Connect with us

កីឡា

ព្រះខ័នរាជស្វាយរៀង បន្តកាន់កាប់កំពូលតារាង ក្រោយយកឈ្នះគីរីវង់ ក្នុងជំនួបសប្ដាហ៍ទី៨

បានផុស

នៅ

ក្លិបបាល់ទាត់ព្រះខ័នរាជស្វាយរៀងបានបន្តឈរកំពូលតារាងនៃខេមបូឌានព្រីមៀរលីគ ឆ្នាំ២០២២ ក្រោយយកឈ្នះ ក្លិបគីរីវង់សុខសែនជ័យ ១-៤ ក្នុងជំនួបសប្ដាហ៍ទី៨ នៃជុំទី២ នារសៀលថ្ងៃទី២៤ ខែមិថុនា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការយកឈ្នះ គីរីវង់សុខសែនជ័យ លើកីឡដ្ឋានគីរីវង់ ដែលទើបតែជួសជុលហើយថ្មីៗនេះ បើកការប្រកួតបានតែ ៤នាទី គីរីវង់ បានបង្កឱ្យមានកំហុសបង្កើតឱ្យមានបាល់ ១១ម៉ែត្រ ហើយកីឡាករកម្ពស់ខ្ពស់ Marcus Haber បានទាត់បានសម្រេចនៅនាទីទី៥។ ក្រោយគ្រាប់បាល់ទី១ កើតឡើងការប្រកួតកាន់តែមានភាពស្វិតស្វាញ ហើយរហូតដល់នាទី២៧ Marcus Haber ដដែលបានបន្ថែមគ្រាប់បាល់ទី២ ឱ្យព្រះខ័នរាជស្វាយរៀង នាំមុខ ២-០។ ចូលដល់នាទី៣៨ កីឡាកបរទេស ១រូបទៀត Clyde O’Connell បានរកគ្រាប់បាល់ទី៣ បានសម្រេច មិនទាន់អស់ចិត្តនៅនាទី៤៥+២ កីឡាករ ឡុង ភារ៉ាត បានបន្ថែមគ្រាប់បាល់ទី៤ ឱ្យព្រះខ័នរាជស្វាយរៀង នាំមុខម្ចាស់ផ្ទះគ គីរីវង់សុខសែនជ័យ ៤-០ នៅវគ្គទី១។

ចូលដល់វគ្គទី២ គីរីវង់ បានកែប្រែស្ថានការណ៍បានរហូតដល់អាចរកគ្រាប់បាល់បាន ១គ្រាប់មកវិញនៅនាទី៦២ ដោយកីឡាករ David Koum។ វគ្គទី២ នេះមានតែ ១គ្រាប់ប៉ុណ្ណោះ ហើយក៏បានរក្សាដល់ចប់ការប្រកួត ព្រះខ័នរាជស្វាយរៀង យកឈ្នះ គីរីវង់សុខសែនជ័យ ១-៤។

លទ្ធផលនេះ ធ្វើឱ្យ ព្រះខ័នរាជស្វាយរៀង បន្តឈរកំពូលតារាងនៃលីគកំពូលកម្ពុជា ឆ្នាំ២០២២  ត្រឹមសប្ដាហ៍ទី៨ ដោយបន្ថែមដល់ ២២ពិន្ទុ ដាច់ក្រុមលេខ២ ណាហ្គាវើលដ៍ ដែលបានយកឈ្នះ បឹងកេត ១-០ ក្នុងថ្ងៃជាមួយគ្នានេះ ដល់ទៅ ៨ពិន្ទុ៕

ដោយ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម