កីឡា
ប្រធានក្រុមបង់ក្លាដែសនិយាយថា ៖«ក្រុមកម្ពុជាហ៊ានលេង»
ក្រុមបាល់ទាត់ជម្រើសជាតិកម្ពុជានឹងប្រកួតមិត្តភាពអន្តរជាតិ FIFA Day ជាមួយក្រុមជម្រើសជាតិបង់ក្លាដែស វេលាម៉ោង៧យប់ ថ្ងៃទី២២ ខែកញ្ញានេះ នៅពហុកីឡដ្ឋានជាតិមរតកតេជោ ផ្សាយផ្ទាល់ដោយទូរទស្សន៍ បាយ័ន និង BTV។
កីឡាករ Jamal Bhuiyan ប្រធានក្រុមបាល់ទាត់បង់ក្លាដែស បាននិយាយថា ៖«អ្វីគ្រប់មានភាពវិជ្ជមាន។ យើងកំពុងទន្ទឹងរង់ចាំការប្រកួតនេះដែលសំខាន់សម្រាប់ពួកយើង។ យើងចង់ឈ្នះការប្រកួតនេះ។ វាជាពេលវេលាល្អសម្រាប់កីឡាករដែលបានខំប្រឹងប៉ុន្មានសប្តាហ៍កន្លងមក»។
«ក្រុមកម្ពុជាដៃគូល្អមួយ។ ពួកគេហ៊ានលេងបាល់ណាស់។ ឥឡូវនេះ យើងបានដឹងពីចំណុចខ្លាំង និងចំណុចខ្សោយរបស់ពួកគេ (កម្ពុជា) ហើយ ប៉ុន្តែខ្ញុំមិនប្រាប់ពីចំណុចទាំងនោះទេ។ ពួកគេក៏ដឹងពីចំណុចខ្លាំង និងខ្សោយរបស់យើងដែរ។ វាជាការប្រកួតល្អមួយជាមួយក្រុមដែលមានសមត្ថភាពប្រហាក់ប្រហែលយើង។ ខ្ញុំគិតថា ការប្រកួតនេះ ៥០-៥០»។
ប្រវត្តិជួបគ្នា៤លើកចុងក្រោយគិតចាប់ពីឆ្នាំ២០០៦មក កម្ពុជាមិនធ្លាប់ឈ្នះបង់ក្លាដែសទេគឺ ចាញ់៣ដង និងស្មើ១ដង។ ឆ្នាំ២០០៦ កម្ពុជា ចាញ់ បង់ក្លាដែស ២-១ ក្នុងពានរង្វាន់ AFC Challenge Cup នៅទឹកដីរបស់បង់ក្លាដែស។ ១គ្រាប់របស់កម្ពុជារកបានដោយកីឡាករ ចាន់ រិទ្ធី។ ឆ្នាំ២០០៧ កម្ពុជា ស្មើជាមួយ បង់ក្លាដែស ១-១ ក្នុងពានរង្វាន់ Nehru Cup នៅប្រទេសឥណ្ឌា។ ១គ្រាប់របស់កម្ពុជារកបានដោយ កែវ កុលស។ ឆ្នាំ២០០៩ ក្នុងជំនួបមិត្តភាពអន្តរជាតិខែមីនា កម្ពុជា ចាញ់ ០-១ នៅទឹកដីបង់ក្លាដែស និង ឆ្នាំ២០១៩ ខែមេសា ជំនួបមិត្តភាពដដែល កម្ពុជា ចាញ់ ១-០ ទៀត នៅទឹកដីភ្នំពេញ៕
អត្ថបទ៖ វីរបុត្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore