កីឡា

គ្រូបង្វឹក U-18 នារីកម្ពុជាពាន AFF U-18 Women’s ៖ ខ្ញុំដឹងថាការប្រកួតប្រជែងនឹងមានភាពតានតឹង

បានផុស

៤ years មុន

នៅ

ថ្ងៃសុក្រ ២២ កក្កដា ២០២២

ដោយ

ពានរង្វាន់បាល់ទាត់នារីអាស៊ានអាយុក្រោម ១៨ ឆ្នាំ (AFF Under-18 Women’s Championship 2022) នឹងចាប់ផ្តើមនៅថ្ងៃនេះ ជាមួយនឹងក្តីសង្ឃឹមក្នុងការឆ្លាក់អនាគតថ្មីសម្រាប់បាល់ទាត់នារីក្នុងតំបន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីព្រឹត្តិការណ៍ AFF Women’s Championship 2022 កាលពីសប្តាហ៍មុននៅទីក្រុងម៉ានីល ដែលធ្វើនៅហ្វីលីពីនបានបញ្ចប់ដោយរកឃើញម្ចាស់ជើងឯកថ្មីបន្ទាប់ពីដដែលអស់រយៈកាលច្រើនឆ្នាំ នៅពេលនេះដល់ពេលដែលពន្លកនារីថ្មីឈានជើងចូលមកប្រកួតម្ដង។

U-18 នារីកម្ពុជា ដែលស្ថិតនៅពូល A ជាមួយក្រុមខ្លាំងៗម្ចាស់ផ្ទះឥណ្ឌូនេស៊ី, វៀតណាម, ថៃ និងសិង្ហបុរី នឹងបើកទំព័រប្រកួតរបស់ខ្លួននៅថ្ងៃនេះផងដែរ ដោយត្រូវប៉ះ U-18 នារីថៃ។

មុនការប្រកួតមកដល់គ្រូ U-18 នារីកម្ពុជា ក៏ដូចជាគ្រូ U-18 នារីថៃ បានលើកឡើងផ្សេងពីគ្នាក្នុងសន្និសិទសារព័ត៌មាន។

លោក ទុំ សារ៉ាយ គ្រូបង្វឹកក្រុមជម្រើសជាតិនារីអាយុក្រោម ១៨ ឆ្នាំកម្ពុជា បានបញ្ជាក់ថា៖ «វាល្អសម្រាប់កីឡាការិនីក្មេងៗដែលពួកគេទទួលបានឱកាសនេះដើម្បីលេង។ ក្នុងក្រុមអាយុនេះ វាជារឿងសំខាន់ដែលពួកគេបានបង្ហាញទេពកោសល្យ និងសមត្ថភាពរបស់ពួកគេ។ ប៉ុន្តែ ទោះបីជាបែបណាក៏ដោយ ខ្ញុំដឹងថាការប្រកួតប្រជែងនឹងមានភាពតានតឹង»។

ជំនួយការគ្រូបង្វឹកថៃ Sawin Jaraspetchranan បានិយាយថា៖ «វាមានសារៈសំខាន់សម្រាប់ពួកយើងក្នុងការលេងក្នុងការប្រកួតកម្រិតខ្ពស់នេះ ដើម្បីវាស់ស្ទង់កម្រិតរបស់យើង និងស្តង់ដារ និងគុណភាពរបស់កីឡាការិនីរបស់យើង យើងនឹងមើលពីរបៀបដែលកីឡាការិនីថ្មីទាំងនេះលេង។»

បញ្ជាក់ថា ការប្រកួតរវាងU-18 នារីកម្ពុជា ជាមួយ U-18 នារីថៃ នឹងធ្វើឡើងនៅវេលាម៉ោង ៣:៣០នាទីរសៀល នាកីឡដ្ឋាន GELORA SRIWIJAYA ខេត្តប៉ាឡាំបាង ប្រទេសឥណ្ឌូណេស៊ី។ ការប្រកួតពុំមានការផ្សាយបន្តផ្ទាល់ឡើយដោយសារម្ចាស់ផ្ទះសម្រេចផ្សាយផ្ទាល់តែការប្រកួតរបស់ U-18 ឥណ្ឌូនេស៊ី៕

អត្ថបទ៖ មន្នីរ័ត្ន

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា