កីឡា
៦ប្រទេសកោះហៅកីឡាករនៅអឺរ៉ុបមកជួយពាន AFF Cup 2020
ការប្រកួតជើងឯកបាល់ទាត់លំដាប់ទី១នៅអាស៊ាន AFF Championship 2020 នឹងចាប់ផ្តើមជាផ្លូវការនាថ្ងៃទី៥ ខែធ្នូ ខាងមុខនេះហើយដែលមានក្រុមជម្រើសជាតិនៅអាស៊ានទាំង១០ត្រូវប្រជែងគ្នា។
ត្រៀមកម្លាំងស្នួលរៀងៗខ្លួន ក្រុមជម្រើសជាតិមួយចំនួនបានកោះហៅសមាជិករបស់ខ្លួនដែលកំពុងប្រដាប់អាជីពនៅតំបន់អឺរ៉ុបដើម្បីពង្រឹងក្រុម។
ក្រុមជម្រើសជាតិថៃ៖ ថៃបានកោះហៅសមាជិក៣នាក់ដែលប្រកបអាជីពនៅតំបន់អឺរ៉ុបគឺអ្នកចាំទី Kawin Thamsatchanan, ខ្សែការពារ Jonatham Khemdee និងខ្សែបម្រើ Thanawat Suengchitthawon។
អ្នកចាំទី Thamsatchanan កំពុងលេងនៅក្លឹប OH Leuven ក្នុងលីគកំពូលរបស់ប្រទេសបែលហ្ស៊ិក។ ខ្សែការពារ Khemdee លេងនៅក្លឹប Odense Boldkub ក្នុងលីគកំពូលប្រទេសដាណឺម៉ាក និងខ្សែបម្រើ Suengchitthawon មកពីក្លឹបលីគកំពូលអង់គ្លេស Leicester City។
ក្រុមជម្រើសជាតិហ្វីលីពីន៖ ជម្រើសជាតិមួយនេះក៏ហៅកីឡាករមកពីតំបន់អឺរ៉ុបច្រើនដែរគឺខ្សែការពារ Jesper Nyholm លេងនៅក្លឹប Djurgårdens IF ប្រទេសស៊ុយអែត។ ខ្សែប្រយុទ្ធ Angel Guirado ក្លាយជាសមាជិកសំខាន់ម្នាក់ដែលបច្ចុប្បន្នលេងនៅក្លឹប St Joseph’s នៅហ្គីប្រាលតារ។
ក្រុមជម្រើសជាតិឥណ្ឌូណេស៊ី៖ ក្រុមនេះបានដាក់ក្តីរំពឹងលើ Elgan Bagot ជាខ្សែការពារវ័យក្មេងលេងនៅក្លឹបអង់គ្លេស Ipswich Town។ រូបគេទទួលបានការចាប់អារម្មណ៍ពីក្លឹបធំៗដូចជា Manchester United, Everton នុង West Ham ក្នុងឆ្នាំនេះ ប៉ុន្តែសម្រេចបន្តកុងត្តាជាមួយក្លឹប Ipswich។ ជាមួយគ្នា ខ្សែបម្រើពេញដោយទេពកោសល្យវ័យក្មេង Witan Sulaeman ដែលកំពុងលេងនៅក្លឹប Lechia Gdansk ប្រទេសប៉ូឡូញក៏ត្រូវបានកោះហៅមកដែរ។
ក្រុមជម្រើសជាតិម៉ាឡេស៊ី៖ បានកៅហៅខ្សែការពារស្លាបស្តាំ Dion Cools ដែលកំពុងលេងនៅក្លឹប Midtjylland ប្រទេសដាណឺម៉ាក។ រូបគេធ្លាប់បានលេង៣ប្រកួតក្នុងក្របខណ្ឌកំពូលអឺរ៉ុប UEFA Champions League។ មុនពេលកោះហៅចូលជម្រើសជាតិម៉ាឡេស៊ី រូបគេធ្លាប់លេងឲ្យយុវជន U18, U19 និង U21 របស់បែលហ្ស៊ិក។ ជាមួយគ្នា ម៉ាឡេស៊ី បាននាំខ្សែប្រយុទ្ធវ័យក្មេង Luqman Hakim ដែលកំពុងលេងនៅក្លឹប Kortrijk ប្រទេសបែលហ្ស៊ិក។
ក្រុមជម្រើសជាតិសិង្ហបុរី៖ ជម្រើសជាតិនេះបានកោះហៅខ្សែប្រយុទ្ធជាក្តីសង្ឃឹម Ikhsan Fandi។ កីឡាករវ័យ២២ឆ្នាំនេះបង្ហាញខ្លួនយ៉ាងទៀងទាត់ឲ្យក្លឹប FK Jerv ប្រទេសន័រវេស។
ក្រុមជម្រើសជាតិឡាវ៖ ខ្សែប្រយុទ្ធ Billy Ketkeophomphone ដែលមានបទពិសោធច្រើននៅប្រទេសអេស្ប៉ាញត្រូវបានកោះហៅចូល ខណៈរូបគេបច្ចុប្បន្ននេះកំពុងប្រកបអាជីពនៅក្លឹបបារាំង Dunkerque.។
ចំណែកក្រុមការពារជើងឯកឆ្នាំចាស់ វៀតណាម ទីម័រខាងកើត មីយ៉ាន់ម៉ា និងកម្ពុជាមិនមានកីឡាករមកពីតំបន់អឺរ៉ុបទេ។
ការប្រកួតជើងឯក AFF Cup ធ្វើនៅប្រទេសសិង្ហបុរីចាប់ពីថ្ងៃទី៥ ខែធ្នូ ឆ្នាំ២០២១ ដល់ថ្ងៃទី១ ខែមករា ឆ្នាំ២០២២៕
ប្រែសម្រួល៖ វីរបុត្រ
ប្រភព៖ vnexpress
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ