កីឡា
កម្ពុជាធ្វើម្ចាស់ផ្ទះស៊ីហ្គេម២០២៣គឺដើម្បីប្រជាពលរដ្ឋសប្បាយចិត្ត និងកេរ្តិ៍ឈ្មោះលើឆាកអន្តរជាតិ
គោលបំណងសំខាន់របស់ប្រទេសកម្ពុជាដែលទទួលរៀបចំធ្វើម្ចាស់ផ្ទះព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ គឺមិនមែនដើម្បីឈ្នះមេដាយលើកំពូលតារាង ឬក៏ក្លាយជាជើងឯកនៅតំបន់អាស៊ានឡើយ ប៉ុន្តែគឺដើម្បីប្រជាជនកម្ពុជាសប្បាយរីករាយ ហើយអ្នកចូលរួមទាំងអស់ពោរពេញដោយស្នាមញញឹម។
ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា និងជាអគ្គលេខាធិការនៃគណៈកម្មាធិការជាតិរៀបចំការប្រកួតកីឡាស៊ីហ្គេម ឆ្នាំ២០២៣ មានប្រសាសន៍ក្នុងពិធីបិទវគ្គបណ្តុះបណ្តាលគ្រូបង្វឹកកីឡាវាយកូនបាល់ ITF/OS កម្រិតដំបូង និងមធ្យមដែលគ្រូបង្វឹកមកពី៥ប្រទេស កាលពីថ្ងៃទី១២ ខែសីហា ឆ្នាំ២០២២ថា ចំណុចនេះពិតជាសំខាន់ខ្លាំងណាស់សម្រាប់កម្ពុជាជាម្ចាស់ផ្ទះ។ កម្ពុជាមិនមែនទទួលធ្វើម្ចាស់ផ្ទះដើម្បីឈ្នះជើងឯក ឬមេដាយច្រើនជាងគេនោះទេ ប៉ុន្តែធ្វើម្ចាស់ផ្ទះដើម្បីអ្នកចូលរួមទាំងអស់សប្បាយរីករាយ។ នេះហើយជាគោលបំណងរបស់កម្ពុជាទទួលធ្វើម្ចាស់ផ្ទះស៊ីហ្គេម ឆ្នាំក្រោយ។
ឯកឧត្តមបានសង្កត់ធ្ងន់ថា អ្វីដែលសំខាន់ទៀតនោះគឺដើម្បីកេរ្តិ៍ឈ្មោះរបស់កម្ពុជាលើឆាកអន្តរជាតិ។ ពេលរៀបចំការប្រកួតដោយរលូន ជោគជ័យទាំងអស់គ្នា អ្នកចូលរួមទាំងជាតិ និងអន្តរជាតិសប្បាយរីកតាមរយៈបដិសណ្ឋារកិច្ចដ៏ល្អប្រពៃណីរបស់កម្ពុជា ដូច្នេះកេរ្តិ៍ឈ្មោះរបស់កម្ពុជាល្បីទៅលើឆាកអន្តរជាតិ។
ឯកឧត្តមអគ្គលេខាធិការបានបន្ថែមថា កីឡារបស់កម្ពុជាទើបតែងើបឡើងនៅពេលនេះ និងងើបឡើងចំពេលដែលទទួលសិទ្ធិរៀបចំធ្វើម្ចាស់ផ្ទះ។ កីឡាកម្ពុជាក៏មិនទាន់ឈានដល់កម្រិតក្នុងតំបន់នៅឡើយ។ កីឡារបស់កម្ពុជានៅមានកម្រិតទាបជាងប្រទេសផ្សេងទៀតរាប់ទាំងតំបន់អាស៊ានផង។ កីឡាកម្ពុជាមិនទាន់អាចប្រកួតប្រជែងកម្រិតខ្លាំងជាមួយប្រទេសផ្សេងៗទេ។
បន្ទាប់ពីចប់ស៊ីហ្គេម ឆ្នាំ២០២៣ កម្ពុជាបានទទួលភារកិច្ចធំមួយទៀតគឺធ្វើម្ចាស់ផ្ទះកីឡាយុវជនអាស៊ី (Asian Youth Games) នាឆ្នាំ២០២៩ដែលជាការរៀបចំព្រឹត្តិការណ៍កីឡាកម្រិតអាស៊ី៕
អត្ថបទ៖ វីរបុត្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង