កីឡា

បាល់ទាត់អង់គ្លេស ពិចារណាប្រកួតពេលថ្ងៃត្រង់វិញ ដើម្បីសន្សំសំចៃអគ្គិសនី

បានផុស

៣ years មុន

នៅ

ថ្ងៃសុក្រ ២៣ កញ្ញា ២០២២

ដោយ

២ ភាគ ៣ នៃក្លិបនៅអង់គ្លេស បានទទួលស្គាល់នៅក្នុងការស្ទង់មតិមួយ ដែលពួកគេបានពិចារណាចង់ផ្លាស់ប្តូរម៉ោងប្រកួតលឿនជាងមុនក្នុងរដូវរងារ ដើម្បីសន្សំសំចៃលើការចំណាយលើអគ្គិសនី ចំពេលមានវិបត្តិថាមពលដែលកំពុងកើនឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បាល់ទាត់អង់គ្លេសកំពុងរៀបចំសម្រាប់ការវិលត្រឡប់ទៅកាន់យុគសម័យមុនវិញ ដោយក្លិបត្រៀមខ្លួនរួចជាស្រេច ដើម្បីយកឈ្នះលើការកើនឡើងនៃការចំណាយថាមពល និងកង្វះថាមពលអគ្គិសនី ជាមួយនឹងការចាប់ផ្ដើមការប្រកួតនៅពេលថ្ងៃត្រង់វិញ។

នៅក្នុងការស្ទង់មតិទូទាំងប្រទេសដ៏គួរឱ្យភ្ញាក់ផ្អើលមួយ ៦៣ភាគរយនៃក្លិបស្ទើរតែ ២ ក្នុងចំណោម ៣ បានសារភាពថាពួកគេកំពុងពិចារណាការចាប់ផ្តើមការប្រកួតពេលថ្ងៃត្រង់វិញដើម្បីសន្សំសំចៃលើការចំណាយលើថ្លៃភ្លើងបំភ្លឺកីឡដ្ឋាននៅខែក្រោយ។

ក្លិបក្នុងលីគ បង្ហាញលើផែនការថាមពលរំពឹងថា នឹងកើនឡើងបីដងក្នុងរដូវកាលនេះ ដោយតម្លៃនៃប្រតិបត្តិការភ្លើងបំភ្លឺកីឡដ្ឋានកើនឡើងលើសពី ១០០,០០០ ផោនក្នុងមួយឆ្នាំ។

វាមានរយៈពេល ៥០ ឆ្នាំ ហើយចាប់តាំងពីបាល់ទាត់អង់គ្លេសបានប្ដូរមកមានប្រកួតនៅពេលយប់ ដោយប្រកួតពាក់កណ្តាលសប្តាហ៍ ជាមួយនឹងការចាប់ផ្តើមលេងនៅម៉ោង ២:១៥ នាទីរសៀល។

បញ្ជាក់ថា ការលុកលុយរបស់រុស្ស៊ី លើអ៊ុយក្រែន ទំនងជាផ្នែកមួយនៃកង្វះថាមពលក្នុងរដូវរងារនេះ និងអាចបង្ខំឱ្យក្លិបប្រកួតក្នុងម៉ោងដែលអាចប្រើប្រាស់ពន្លឺថ្ងៃពាក់កណ្ដាលវគ្គទី ១ និងពន្លឺភ្លើងកីឡដ្ឋាន នៅវគ្គទី ២៕

ប្រភព៖ mirror.co.uk

អត្ថបទ៖ មន្នីរ័ត្ន