កីឡា
សិង្ហបុរី គ្រោងនឹងផ្តល់គ្រូបង្វឹកបង្ហាត់កីឡាបាល់គប់ទឹកដល់កម្ពុជាសម្រាប់ត្រៀមស៊ីហ្គេមឆ្នាំ២០២៣
សិង្ហបុរី បានសន្យាថា នឹងជួយគាំទ្របច្ចេកទេស និងបញ្ជូនគ្រូបង្វឹកកីឡាបាល់គប់ទឹក(Water Polo) មកដល់កីឡាករកម្ពុជា សម្រាប់ត្រៀមស៊ីហ្គេមឆ្នាំ២០២៣ ខាងមុខ។ ការសន្យានេះ ធ្វើឡើងនៅក្នុងជំនួបរវាងលោក ទិត ចន្ថា រដ្ឋមន្ត្រីស្ដីទីក្រសួងទេសចរណ៍ និងលោក ថុង អេដវីន រដ្ឋមន្ត្រីក្រសួងវប្បធម៌ សហគមន៍ និងយុវជនសិង្ហបុរី កាលពីថ្ងៃទី២៦ ខែកក្កដា ឆ្នាំ២០២២ ម្សិលមិញនេះ នៅទីស្តីការក្រសួងទេសចរណ៍។
លោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជាបានអះអាងឲ្យដឹងនៅក្រោយជំនួបនេះថា ដោយសារតែសិង្ហបុរីមានកម្រិតបច្ចេកទេសល្អ និងមានឧត្តមភាពក្នុងតំបន់ ដូច្នេះ ភាគីសិង្ហបុរី បានសន្យាថាជួយបង្កើនការបង្វឹក ជួយបង្កើនគុណភាពកីឡាបាល់គប់ក្នុងទឹក (Water Polo) និងជួយបណ្ដុះបណ្ដាលផ្នែកកីឡាបាល់ទាត់លើក្ដារ (Teqball) ដល់កម្ពុជា ដើម្បីដាក់បញ្ចូលក្នុងកម្មវិធីកីឡាសម្ដែង តែមិនមែនជាកីឡាប្រកួតទេ។
ម្យ៉ាងវិញទៀតកន្លងមក សហព័ន្ធកីឡាហែលទឹកកម្ពុជា ក៏បានរៀបចំក្រុមកីឡាករ ដើម្បីត្រៀមចូលរួមហ្វឹកហាត់ជាមួយគ្រូជំនាញដែលបានបញ្ជូនមកពីសិង្ហបុរី និងបញ្ជូនមកពេលក្រោយៗទៀត។ លោកបានបន្តថា ចំពោះការជួយគាំទ្រពីភាគីសិង្ហបុរីនេះ គឺពិតជាមានសារៈសំខាន់ណាស់សម្រាប់កីឡាករកម្ពុជា ក្នុងការត្រៀមខ្លួនចូលរួមប្រកួតក្នុងព្រឹត្តិការណ៍កីឡាស៊ីហ្គេម ឆ្នាំ២០២៣។
សូមរំលឹកថា កិច្ចសហប្រតិបត្តិការ ការគាំទ្រ និងជួយគ្នាទៅវិញទៅមក្រវាងកម្ពុជា និងសិង្ហបុរីខាងលើនេះ គឺធ្វើឡើងតាមរយៈការចុះអនុស្សរណៈនៃការយោគយល់គ្នា (MoU) រវាងគណៈកម្មាធិការជាតិអូឡាំពិកកម្ពុជាជាមួយគណៈកម្មាធិការជាតិអូឡាំពិកសិង្ហបុរី នៅឆ្នាំ២០១៧ ដើម្បីជួយគ្នាទៅវិញទៅមកលើផ្នែកបច្ចេកទេស និងជំនាញ កីឡាផ្សេងទៀត៕
ដោយ៖ ឌីន ថារី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)