Connect with us

កីឡា

U-17 កម្ពុជា ចាប់ផ្ដើមកោះហៅកីឡាករធ្វើតេស្ត នៅសាលាបាល់ទាត់បាទី

បានផុស

នៅ

កីឡាករយុវជនអាយុក្រោម១៧ឆ្នាំ ចំនួន ២៩នាក់ ត្រូវបានសហព័ន្ធកីឡាបាល់ទាត់កម្ពុជា កោះហៅ ដើម្បីចូលជំរំធ្វើតេស្តហ្វឹកហាត់ដំណាក់កាលទី១ មុនជ្រើសរើសចូលក្រុមជម្រើសជាតិអាយុក្រោម ១៧ឆ្នាំ ត្រៀមប្រកួតពានយុវជនអាស៊ី អាយុក្រោម ១៧ឆ្នាំ (AFC U-17 Asian Cup) នៅខែតុលាខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជនចំនួន ២៩នាក់នោះមានមកពីក្លិបចំនួន ៥ត្រូវបានកោះហៅចូលរួមមាន៖

សាលាបាល់ទាត់ជាតិបាទី ២៤នាក់: សួន មករា, អ៊ិត សូនី, ទាំ មករា, អុក ដេវីន, ធី វាសនា, សឿន ផានិត, ទុំ សុផាត, សុន ថាវីស៊ីវ, សុខ ស៊ីណេ, ញ៉ង ពន្លក, ប៊ុន វិសាលី, ប៊ន ម៉ៅ, ខឿន គៀងវិរៈបុត្រ, សុង រ៉ានុត, ស៊ូន មេងហុង, ទ្រី ស៊ីណារិន្ទ និង នឿម សូនិក។ វិសាខា ២នាក់: សឹង សំបរូររិទ្ធី, សាង សុវណ្ណារ៉ា។ អាស៊ីអឺរ៉ុបយូណាយធីត ១នាក់: ភឹម ដាលិះ។ ភ្នំពេញក្រោន ១នាក់ ទេព ចន្ទប្រុសពេជ្រ។

យោងតាមការបញ្ជាក់ដោយមន្ត្រីសហព័ន្ធកីឡាបាល់ទាត់កម្ពុជា មកកាន់ ‘កម្ពុជាថ្មី’ យុវជនទាំង ២៩នាក់ នឹងត្រូវហ្វឹកហាត់ចំនួន ២ថ្ងៃ ពោលគឺនៅថ្ងៃទី១០ និងថ្ងៃទី១១ ស្អែកនេះ នៅសាលាបាល់ទាត់ជាតិបាទី។

សូមបញ្ជាក់ថាពីថ្ងៃទី០៥ ដល់ថ្ងៃទី០៩ នៅខែតុលា ឆ្នាំ២០២២ U-17 កម្ពុជា នឹងចូលរួមប្រកួតវគ្គជម្រុះពានយុវជន​អាស៊ីអាយុក្រោម ១៧ឆ្នាំ (AFC U-17 Asian Cup) នៅប្រទេសអូស្ត្រាលី។ កម្ពុជា ស្ថិតនៅពូល G ជាមួយម្ចាស់​ផ្ទះទឹកដីកណ្ដាល អូស្ត្រាលី, ចិន និងកោះម៉ារីណាខាងជើង។

សូមរំលឹកថា ឈុតនេះភាគច្រើនជាយុវជនដែលបានប្រកួតពានយុវជនអាស៊ីអាគ្នេយ៍ កាលពីខែសីហាកន្លងទៅ ដែលពេលនោះធ្វើបានល្អផងដែរ តាមរយៈការយកឈ្នះ U-16 អូស្ត្រាលី ៤-២ ដែលបន្តរួមពូលជាមួយគ្នា​ដល់ពានរង្វាន់ថ្មីមួយទៀតនេះ៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម