កីឡា

៤ ឆ្នាំមុន ជម្រើសជាតិនារីកម្ពុជា ឈ្នះ ទីម័រខាងកើត ១២-០ ខណៈល្ងាចនេះត្រូវតតាំងគ្នាម្ដងទៀត

បានផុស

២ years មុន

នៅ

ថ្ងៃពុធ ១៣ កក្កដា ២០២២

ដោយ

ក្រុមបាល់ទាត់នារីជម្រើសជាតិកម្ពុជា នឹងបន្តការប្រកួតចុងក្រោយរបស់ខ្លួន ក្នុងការប្រកួតពានរង្វាន់ AFF WOMEN’S CHAMPIONSHIP 2022 វេលាម៉ោង ៦ ល្ងាច ថ្ងៃទី ១៣ ខែកក្កដានេះ នៅកីឡដ្ឋាន IMUS GRANDSTAND ក្នុងប្រទេសហ្វីលីពីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមទាំងពីរបានអស់ឱកាសដូចគ្នាក្នុងការឡើងទៅវគ្គបន្ត ប៉ុន្តែនេះជាការប្រកួតដើម្បីដណ្ដើមពិន្ទុឈរលេខ ៣ ក្នុងពូល។ ខណៈបើនិយាយពីប្រវត្តិជួបគ្នាវិញ កម្ពុជា ធ្លាប់ជួប ទីម័រខាងកើត ម្ដងកាលពីឆ្នាំ ២០១៨ ជាលទ្ធផលកម្ពុជា បានយកឈ្នះ ទីម័រខាងកើត ១២-០។

ជុំវិញបទពិសោធន៍ក្នុងពានរង្វាន់នេះវិញ ទីម័រខាងកើត ហាក់មានបទពិសោធន៍ច្រើនជាងកម្ពុជាបន្តិច ដោយបានចូលរួមតាំងពីឆ្នាំ ២០១៦ រីឯកម្ពុជា ទើបតែចូលរួមនៅឆ្នាំ២០១៨។ ស្ថានភាពបច្ចុប្បន្នវិញ ទីម័រខាងកើត ប្រកួតបាន ៣ ប្រកួត ហើយបានរងបរាជ័យទាំង ៣ ប្រកួតរួមមានចាញ់មីយ៉ាន់ម៉ា ៧-០, ចាញ់ឡាវ ២-០ និងចាញ់វៀតណាម ០-៦ ខណៈកម្ពុជាវិញ ប្រកួតបាន ៣ ប្រកួតស្មើជាមួយឡាវ ១-១, ចាញ់វៀតណាម ៣-០ និងចាញ់មីយ៉ាន់ម៉ា ៣-០៕

អត្ថបទ៖ មន្នីរ័ត្ន