កីឡា
ព្រះខ័នរាជស្វាយរៀង ឈ្នះអង្គរថាយហ្គឺរ ដោយកក់ក្ដៅ ៤-០ បន្តកាន់កាប់កំពូលតារាង ១៣សប្ដាហ៍ជាប់ៗគ្នា
ក្លិបបាល់ទាត់ព្រះខ័នរាជស្វាយរៀង បន្តជ័យជម្នះក្នុងពានរង្វាន់ខេមបូឌានព្រីមៀរលីគ ឆ្នាំ២០២២ ក្រោយយកឈ្នះអង្គរថាយហ្គឺរ ០-៤ ក្នុងជំនួបសប្ដាហ៍ទី១៣ នៃជុំទី២ នាល្ងាចថ្ងៃទី៣០ ខែកក្កដា ឆ្នាំ២០២២។
ការប្រកួតដែលចាប់ផ្ដើមនៅវេលាម៉ោង ៣:៤៥នាទីរសៀល ព្រះខ័នរាជស្វាយរៀង បានបង្ហាញទម្រង់លេងដ៏ល្អ ដោយចាប់ផ្ដើមបានតែ ៧នាទីក៏អាចរកគ្រាប់បាល់បានជាការទែតចូលទីដោយកីឡាករកម្ពស់ខ្ពស់ និងជាអ្នកទាត់បញ្ចូលទីបានច្រើនជាងគេសម្រាប់ក្រុម គឺកីឡាករ Marcus Haber។ លទ្ធផល ០-១ ក៏បានរក្សាដល់ចប់វគ្គទី១។
ចូលដល់វគ្គទី២ អង្គរថាយហ្គឺរ ដែលជាម្ចាស់ផ្ទះបានព្យាយាមដាក់សម្ទុះកាន់តែខ្លាំង ដើម្បីរកគ្រាប់បាល់តាមស្មើ យ៉ាងណាមិញមិនអាចធ្វើបានសម្រេចឡើយ។ ព្រះខ័នរាជស្វាយរៀង ដែលព្យាយាមលេងជាមួយនឹងទំនុកចិត្ត បានរកគ្រាប់បាល់ទី២ បានសម្រេចនៅនាទី៦៧ ដោយកីឡាករ Victor Blasco។ ជិតចប់ការប្រកួតទៅហើយ កីឡាករវ័យក្មេង មិន រតនៈ បានបន្ថែមគ្រាប់ទី៣ ឱ្យព្រះខ័នរាជស្វាយរៀង នៅនាទី៩០+១។ មិនទាន់អស់ចិត្ត កីឡាករ ប្រាក់ មុន្នីឧត្តម បានរកគ្រាប់បាល់ទី៤ បានសម្រេចបន្ទាប់ពីជាពីរបួស ហើយបានរក្សាលទ្ធផល ០-៤ នេះដល់ចប់ការប្រកួត។
ព្រះខ័នរាជស្វាយរៀង កាន់កាប់កំពូលតារាងនៃលីគកំពូលកម្ពុជា ឆ្នាំ២០២២ ត្រឹមសប្ដាហ៍ទី១៣ ដោយបន្ថែមដល់ ៣៥ពិន្ទុ។
ដោយឡែកប្រកួតដែលមានផ្សាយផ្ទាល់នៅលើហ្វេសប៊ុក ‘កម្ពុជាថ្មី’ គីរីវង់សុខសែនជ័យ វិញបានរងបរាជ័យក្រោមថ្វីជើងបឹងកេត ដោយលទ្ធផល ០-៤។ វគ្គទី១ បឹងកេត នាំមុខ គីរីវង់ ០-១ លុះចូលដល់វគ្គទី២ បឹងកេត បន្ថែម ៣គ្រាប់បន្ថែមទៀត៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ