កីឡា

កំណត់ត្រា៣របស់ក្រុមនារីកម្ពុជាលើឆាកអន្តរជាតិ

បានផុស

១ ខែ មុន

នៅ

ថ្ងៃសុក្រ ៦ ធ្នូ ២០២៤

ដោយ

ក្រុមបាល់ទាត់នារីជម្រើសជាតិកម្ពុជាទទួលបានចំណាត់ថ្នាក់លេខ២ពានរង្វាន់ ASEAN Women’s Cup ឆ្នាំ២០២៤ បន្ទាប់ពីបានចាញ់ ក្រុមនារីឥណ្ឌូណេស៊ី ដោយលទ្ធផល ១-៣ នៅវគ្គផ្តាច់ព្រ័ត្រ យប់ថ្ងៃទី៥ ខែធ្នូ ឆ្នាំ២០២៤ នៅប្រទេសឡាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់នារីកម្ពុជាធ្វើបានយ៉ាងល្អឥតខ្ចោះចាប់តាំងពីវគ្គសន្សំពិន្ទុក្នុងពូលរហូតដល់វគ្គផ្តាច់ព្រ័ត្រ។ នៅវគ្គសន្សំពិន្ទុក្នុងពូល ក្រុមនារីកម្ពុជាបានឈ្នះម៉ាឡេស៊ី ២-០ និងស្មើ ឥណ្ឌូណេស៊ី ០-០ រកបាន៤ពិន្ទុ ឈរលើកំពូលតារាងពូល A ដើម្បីផ្លងផុតវគ្គជម្រុះក្នុងពូល។

នៅវគ្គពាក់កណ្តាលផ្តាច់ព្រ័ត្រ ក្រុមនារីកម្ពុជាបានឈ្នះ ទីម័រខាងកើត ដោយលទ្ធផល ៣-០ ដើម្បីបន្តដំណើរទៅដល់វគ្គផ្តាច់ព្រ័ត្រដែលជួបឥណ្ឌូណេស៊ីជាថ្មី បានចាញ់ដោយលទ្ធផល ១-៣ ដើម្បីទទួលបានចំណាត់ថ្នាក់លេខ២។ តាមរយៈការទទួលបានចំណាត់ថ្នាក់លេខ២នេះ ក្រុមនារីកម្ពុជាទទួលបានកៅអីឡើងទៅប្រកួតពានរង្វាន់កម្រិតទី១ ASEAN Women’s Championship ឆ្នាំ២០២៥។

ក្រុមនារីឡើងទៅពានរង្វាន់ ASEAN Women’s Championship 2025

លេខ១៖ ក្រុមនារីឥណ្ឌូណេស៊ី
លេខ២៖ ក្រុមនារីកម្ពុជា
លេខ៣៖ ក្រុមនារីសិង្ហបុរី

តាមរយៈសមិទ្ធផលនេះ ក្រុមបាល់ទាត់នារីកម្ពុជាបានបង្កើតកំណត់ត្រា៣យ៉ាងលើឆាកអន្តរជាតិ។

ឡើងវគ្គពាក់កណ្តាលផ្តាច់ព្រ័ត្រ កីឡាស៊ីហ្គេម លើកដំបូង ឆ្នាំ២០២៣
ឡើងវគ្គពាក់កណ្តាលផ្តាច់ព្រ័ត្រ ពាន ASEAN Women’s Cup ឆ្នាំ២០២៤ លើកដំបូង
ឡើងវគ្គផ្តាច់ព្រ័ត្រ ពាន ASEAN Women’s Cup ឆ្នាំ២០២៤ លើកដំបូង ដោយទទួលបានចំណាត់ថ្នាក់លេខ២

កន្លងមក ក្រុមបាល់ទាត់បុរសកម្ពុជាធ្លាប់ទទួលបានពានរង្វាន់ក្នុងវគ្គជម្រុះ AFF Championship កាលពីឆ្នាំ២០១៦ដោយបានយកឈ្នះ ឡាវ ដោយលទ្ធផល ២-១, ឈ្នះ ព្រុយណេ ដោយលទ្ធផល ៣-០ និងឈ្នះ ទីម័រខាងកើត ដោយលទ្ធផល ៣-២ ដើម្បីទទួល បានកៅអីឡើងជុំចុងក្រោយ 2016 AFF Championship និងក្រុម U23 កម្ពុជាធ្លាប់ឡើងវគ្គពាក់កណ្តាលផ្តាច់ព្រ័ត្រកីឡាស៊ីហ្គេម ឆ្នាំ២០១៩៕

អត្ថបទ៖ វីរបុត្រ