កីឡា

លោក Conor គិតថា ចំនុចនេះជួយឲ្យក្រុមលោកមិនទាន់ស្គាល់ចាញ់នៅលីគ២០២២

បានផុស

៤ years មុន

នៅ

ថ្ងៃអង្គារ ១២ កក្កដា ២០២២

ដោយ

ព្រះខ័នរាជស្វាយរៀងកាន់តែនាំពិន្ទុដាច់ឆ្ងាយលើគូប្រជែង បន្ទាប់ពីឆ្លងកាត់១០សប្តាហ៍មិនទាន់ស្គាល់បរាជ័យសោះក្នុងការប្រកួតជម្រើសជើងឯកខេមបូឌានព្រីមៀរលីគរដូវកាល២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីសប្តាហ៍ទី១០ ព្រះខ័នរាជស្វាយរៀងបានធ្វើដំណើរទៅយកបាន៣ពិន្ទុពេញនៅផ្ទះរបស់បឹងកេតតាមរយៈជ័យជម្នះចុងម៉ោង ០-១ កាលពីល្ងាចថ្ងៃទី០៩ ខែកក្កដា ឆ្នាំ២០២២។ គិតត្រឹមសប្តាហ៍ទី១០ ព្រះខ័នរាជស្វាយរៀងឈរលើកំពូលតារាងជាមួយនឹង២៨ពិន្ទុ ដាច់ឆ្ងាយ១២ពិន្ទុលើគូប្រជែងបឹងកេត និង វិសាខា ដែលមាន១៦ពិន្ទុដូចគ្នា ខណៈណាហ្គាវើលដ៍មាន១៥ពិន្ទុ។

នៅពេលក្រុមការងារ«កម្ពុជាថ្មី»បានចោទសួរថា តើការរៀបចំក្រុមសម្រាប់រដូវកាល២០២២ ជាពិសេសនៅជុំទី២នេះបានល្អជាងមុនៗឬយ៉ាងណា? លោក Conor Nester គ្រូបង្វឹកព្រះខ័នរាជស្វាយរៀងបានឆ្លើយតបថា ៖«ខ្ញុំគិតថា យើងមានតំបន់ការពាររឹងមាំល្អណាស់ ពីព្រោះឥឡូវនេះ កីឡាករបានលេងជាមួយគ្នាកាន់តែច្រើន។ យើងខ្ញុំពិតជាសប្បាយរីករាយចំពោះវឌ្ឍនភាពដ៏ល្អរបស់ពួកយើង»។

សម្រាប់ជុំទី២នៃខេមបូឌានព្រីមៀរលីគនេះ ព្រះខ័នរាជស្វាយរៀងបានឆ្លងកាត់ក្លឹបខ្លាំងគឺភ្នំពេញក្រោន បឹងកេត គិរីវង់សុខសែនជ័យ ហើយសុទ្ធតែទទួលបានពិន្ទុពេញ ខណៈនៅសល់៤ប្រកួតទៀតគឺត្រូវជួប ក្រសួងការពារជាតិ វិសាខា ណាហ្គាវើលដ៍ និងអង្គរថៃហ្គឺរ៕

អត្ថបទ៖ វីរបុត្រ

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា