កីឡា

កីឡាការិនីព្រះខ័នរាជស្វាយរៀង ៧នាក់ ជាប់ឈ្មោះ U18 នារីកម្ពុជា ធ្វើតេស្តដំណាក់កាលទី១ ត្រៀមប្រកួតពានយុវនារីអាស៊ាន

បានផុស

២ years មុន

នៅ

ថ្ងៃសៅរ៍ ២ កក្កដា ២០២២

ដោយ

សហព័ន្ធកីឡាបាល់ទាត់កម្ពុជា បានធ្វើការកោះហៅកីឡាការិនីប្រមាណ ៤៥នាក់ មកពីក្លិបចំនួន ៨នៅលីគបាល់ទាត់នារីកម្ពុជ ដើម្បីធ្វើតេស្តជ្រើសរើសចូលក្រុមជម្រើសជាតិនារីកម្ពុជា អាយុក្រោម ១៨ឆ្នាំ ត្រៀមលេងពាននារីអាស៊ីអាគ្នេយ៍អាយុក្រោម ១៨ឆ្នាំ នៅខែកក្កដា ខាងមុខ។

យោងតាមបញ្ជីឈ្មោះកីឡាការិនី ៤៥នាក់នោះមានមកពីក្លិបនៅលីគកំពូលកម្ពុជា ដូចជា សៀមរាប (១៣នាក់), ព្រះខ័នរាជស្វាយរៀង (៧នាក់), ភ្នំពេញក្រោន (២នាក់), បឹងកេត (៥នាក់), វិសាខា (៨នាក់), ណាហ្គាវើលដ៍ (៥នាក់), បាត់ដំបង (៣នាក់) និងខេត្តកណ្ដាល ១នាក់។

កីឡាការិនីព្រះខ័នរាជស្វាយរៀង ទាំង ៧នាក់នោះរួមមាន វ៉ុន ស្រីនូ, មុត ម្លិះ, អឿន រ៉ាធីម, ខុំ លី, មុត រ៉ាត់, ថាង ចាន់ថន និង ឈិត សាភឿន។

ការធ្វើតេស្តនេះ នឹងធ្វើឡើងពីថ្ងៃទី០៦ ខែកក្កដា ខាងមុខតទៅ នៅមជ្ឈមណ្ឌលសាលាបាល់ទាត់ជាតិបាទី ខេត្តតាកែវ។

គួរបញ្ជាក់ថា នេះជាការជ្រើសរើសកីឡាការិនីដើម្បីត្រៀមលេងពានបាល់ទាត់នារីអាស៊ីអាគ្នេយ៍អាយុក្រោម ១៨ឆ្នាំ (AFF U-18 Women’s Championship) ដែលគ្រោងធ្វើពីថ្ងៃទី២២ នៅខែកក្កដា ដល់ថ្ងៃទី០៤ ខែសីហា ឆ្នាំ២០២២ នៅប្រទេសឥណ្ឌូនេស៊ី។ U18 នារីកម្ពុជា ស្ថិតនៅពូល A ជាមួយ វៀតណាម, ថៃ, សិង្ហបុរី និងឥណ្ឌូនេស៊ី៕

អត្ថបទ ៖ មន្នីរ័ត្ន