កីឡា
គ្រូបង្វឹកបង់ក្លាដែស ដាក់គោលដៅឈ្នះលើកដំបូង រួមទាំង ជំនួបមិត្តភាពជាមួយកម្ពុជា
លោក Javier Cabrera គ្រូបង្វឹកក្រុមបាល់ទាត់ជម្រើសជាតិបង់ក្លាដែស កាលពីសប្តាហ៍មុន បានប្រកាសជ្រើសរើសសមាជិកចំនួន ២៧នាក់សម្រាប់ការប្រកួតមិត្តភាពនាពេលខាងមុខជាមួយនឹងជម្រើសជាតិកម្ពុជា និងបន្ទាប់មកជម្រើសជាតិនេប៉ាល់ នៅថ្ងៃទី២២ និង២៧ ខែកញ្ញា។
លោក Cabrera បានកោះហៅកីឡាករច្រើនជាងគេមកពីក្លិបជើងឯកលីគកំពូលបង់ក្លាដែស (Bashundhara Kings) រហូតដល់ ១២នាក់ ខណៈមានកីឡាករមួយចំនួនដែលខកខានមិនបានកោះហៅលើកចុងក្រោយ ត្រូវបានកោះហៅជាថ្មីឡើងវិញផងដែរ។ យ៉ាងណាមិញ កីឡាករ Nabib Newaz Jibon ដែលជាខ្សែប្រយុទ្ធកំពូលម្នាក់របស់ក្រុមជម្រើសជាតិ និងអ្នកចាំទីជើងចាស់ Sahidul Alam Sohel មិនមានឈ្មោះក្នុងក្រុមរបស់ Cabrera ទេ។
Jibon ដែលជាអ្នកស៊ុតបញ្ចូលទីច្រើនជាងគេក្នុងចំណោមកីឡាករក្នុងស្រុក ដោយការស៊ុតបញ្ចូលទីបាន ៥គ្រាប់ នៅក្នុងក្របខណ្ឌលីគកំពូលបង់ក្លាដែស BPL មិនមាននៅក្នុងបញ្ជីនោះទេ ដោយសារទម្រង់លេងរបស់គេមិនស៊ីគ្នានឹងទម្រង់របស់លោក Cabrera ។
ការប្រកួតមិត្តភាពនេះ ក៏នឹងក្លាយជាឱកាសចុងក្រោយសម្រាប់បង់ក្លាដែស ក្នុងការបញ្ចប់ភាពមិនដែលឈ្នះរបស់ខ្លួនក្រោមការដឹកនាំរបស់លោក Cabrera ដោយសារតែបង់ក្លាដែស មិនមានការប្រកួតអន្តរជាតិទៀតទេនៅឆ្នាំនេះ។ មកទល់ពេលនេះ បង់ក្លាដែសបានលេងចំនួន ៦ប្រកួត រួមទាំងការប្រកួតមិត្តភាពចំនួន៣ ពានផ្លូវការចំនួន៣ និងបានកត់ត្រាលទ្ធផលស្មើ២ ចាញ់៤ ចាប់តាំងពីការចូលមកដឹកនាំរបស់លោក Cabrera ជាមួយក្រុមជម្រើសជាតិក្នុងខែកុម្ភៈ ឆ្នាំ២០២២។
Cabrera មានក្តីសង្ឃឹមក្នុងការបញ្ចប់ភាពមិនដែលឈ្នះរបស់ខ្លួន។ «ឱកាសដ៏ធំ គឺក្នុងការឈ្នះការប្រកួត… ហើយគោលដៅរបស់យើងគឺត្រលប់មកផ្ទះវិញជាមួយនឹងជ័យជម្នះទាំង ២លើក»។ សម្ដីរបស់គ្រូបង្វឹកសញ្ជាតិអេស៉្បាញ។ គួរបញ្ជាក់ថា បង់ក្លាដែស នឹងមកប្រកួតមិត្តភាពអន្តរជាតិជាមួយ កម្ពុជា នៅថ្ងៃទី២២ ខែកញ្ញា ឆ្នាំ២០២២ នាពហុកីឡដ្ឋានជាតិមរតកតេជោ វេលាម៉ោង ៧យប់៕
ប្រភព៖ newagebd.net
អត្ថបទ៖ មន្នីរ័ត្ន
-
សេដ្ឋកិច្ច៧ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៧ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)