កីឡា
កូនខ្មែរអាមេរិក Nick Taylor ប្រាប់ថា រីករាយដែលមានឈ្មោះជម្រើសជាតិ
កីឡាករខ្មែរ-អាមេរិក ថេឡូរ នីកូឡាស់ ឌឿង (Nick Taylor) ដែលជាខ្សែប្រយុទ្ធក្លឹប Orlando City B ក្នុងក្របខណ្ឌ MLS Next Pro លីគអាមេរិកត្រូវបានជាប់ឈ្មោះក្នុងបញ្ជីបឋមនៃក្រុមបាល់ទាត់ជម្រើសជាតិកម្ពុជាត្រៀមប្រកួតមិត្តភាពអន្តរជាតិជាមួយជម្រើសជាតិបង់ក្លេដែស ថ្ងៃទី២២ ខែកញ្ញា ឆ្នាំ២០២២នេះ។
បន្ទាប់ពីមានឈ្មោះក្នុងបញ្ជីបឋម Nick Taylor បាននិយាយថា ៖«ពិតជារីករាយណាស់ដែលខ្ញុំត្រូវបានកោះហៅចូលជម្រើសជាតិកម្ពុជាលើកដំបូង។ ខ្ញុំនឹងជួបអ្នកទាំងអស់គ្នាឆាប់ៗ»។
កីឡាករ Nick Taylor ដែលកើតឆ្នាំ១៩៩៨ នៅរដ្ឋតិចសាស សហរដ្ឋអាមេរិក ដែលមានម្តាយជាជនខ្មែរ និងឪពុកជាជនអាមេរិក ដូច្នេះរូបគេមានសិទ្ធិតំណាងឲ្យជម្រើសជាតិកម្ពុជាបាន។
កាលពីយុវជនលេងឲ្យសាលារៀន Coppel High School ដែលបានឈ្នះជើងឯក UIL 6A State ប្រចាំរដ្ឋតិចសាស ឆ្នាំ២០១៦ និងបានជាប់ឈ្មោះក្នុងក្រុមឆ្នើម NSCAA Winter-Spring High School Boys All-American រដូវកាល២០១៦-១៧។
រូបគេបានលេងឲ្យក្រុម Dallas Texans និងបានជួយឲ្យក្លឹបនេះឈ្នះមេដាយសំរឹទ្ធជើងឯកយុវជនអាមេរិក (U.S. Youth Soccer National) ឆ្នាំ២០១៣ និងឈ្នះពានរង្វាន់ប្រចាំរដ្ឋពីរដង ព្រមទាំងឈ្នះជើងឯកលីគ Classic League Division I ពីរដង។
រូបគេបានលេងឲ្យក្រុមមហាវិទ្យាល័យ គឺ២០១៧-២០១៨ នៅមហាវិទ្យាល័យ New Mexico Lobos បាន២៩ដង និងរកបាន៦គ្រាប់។ លេងឲ្យក្រុមមហាវិទ្យាល័យ SMU Mustangs ឆ្នាំ២០១៩-២០២១ រូបគេបង្ហាញខ្លួនលើទីលាន៣១ប្រកួត រកបាន២គ្រាប់ និងឆ្នាំ២០២១ដដែលលេងឲ្យមហាវិទ្យាល័យ UFC Knights បាន១៦ប្រកួត រកបាន៣គ្រាប់។ ចុងក្រោយរូបគេចូលក្លឹបធំកម្រិតអាជីព Orlando City B។
Nick Taylor ត្រូវបានគេមើលឃើញថា មានបច្ចេកទេសល្អ និងលេងបម្រើប្រយុទ្ធស្លាបឆ្វេង ដោសាររូបគេមានជំនាញជើងឆ្វេង៕
អត្ថបទ៖ វីរបុត្រ
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ