កីឡា
U-19 កម្ពុជា ប្រមូលផ្ដុំកីឡាករជិត ៦០នាក់ ធ្វើតេស្តដំណាក់កាលទី១ ត្រៀមប្រកួតពានយុវជនអាស៊ាន
សហព័ន្ធកីឡាបាល់ទាត់កម្ពុជា បានធ្វើការកោះហៅកីឡាករប្រមាណជិត៦០នាក់ មកពីក្លិបចំនួន១៨ នៅលីគកំពូលកម្ពុជា ក៏ដូចជាលីគទី២ ដើម្បីធ្វើតេស្តជ្រើសរើសចូលក្រុមជម្រើសជាតិកម្ពុជា អាយុក្រោម១៩ឆ្នាំ ត្រៀមលេងពានយុវជនអាស៊ីអាគ្នេយ៍អាយុក្រោម១៩ឆ្នាំ នៅខែកក្កដា ខាងមុខ។
យោងតាមបញ្ជីឈ្មោះកីឡាករប្រមាណជិត ៦០នាក់នោះមានមកពីក្លិបនៅលីគកំពូលកម្ពុជា ដូចជាអង្គរថាយហ្គឺរ, ភ្នំពេញក្រោន, បឹងកេត, វិសាខា, ណាហ្គាវើលដ៍, កងយោធពលខេមរភូមិន្ទ, គីរីវង់សុខសែនជ័យ។ ដោយឡែកកីឡាករមកពីលីគទី២ វិញរួមមានមកពីក្លិប ព្រៃវែង, អាស៊ីអឺរ៉ុបយូណាយធីត, កោះកុង, អគ្គិសនីកម្ពុជា, សូលទីឡូអង្គរ, នគរបាលជាតិ, បន្ទាយមានជ័យអែហ្វស៊ី, សៀមរាបអែហ្វស៊ី, អាយអេសអាយ ដង្កោរសែនជ័យ, ណិចស្តិបអែហ្វស៊ី និង U-18 សាលាបាល់ទាត់ជាតិបាទី។
បន្ទាប់ពីការធ្វើតេស្តនេះហើយ យុវជនទាំងនោះនឹងត្រូវមានការជម្រុះចេញមួយចំនួន ដើម្បីបន្តដំណាក់កាលទី២ មុននឹងការជ្រើសរើសចុងក្រោយ នៅអំឡុងចុងខែមិថុនា ខាងមុខនេះ។
គួរបញ្ជាក់ថា នេះជាការជ្រើសរើសកីឡាករដើម្បីត្រៀមលេងពានយុវជនអាស៊ីអាគ្នេយ៍អាយុក្រោម ១៩ឆ្នាំ (AFF U-19 Championship) ដែលគ្រោងធ្វើពីថ្ងៃទី០២ ដល់ថ្ងៃទី១៥ នៅខែកក្កដា ឆ្នាំ២០២២ នៅប្រទេសឥណ្ឌូនេស៊ី។
ការចូលរួមប្រកួតពានរង្វាន់ខាងលើក៏ជាត្រៀមចូលរួមប្រកួតពានរង្វាន់វគ្គជម្រុះជើងឯកយុវជនអាស៊ីអាយុក្រោម ២០ឆ្នាំ (AFC U-20 Asian Cup 2023 Qualifiers) សម្រាប់ឆ្នាំ២០២៣ ដូចគ្នា។ ជាក់ស្ដែង U-20 កម្ពុជា ស្ថិតនៅពូល I ជាមួយម្ចាស់ផ្ទះតាជីគីស្ថាន, លីបង់ និងសិង្ហបុរី។ ការប្រកួតគ្រោងនឹងធ្វើឡើងនៅទឹកដីកណ្ដាល ហើយចាប់ផ្ដើមប្រកួតពីថ្ងៃទី១០-១៨ ខែកញ្ញា ឆ្នាំ២០២២៕
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?