កីឡា
នេះខ្សែប្រយុទ្ធទាំង៣របស់ U23 ជប៉ុនប៉ះ U23 កម្ពុជាយប់នេះ
ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U23) ត្រូវប្រកួតមិត្តភាពអន្តរជាតិជាមួយក្រុម U23 ជប៉ុន វេលាម៉ោង៧យប់នេះ នៅពហុកីឡដ្ឋានជាតិមរតកតេជោ ផ្សាយផ្ទាល់ដោយទូរទស្សន៍ បាយ័ន និង BTV News។
លោក Lee Wooyoung គ្រូបង្គោល U23 ជប៉ុនបានប្រាប់ហើយថា ក្រុមរបស់លោកភាគច្រើនជានិស្សិតដែលរៀនផង និងលេងបាល់ទាត់ផងនៅសាកលវិទ្យាល័យចាប់ពីឆ្នាំទី២ ដល់ទី៤ ហើយពួកគេមួយចំនួនបានចុះកុងត្រាជាមួយក្លឹបអាជីពរបស់លីគជប៉ុនរួចរាល់ហើយ។
តាមអ្វីដែលគ្រូបង្គោលជប៉ុនបានប្រាប់ខាងលើហាក់ដូចជាពិបាកក្នុងការវាយតម្លៃថាតើក្រុម U23 ជប៉ុននេះមានគុណភាព សមត្ថភាព និងបច្ចេកទេសកម្រិតណា ពីព្រោះពួកគេមិនមែនជាក្រុមជម្រើសជាតិជប៉ុនសុទ្ធនោះទេ។
យ៉ាងណា បើពិនិត្យមើល ក្រុមបាល់ទាត់សាកលវិទ្យាល័យនានានៅប្រទេសជប៉ុនគឺពួកគេចូលរួមប្រកួតលីគបាល់ទាត់សាកលវិទ្យាល័យគឺ Kantō University Soccer League កម្រិត១ និងកម្រិត២ជារៀងរាល់ឆ្នាំ ដែលជាពានរង្វាន់លក្ខណៈអាជីពចាប់តាំងពីឆ្នាំ២០១១។ ដូច្នេះអាចនិយាយបានថា ថ្វីបើក្រុមសាកលវិទ្យាល័យ ប៉ុន្តែពួកគេមានការហ្វឹកហាត់ បណ្តុះបណ្តាលកម្រិតស្តង់ដា និងកម្រិតអាជីព។
ក្រៅពីនេះទៀត វិស័យបាល់ទាត់ជប៉ុនមានប្រព័ន្ធមួយ គឺ«កីឡាករគោលដៅពិសេសសម្រាប់លីគ ( J.League Designated Special Players) បានចាប់ផ្តើមតាំងពីឆ្នាំ១៩៩៨មក។ ប្រព័ន្ធនេះអនុញ្ញាតឲ្យកីឡាកររៀនសូត្រផង និងលេងបាល់ទាត់ផង។ យុវជនដែលមានទេពកោសល្យបំផុតចុះឈ្មោះជាផ្លូវការនៅសាកលវិទ្យាល័យ ឬវិទ្យាល័យរបស់ពួកគេយ៉ាងហោចណាស់ត្រឹមអាយុ១៨ឆ្នាំ និងមិនទាន់ចុះឈ្មោះជាមួយក្លឹបបាល់ទាត់អាជីពណាមួយឡើយ។
បន្ទាប់មកពួកគេអនុញ្ញាតឲ្យក្លឹបមកពីលីគជប៉ុនជ្រើសរើសយកកីឡាករច្រើនបំផុតត្រឹម៣នាក់ទៅហ្វឹកហាត់ និងប្រកួតក្នុងពានរង្វាន់ផ្សេងៗ។ បន្ទាប់មក បើក្លឹបពិនិត្យឃើញកីឡាករណាម្នាក់មានទេពកោសល្យ និងបំពេញតាមលក្ខខណ្ឌ ក្លឹបនោះនឹងចុះកុងត្រាយកធ្វើជាកីឡាករអាជីពតែម្តង ហើយពួកគេអាចចាប់ផ្តើមលេងឲ្យក្លឹបអាជីពពេញលេញនៅពេលបញ្ចប់ការសិក្សា។
និយាយពីក្រុម U23 ជប៉ុនដែលកំពុងមានវត្តមាននៅទឹកដីកម្ពុជា មានកីឡាករមកពីសាកលវិទ្យាល័យជប៉ុនផ្សេងៗគ្នា ហើយមួយចំនួនបានចុះកុងត្រាជាមួយក្លឹបអាជីពជប៉ុនរួចរាល់ដែរ។ សូមបង្ហាញខ្សែប្រយុទ្ធ៣រូបរបស់ U23 ជប៉ុន ដែលនឹងត្រូវប្រកួតជាមួយក្រុម U23 កម្ពុជាយប់នេះ។
ខ្សែប្រយុទ្ធ Yamada Shin អាយុ២២ឆ្នាំ កម្ពស់១,៧៥ម៉ែត្រ ជានិស្សិតឆ្នាំទី៤ និងជាកីឡាកររបស់សាកលវិទ្យាល័យ Toin University of Yokohama។ រូបគេបានចុះកុងត្រាជាមួយក្លឹប Kawasaki Frontale របស់លីគកំពូលជប៉ុនរួចហើយ។ នៅពេលបញ្ចប់ការសិក្សានាឆ្នាំ២០២៣ខាងមុខនេះ រូបគេនឹងចូលរួមជាមួយ Kawasaki Frontale ពេញលេញ។
ខ្សែប្រយុទ្ធ Ochiai Riku អាយុ២៣ឆ្នាំ កម្ពស់ ១,៧៥ម៉ែត្រ ជានិស្សិតឆ្នាំទី៤ និងជាកីឡាកររបស់សាកលវិទ្យាល័យ Tokyo International University ។ រូបគេបានបង្ហាញឲ្យក្លឹប Kashiwa Reysol ៤លើកហើយក្នុងពានរង្វាន់ J.League Cup ហើយគ្រោងនឹងចាប់ចូលក្លឹបនេះពេញលេញនៅឆ្នាំ២០២៣។
ខ្សែប្រយុទ្ធ Komori Hiiro អាយុ២២ឆ្នាំ កម្ពស់ ១,៧៨ម៉ែត្រ ជានិស្សិតឆ្នាំទី៤ និងជាកីឡាកររបស់សាកលវិទ្យាល័យ Niigata University of Health and Welfare។ រូបគេបានចុះកុងត្រារួចរាល់ហើយជាមួយក្លឹប JEF United Chiba លីគទី២ ហើយនឹងចូលពេញលេញនៅឆ្នាំ២០២៣។
កីឡាករ U23 ជប៉ុនទាំងស្រុង៖ មើលសមាជិកក្រុម U23 ជប៉ុនត្រៀមប៉ះ U23 កម្ពុជាស្អែក
អត្ថបទ៖ វីរបុត្រ
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?