កីឡា

បាល់ទាត់ថៃដាក់គោលដៅមេដាយមាសទាំង២ពីស៊ីហ្គេម២០២៣ ចុះកម្ពុជា?

បានផុស

៤ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

សហព័ន្ធកីឡាបាល់ទាត់កម្ពុជាតាមរយៈសន្ទស្សន៍របស់គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) បានបង្ហាញពីការកំណត់គោលដៅរបស់ក្រុម U23 កម្ពុជាឡើងដល់វគ្គផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតមកដល់ពេលនេះ ក្រុមបាល់ទាត់ U23 កម្ពុជាធ្លាប់បានឡើងវគ្គពាក់កណ្តាលផ្តាច់ព្រ័ត្រ (៤ក្រុមចុងក្រោយ) ក្នុងព្រឹត្តិការណ៍កីឡាស៊ីហ្គេមតែម្តងគត់កាលពីឆ្នាំ២០១៩ ប៉ុន្តែមិនទាន់ធ្លាប់បានឡើងវគ្គផ្តាច់ព្រ័ត្រ។ សម្រាប់ឆ្នាំ២០២៣ខាងមុខគឺជាលើកដំបូងដែលបាល់ទះកម្ពុជាដាក់គោលដៅឡើងដល់វគ្គផ្តាច់ព្រ័ត្រ។

ស៊ីហ្គេមពីរលើកចុងក្រោយ ក្រុម U22 កម្ពុជាបានឡើងទៅវគ្គពាក់កណ្តាលផ្តាច់ព្រ័ត្រជាលើកដំបូងនៅឆ្នាំ២០១៩ បន្ទាប់ពី៤ប្រកួតក្នុងពូល ឈ្នះ២ ស្មើ១ និងចាញ់១ គឺ ឈ្នះទីម័រខាងកើត ៥-០, ឈ្នះម៉ាឡេស៊ី ៣-១, ស្មើហ្វីលីពីន ១-១ និងចាញ់ មីយ៉ាន់ម៉ា ២-១។ វគ្គពាក់កណ្តាលផ្តាច់ព្រ័ត្រចាញ់វៀតណាម ០-៤ និងប្រកួតដណ្តើមយកមេដាយសំរឹទ្ធចាញ់មីយ៉ាន់ម៉ា ដោយទាត់ប៉េណាល់ទី ៤-៥ ក្រោយស្មើគ្នា ២-២។

ស៊ីហ្គេម ឆ្នាំ២០២១ (លើកមក២០២២) នៅប្រទេសវៀតណាម កន្លងទៅប៉ុន្មានខែនេះ ក្រុម U23 កម្ពុជាមិនបានឡើងវគ្គពាក់កណ្តាលផ្តាច់ព្រ័ត្រទេ ក្រោយ៤ប្រកួតក្នុងពូល ឈ្នះ១ ស្មើ១ និងចាញ់២ គឺ ឈ្នះឡាវ ៤-១, ស្មើម៉ាឡេស៊ី ២-២, ចាញ់ថៃ ០-៥ និងចាញ់សិង្ហបុរី ០-១។

និយាយពីសហព័ន្ធកីឡាបាល់ទាត់ថៃបានដាក់គោលដៅយកមេដាយមាសទាំង២គ្រឿងគឺ វិញ្ញាសាគឺបុរស U23 និងវិញ្ញាសានារី ក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។ បាល់ទាត់ថៃធ្លាប់ឈ្នះមេដាយមាសស៊ីហ្គេម ច្រើនជាងគេបំផុតរហូតដល់១៦ដង តាំងពីព្រឹត្តិការណ៍អាស៊ានមួយរៀបចំការប្រកួតលើកដំបូងពីឆ្នាំ១៩៥៩មក។

សូមបញ្ជាក់ថា កម្ពុជាក្នុងនាមជាម្ចាស់ផ្ទះស៊ីហ្គេម លើកទី៣២ ឆ្នាំ២០២៣បានដាក់៣៩ប្រភេទកីឡាដែលមានជាង៦០០វិញ្ញាសា៕

អត្ថបទ៖ វីរបុត្រ

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា