្ធ

Related Topics:ពហុកីឡដ្ឋានជាតិមរតកតេជោ

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា