Connect with us

កីឡា

កីឡាករពីរ​រូបជាប់ឈ្មោះ​ជម្រុះ AFC Asian Cup ក្រោយ​ខកខាន​ច្រើន​ឆ្នាំ

បានផុស

នៅ

សហព័ន្ធកីឡាបាល់ទាត់កម្ពុជា នៅព្រឹកថ្ងៃទី២៣ ខែឧសភា ឆ្នាំ២០២២ បានប្រកាសបញ្ជីឈ្មោះបឋមកីឡាករជម្រើស​ជាតិ ដើម្បីត្រៀមប្រកួតជម្រុះជើងឯកអាស៊ី AFC Asian Cup Qualifiers ជុំចុងក្រោយ នៅខែមិថុនា ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បញ្ជីឈ្មោះកីឡាករបឋមដែលត្រូវបានកោះហៅមាន ២៧នាក់ មកពីក្លិប ៧ផ្សេងគ្នាទាំងនៅលីគកំពូលកម្ពុជា និងលីគកំពូលម៉ាឡេស៊ី។

អ្វីដែលជាការចាព់អារម្មណ៍នោះ គឺកីឡាករ ២រូប ត្រលប់មកជាប់ជម្រើសជាតិសារជាថ្មីក្រោយខកខានច្រើនឆ្នាំ នោះគឺកីឡាករ ឡុង ភារ៉ាត់ និង កុក បូរីស។ ជាក់ស្ដែង ភារ៉ាត់ ជាប់ជម្រើសជាតិចុងក្រោយបង្អស់ក្នុងឆ្នាំ២០១៩។ ខណៈ កុក បូរីស ចូលលេងបានទៀងទាត់ និងរកគ្រាប់បាល់ជារឿយៗនៅ Sarawak United ក្នុងក្របខណ្ឌកំពូលម៉ាឡេស៊ី។ បូរីស ត្រូវបាន Sarawak ខ្ចីពីភ្នំពេញក្រោន ហើយគេជាប់ជម្រើសជាតិចុងក្រោយ កាលឆ្នាំ២០១៥។

ក្រោយបង្ហាញបញ្ជីឈ្មោះក្រុមក៏នឹងត្រូវត្រៀមប្រកួតមិត្តភាពអន្តរជាតិកម្ដៅសាច់ដុំជាមួយទីម័រខាងកើត នៅថ្ងៃទី០២ ខែមិថុនា ខាងមុខ មុននឹងជម្រុះមកនៅត្រឹម ២៣ នាក់ចុងក្រោយ ដើម្បីចេញទៅប្រកួតជម្រុះនៅឥណ្ឌា។

ក្រុមជម្រើសជាតិឈុតធំ នឹងចាប់ផ្ដើមបេសកកម្មការប្រកួតជម្រុះជើងឯកទ្វីបអាស៊ី (AFC Asian Cup) ជុំចុងក្រោយ ក្នុងពូល D លើទឹកដីកណ្ដាលនៃប្រទេសឥណ្ឌា ដោយកម្ពុជា រួមពូលជាមួយម្ចាស់ផ្ទះឥណ្ឌា, អាហ្វហ្គានីស្ថាន និងហុងកុង ខណៈនៅវគ្គនេះមានទាំងអស់ ៦ពូល ក្នុង ១ពូលមាន ៤ក្រុម។

ការប្រកួតនឹងធ្វើឡើងនៅថ្ងៃទី០៨ ថ្ងៃទី១១ និងថ្ងៃទី១៤ ប្រកួតតែមួយជុំប៉ុណ្ណោះ ដើម្បីរកក្រុមលេខ១ ក្នុងពូលនីមួយៗឡើងទៅប្រកួតជុំផ្ដាច់ព្រ័ត្រ ដែលជាប្រកួតផ្លូវការនៅប្រទេសចិន នាឆ្នាំ២០២៣។ ដោយឡែកក្រុមលេខ២ ប្រចាំពូលនីមួយៗត្រូវរង់ចាំអ៊ុតជាមួយពូលផ្សេងៗទៀត ដើម្បីទូទាត់ពិន្ទុគ្នា យកតែ ៥ក្រុមដែលមានពិន្ទុច្រើនជាងគេប៉ុណ្ណោះឡើងទៅជុំផ្ដាច់ព្រ័ត្រ ដើម្បីទៅប្រកួតជាមួយក្រុមដែលអង្គុយរង់ចាំរួចជាស្រេចដូចជា ចិន, ជប៉ុន, ស៊ីរី, កាតា, កូរ៉េខាងត្បូង, អូស្ត្រាលី, អ៊ីរ៉ង់, អារ៉ាប់រួម, អារ៉ាប់ប៊ីសាវឌីត, អ៊ីរ៉ាក់, អូម៉ង់, វៀតណាម និងលីបង់៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម