Connect with us

កីឡា

នេះ​​​សំដី​​គ្រូ​ណាហ្គាវើលដ៍​ និង​​​ព្រះ​ខ័ន​​រាជ​​ស្វាយ​​រៀង​ មុន​​ប៉ះ​​គ្នា​​រសៀល​នេះ​

បានផុស

នៅ

លោក ឃីម បូរី គ្រូ​បង្គោល​​ណាហ្គាវើលដ៍ និង​លោក Conor Nester គ្រូ​បង្គោល​ព្រះ​ខ័ន​រាជ​ស្វាយរៀង​​មាន​ចំណាប់​អារម្មណ៍​​រៀង​ៗ​ខ្លួន​ជុំ​វិញ​​ការ​ប៉ះ​គ្នា​​នៅ​​​កីឡដ្ឋាន RSN  វេលា​ម៉ោង​៣:៤៥​នាទី​រសៀល ថ្ងៃ​សៅរ៍​នេះ​ ក្នុង​សប្តាហ៍​ទី​១២​ ​ជម្រើស​ជើង​ឯក​ខេមបូឌានព្រីមៀរលីគ រដូវ​កាល២០២២។

លោក ឃីម បូរី និង​លោក Conor Nester
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«នេះ​ជា​ការ​ប្រកួត​ដ៏​លំបាក​មួយ ដោយ​សារ​ព្រះ​ខ័ន​រាជ​ស្វាយរៀង​ល្អ​មិន​ទាន់​​ចាញ់​ម្តង​ណា​ឡើយ​នៅ​រដូវ​កាល​នេះ។ ស្វាយរៀង​​ពិបាក​រក​គ្រាប់​បាល់​ពេល​អវត្តមាន​កីឡាករ Emmanuel Mbarga ប៉ុន្តែ​​ឥឡូវ​​កីឡាករ​រូប​នេះ​​ចូល​ហ្វឹក​ហាត់​វិញ​ហើយ ដូច្នេះ​អាច​​ធ្វើ​ឲ្យ​​ស្វាយរៀង​​ល្អ​ប្រសើរ»។ លោក ឃីម បូរី បាន​លើក​ឡើង​។

លោក​គ្រូ​បង្វឹក​រូប​នេះ​សង្ឃឹម​​លើ​កូន​ក្រុម​របស់​លោក​នឹង​ធ្វើ​បាន​ល្អ​ដូច​កាល​​ជើង​ទី​១ ស្រប​ពេល​​ប៉ុន្មាន​ប្រកួត​ចុង​ក្រោយ​​​ធ្វើ​បាន​ល្អ។ ចំពោះ សមាជិក​ក្រុម​វិញ ​Eliel da Cruz វិល​ត្រឡប់​មក​វិញ​ហើយ ប៉ុន្តែ​នៅ​មាន​កីឡាករ​ពីរ​នាក់​ជាប់​ពិន័យ។

ចំណែក​​លោក Conor Nester គ្រូ​បង្វឹក​ព្រះ​ខ័ន​រាជ​ស្វាយរៀង​​ចាត់​ការប្រកួត​ជា​មួយ​ណាហ្គាវើលដ៍​ជា​ជំនួប​ដ៏​លំបាក​ខ្លាំង។ លោក​​លើក​ឡើង​ថា ៖«វា​ជា​ការ​ប្រកួត​ដ៏​លំបាក​ខ្លាំង​សម្រាប់​ពួក​យើង​ ពី​ព្រោះ​ណាហ្គាវើលដ៍​ទទួល​បាន​លទ្ធផល​​ល្អ​ជា​ច្រើន​​ពី​ការ​ប្រកួត​ធំ​ៗ​នៅ​ក្នុង​រដូវ​កាល​នេះ»។

«​ខ្ញុំ​គិត​ថា មាន​ហេតុ​ផល​ចម្បង​មួយ​ដែល​ធ្វើ​ឲ្យ​ណាហ្គាវើលដ៍​ក្លាយ​ជា​ក្រុម​ពិបាក​យក​ឈ្នះ​គឺ​តំបន់​បម្រើ​កណ្តាល​របស់​ពួក​គេ​ល្អ​ដែលមាន គួច សុកុម្ភៈ, គួច ដានី និង សុះ សូហាណា។ កីឡាករ​ទាំង​៣​នាក់​នេះ​អាច​គ្រប់​គ្រង​ការ​ប្រកួត​បាន​យ៉ាង​ល្អ ហើយ​អាច​ធ្វើ​ឲ្យ​យើង​​គ្រោះ​ថ្នាក់​នៅ​ពេល​ពួកគេវាយ​បក»។ គ្រូ​បង្វឹក​សញ្ជាតិ​អៀរឡង់​រូប​នេះ​បាន​បញ្ជាក់។

នេះ​ជា​ជំនួប​រវាង​​ក្រុម​​កំពូល​តារាង​​​ជា​មួយ​ក្រុម​​ចំណាត់​ថ្នាក់​លេខ​៣ បន្ទាប់​ពី​១១​សប្តាហ៍​កន្លង​ទៅ​ព្រះ​ខ័ន​រាជ​ស្វាយរៀង ឈ្នះ​៩​ប្រកួត និង​ស្មើ​២​ប្រកួត​ពោល​គឺ​មិន​ទាន់​ស្គាល់​បរាជ័យ​ឡើយ​​ក្នុង​រដូវ​កាល​នេះ ខណៈ​ណាហ្គាវើលដ៍​ឈ្នះ​៥​ប្រកួត ស្មើ​៣​ប្រកួត និង​ចាញ់​៣​ប្រកួត។

កាល​ពី​ជើង​ទី​១ នៅ​ក្នុង​រដូវ​កាល​នេះ  ណាហ្គាវើលដ៍ និង ព្រះ​ខ័ន​រាជ​ស្វាយរៀង បាន​ត្រឹម​ស្មើ​គ្នា ​១-១ នៅ​​ទឹក​ដី​ស្វាយរៀង។ ជួប​គ្នា​៥​លើក​ចុង​ក្រោយ ណាហ្គាវើលដ៍​មិន​ដែល​ឈ្នះ​ព្រះ​ខ័ន​រាជ​ស្វាយរៀង​ឡើយ​ពោល​គឺ​ចាញ់​៤ និង​ស្មើ​១៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៧ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣០ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤៤ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៨ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម