កីឡា
ឆ្នាំ ២០២២ ពានធំៗចំនួន ៩ ក្រុមបាល់ទាត់ជម្រើសជាតិកម្ពុជាចូលរួមប្រកួត
ក្រុមបាល់ទាត់ជម្រើសជាតិកម្ពុជា ទាំងបុរស និងនារី រួមទាំងយុវជន នឹងចូលរួមការប្រកួតពានរង្វាន់ធំៗចំនួន៩ ក្នុងឆ្នាំ២០២២ នេះ។
យោងតាមកម្មវិធីប្រកួតប្រចាំឆ្នាំរបស់សហព័ន្ធកីឡាបាល់ទាត់ទ្វីបអាស៊ី និងសហព័ន្ធកីឡាបាល់ទាត់អាស៊ីអាគ្នេយ៍ ឆ្នាំនេះជម្រើសជាតិកម្ពុជា នឹងចូលរួមការប្រកួតសំខាន់ដូចជា ជម្រើសជាតិកម្ពុជាឈុតធំ ត្រៀមចូលរួមប្រកួតពានរង្វាន់វគ្គជម្រុះជើងឯកទ្វីបអាស៊ី ជុំចុងក្រោយ ពីថ្ងៃទី០៨ ដល់ថ្ងៃទី១៤ ខែមិថុនា នៅប្រទេសឥណ្ឌា។ ខណៈនៅចុងឆ្នាំ នាខែធ្នូ ត្រូវចូលរួមប្រកួតពានរង្វាន់ជើងឯកប្រចាំតំបន់អាស៊ីអាគ្នេយ៍ ឬគេស្គាល់ថា AFF Suzuki Cup ដែលបច្ចុប្បន្នទើបតែប្ដូរឈ្មោះមកជា AFF Mitsubishi Electric Cup។
ដោយឡែកក្រុមជម្រើសជាតិនារីកម្ពុជា ឈុតធំ នឹងចូលរួមប្រកួតពានរង្វាន់ជើងឯកនារីប្រចាំតំបន់អាស៊ីអាគ្នេយ៍ (AFF Women’s Championship) ពីថ្ងៃទី០១-១៤ ខែកក្កដា។
ជាមួយគ្នានេះផងដែរ U-19 កម្ពុជា នឹងត្រូវចូលរួមប្រកួតពានរង្វាន់ជើងឯកយុវជនអាយុក្រោម ១៩ឆ្នាំ ប្រចាំតំបន់អាស៊ីអាគ្នេយ៍ (AFF U-19) ពីថ្ងៃទី០២-១៥ ខែកក្កដា ឆ្នាំ២០២២ ផងដែរ មុននឹងពួកគេបន្តការប្រកួតជម្រុះជើងឯកយុវជនអាស៊ី (AFC U-20 Asian Cup) នៅថ្ងៃទី១០-១៨ ខែកញ្ញា ឆ្នាំ២០២២។
ចំពោះក្រុម U-16 កម្ពុជា វិញ នឹងត្រូវចូលរួមប្រកួតពានរង្វាន់ជើងឯកយុវជនអាយុក្រោម ១៦ឆ្នាំ ប្រចាំតំបន់អាស៊ីអាគ្នេយ៍ (AFF U-16) ពីថ្ងៃទី៣១ ខែកក្កដា ដល់ថ្ងៃទី១៣ ខែសីហា ឆ្នាំ២០២២ ផងដែរ មុននឹងពួកគេបន្តការប្រកួតជម្រុះជើងឯកយុវជនអាស៊ី (AFC U-17 Asian Cup) នៅថ្ងៃទី០៧-១៥ ខែតុលា ឆ្នាំ២០២២។
លើសពីនេះទៅទៀត ក្រុមជម្រើសជាតិ U-18 នារីកម្ពុជា ក៏នឹងចូលរួមប្រកួតពានរង្វាន់ជើងឯកនារីអាយុក្រោម ១៩ឆ្នាំ ប្រចាំតំបន់អាស៊ីអាគ្នេយ៍ (AFF Women’s U-18) ពីថ្ងៃទី១៦-៣០ ខែកក្កដា ឆ្នាំ២០២២ ផងដែរ ស្របពេលដែល ក្រុមជម្រើសជាតិ U-15 នារីកម្ពុជា ក៏នឹងចូលរួមប្រកួតពានរង្វាន់ជើងឯកកុមារីអាយុក្រោម ១៥ឆ្នាំ ប្រចាំតំបន់អាស៊ីអាគ្នេយ៍ (AFF Girls U-15) ពីថ្ងៃទី១៥-២៩ ខែសីហា។
ជារៀងរាល់ឆ្នាំពានរង្វាន់ទាំងប្រចាំទ្វីបអាស៊ី និងប្រចាំតំបន់អាស៊ីអាគ្នេយ៍ តែងតែត្រូវបានរៀបចំធ្វើឡើងដើម្បីការប្រកួតប្រជែង ប៉ុន្តែកាលពីឆ្នាំកន្លងៗទៅដោយសារវិបត្តកូវីដ-១៩ ការប្រកួតមួយចំនួនត្រូវបានលុបចោល និងខ្លះទៀតត្រូវបានពន្យាពេល។ យ៉ាងណាមិញនៅឆ្នាំ២០២២ នេះ កម្មវិធីប្រកួតដែលធ្លាប់ត្រូវបានលុបចោល និងពន្យាពេលនោះត្រូវបានយកមកប្រកួតឡើងវិញ៕
អត្ថបទ៖ មន្នីរ័ត្ន
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ចរាចរណ៍១៩ ម៉ោង ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម