កីឡា
តើមានទូរទស្សន៍ណាផ្សាយបន្តផ្ទាល់ AFF Suzuki Cup 2020 ទេ?
យុទ្ធនាការណ៍បាល់ទាត់ធំបំផុតលំដាប់ទី១នៅអាស៊ីអាគ្នេយ៍ AFF Suzuki Cup 2020 នឹងចាប់បើកទំព័រប្រវត្តិសាស្ត្រនាថ្ងៃទី៥ ខែធ្នូ ឆ្នាំ២០២១ខាងមុខនេះហើយដែលប្រទេសសិង្ហបុរីទទួលធ្វើជាម្ចាស់ផ្ទះ។
ក្រុមបាល់ទាត់ជម្រើសជាតិទាំង១០នៅតំបន់អាស៊ាននឹងប្រជែងគ្នាដើម្បីក្លាយជាជើងឯកនារដូវកាលឆ្នាំ២០២០ដែលត្រូវបានលើកពេលមកខែធ្នូ ឆ្នាំ២០២១នេះដោយសារវិបត្តិកូវីដ-១៩។ ប្រទេសវៀតណាមជាក្រុមការពារជើងឯកឆ្នាំចាស់។
ក្រុមទាំង១០ត្រូវបានបែងចែកជាពីរពូលគឺពូល A មាន ថៃ មីយ៉ាន់ម៉ា ហ្វីលីពីន សិង្ហបុរី និង ទីម័រខាងកើត ខណៈពូល B មាន វៀតណាម ម៉ាឡេស៊ី ឥណ្ឌូណេស៊ី កម្ពុជា និង ឡាវ។
នៅពេលក្រុមជម្រើសជាតិទាំង១០បានធ្វើដំណើរទៅដល់ប្រទេសសិង្ហបុរីដើម្បីត្រៀមខ្លួនប្រកួត អ្នកគាំទ្ររបស់ប្រទេសរៀងៗខ្លួនក៏កំពុងរង់ចាំយ៉ាងក្តីរំភើបរីករាយសម្រាប់ថ្ងៃប្រកួតមកដល់ និងដើម្បីលើកទឹកចិត្តដល់ជម្រើសជាតិរបស់ខ្លួន។
ថ្វីបើមិនបានទៅទស្សនាផ្ទាល់ ប៉ុន្តែច្បាស់ណាស់ថា អ្នកគាំទ្រស្ទើរទូទាំងប្រទេសនឹងទស្សនាតាមរយៈកញ្ចក់ទូរទស្សន៍ ឬអនឡាញ។ ទោះបីជាយ៉ាងណា រហូតដល់ពេលនេះ មិនទាន់មានដំណឹងផ្លូវការណាមួយពីស្ថានីយ៍ទូរទស្ស៍នៅស្រុកខ្មែរអះអាងពីការផ្សាយបន្តផ្ទាល់ឡើយពីប្រទេសសិង្ហបុរី។
តាមប្រភពដឹងរឿងសិទ្ធិផ្សាយបន្តផ្ទាល់ថា ការលក់សិទ្ធិផ្សាយបន្តផ្ទាល់ឆ្នាំនេះថ្លៃណាស់ ដូច្នេះមិនមានទូរទស្សន៍ហ៊ានទិញផ្សាយបន្តផ្ទាល់ឡើយ។ តាមដឹងថា មានក្រុមហ៊ុនផ្សព្វផ្សាយមួយបានទិញសិទ្ធិផ្តាច់មុខដើម្បីលក់បន្តឲ្យបណ្តាប្រទេសផ្សេងៗ ហើយតម្លៃនៃការលក់បន្តឲ្យប្រទេសផ្សេងរហូតដល់១លានដុល្លារអាមេរិក។ ដូច្នេះតម្លៃនេះខ្ពស់ដែលពិបាកនឹងទិញដើម្បីផ្សាយបន្តណាស់។
ទោះបីជាយ៉ាងណា នៅក្នុងសម័យកាលនៃបណ្តាញទំនាក់ទំនងសង្គមជឿនលឿន ប្រហែលជាអាចមានអ្នកឆ្លៀតឱកាសផ្សាយបន្តតាម Facebook ដូច្នេះអ្នកគាំទ្រអាចទស្សនាបាន។
សូមបញ្ជាក់ថា ការប្រកួតបើកឆាកដំបូងគេគឺពូល A រវាងក្រុមទីម័រខាងកើតជាមួយថៃ ម៉ោង៤:៣០ល្ងាច នៅថ្ងៃទី៥ ខែធ្នូ ខណៈកម្ពុជាបើកឆាកពូល B ជាមួយ ម៉ាឡេស៊ី ម៉ោង៤:៣០នាទីល្ងាច ថ្ងៃទី៦ ខែធ្នូ។
ចំពោះក្រុមក្រុមបាល់ទាត់ជម្រើសជាតិកម្ពុជាបានទៅប្រទេសសិង្ហបុរីកាលពីព្រឹកថ្ងៃទី២ ខែធ្នូ ឆ្នាំ២០២១៕
អត្ថបទ៖ វីរបុត្រ
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ